Isniin, April, 30, 2018 (HOL) - Xarunta Golaha
Shacabka waxaa ka socta qabanqaabo loogu jiro doorashada guddoomiyaha Golaha
Shacabka oo ay u sharaxan ilaa 11 xildhibaan oo ka tirsan mudanayaasha
Baarlamaanka.
Musharixiinta qaarkood ayaa ka tanaasulay xilal
ay ka hayeen xukuumadda Soomaaliya waxaana ka mid ah Wasiirkii Gaashaandhigga Soomaaliya
Maxamed Mursal iyo Saalam Caliyoow Ibroow oo ahaa wasiirkii Tamarta xukuumadda
Soomaaliya.
Waxaa sidoo kale musharixiinta ka mid ah mas'uuliyiin
horay xilal kala duwan xukuumadda uga hayay sida Wasiiru-dowlayaal iyo Wasiir
ku-xigeen kuwaa oo dhamaantood ka tanaasulay xilalkii ay hayeen.
Doorashada maanta oo noqon doonta mid adag marka
la eego loolanka siyaasadeed ee socda iyo tirada musharixiinta ayaa la filayaa
in la dhowr wareeg oo doorasho aho la mar, haddii aan la helin tanaasul ka yimaada qaar
ka mid ah musharixiinta.
Sida ilo xog ogaal ah noo sheegeen doorashada
maanta waxaa ka qeybgali doonin Korjoogtada madaxa-bannaan, sida ururada
bulshada rayidka iyo beesha caalamka, kaddib markii arrintaa ay go’aan horay
uga soo saareen guddiga qaban-qaabada doorashada.
Hadaba Wararka ku saabsan doorashada waan idin
soo gudbin doonnaaa…
C/raxmaan Diini,
Hiiraan Online
[email protected]