Labo musharax oo isugu soo haray wareega ugu danbeeya ee doorashada guddoomiyaha Baarlamaanka
Isniin, April, 30, 2018 (HOL) – Waxaa soo
dhamaatay wareegii koowaad ee doorashada guddoomiyaha Golaha Shacabka oo ay ku
tartameen ilaa 10 musharax oo ka tirsan Baarlamaanka Soomaaliya.
Waxaa wareega labaad isugu soo haray ilaa Afar
Musharax oo kala ah Maxamed Mursal Sheekh Cabdiraxmaan oo helay 83 cod,
Ibraahim Isaaq Yaroow oo helay 69 cod, Cabdicasiis Xassan Maxamed Lafta-Gareed oo helay 55 cod iyo Shariif
Maxamed Cabdalla oo helay 19 cod.
Laakiin waxaa ka hor inta aan loo gudbin codeynta wareega labaad ku dhawaaqay in ay tanaasuleen labada musharax ee kala ah Shariif Maxamed Cabdulla oo 19 cod iyo Cabdicasiis Xassan Maxamed Lafta gareen oo helay 55 cod.
Ugu danbeyntii waxaa isugu soo haray wareegii ugu danbeeyay Maxamed Mursal Cabdiraxmaan iyo Ibraahim Isaaq Yaroow.
Akhriso sida 10 musharax u kala helleen codadka :
1- Xildhibaan Maxamed Mursal Sh 83 Cod
2-Xildhibaan Ibraahim Isaaq Yarow 69 Cod
3- Xildhibaan C/casiis Xasan Maxamed Laftagareen 54 cod
4- Xildhibaan Shariif Maxamed Cabdalla 19 cod
5-Xildhibaan Cali Sheekh Nuur 16 cod
6- Xildhibaan Saalim Caliyow Ibrow 7-cod
7- Xildhibaan Maxamud Macalin Yaxye 7-cod
8- Xildhibaan Shariif Sheekhunaa Maye 5-cod
9- Xildhibaan Idris Cabdi Dhaqtar 3 cod
10-Xildhibaan Iimaan C/laahi Nuur. 3-cod
Wixii warar ah ee ka soo kordha waa idin soo gudbin doonnaa..
C/raxmaan Diini,
Hiiraan Online
[email protected]
