3/28/2024
Today from Hiiraan Online:  _
Wararka Maanta- Sabti, Apr 28, 2018
Madaxweyne Farmaajo oo barri u safraya Burundi xili Nus Malyan ruux oo Soomaali ah saameeyeen Fatahaado daran

 

Sabti,, April, 28, 2018 (HOL) – Madaxweynaha dowladda Soomaaliya Maxamed Cabdullaahi Farmaajo iyo wafdi uu horkacayo ayaa la filayaa in maalinta barri ah u socdaalaan dalka Burundi iyaga oo ka qeybgali doona daawashada Finalka CECAFA U-17 oo ay isaga hor iman doonaan xulka kubadda Cagta Soomaaliya iyo Tansaaniya.

Ilo Wareedyo ku sugan madaxtooyada ayaa HOL u sheegay in madaxweynuhu ka qeybgali doono daawashada cayaarta marka xulka Qaranka Soomaaliya ay wajahayaan kooxda Kubadda cagta dalka Tansaaniya

Inkastoo guud ahaa marka la eego dalka oo dhan siweyn loo soo dhaweeyay guulihii is daba joog ahaa oo ay gaaareen xulka Kubadda Cagta ee Soomaaliya, lana rajeynayo in ay la soo guryo noqdaan Koobka, haddana dad badan oo ay ka mid yihiin xildhibaanno iyo Wasiirkii hore ee Waxbarashada Cabdinuur Sh. Maxamed waxaa ay walaac xoogan ka muujiyaan waqtiga safarkan uu ku soo beegmay.

Sida laga soo xigtay hay'adaha gargaarka ku dhawaad ​​420,000 oo qof ayaa saameeyeen fatahaadaha ka dhashay Wabiga shabeelle , waxaana magaalada Beledweyne oo kaliya ka barakacay dadka ka badan 100,000 oo qof oo qiyaastii gaaraya 26 Kun oo Qoys.

Fatima Axmed oo ka ka mid ah dadka ku dhaqan magaalada Beledweyne ayaa sheegtay in madaxweynaha mas’uuliyad ka saaran tahay wadanka oo idil.

‘’Waa madaxweyne-heenii, qeybaha kale ee dalka waxaa uu tusay hogaamintiisa iyo sida uu madaxweynaha ugu yahay, laakiin waxey u muuqataa in Annaga uusan wax muhiimad ah na siinin’’ ayeey tiri Fatima oo ka mid ah dadka deegaanka.

Madaxweyne Farmaajo ayaan booqan magaalada Beledweyne tan iyo markii loo doortay madaxweynaha dalka Soomaaliya.

Ra’iisal wasaaraha Soomaaliya ayaa maanta magaalada Muqdisho uga dhawaaqay guddi ka kooban 22 xubnood oo isku duwi doona gargaarka degdega ah ee la gaarsiinayo dadka ay fatahaadu saameysay, gaar ahaan magaalada Beledweyne.

 

Jimcihii, madaxweynaha gobolka Hirshabelle Mohamed Cabdi Ware ayaa qiray in dhibaatada ka taagan magaalada Beledweyne tahay mid ka baxsan awooda maamulka isaga oo baaq u diray dowladda Soomaaliya, hay’addaha samafalka iyo qurbo joogta si loo caawiyo dadka tabaaleysan.

"Waxaan ka codsanaynaa, Dowladda Soomaliya, Beesha Caalamiyaanka ah, NGO-yada in ay naga caawiyaan sidii wax looga qaban lahaa dhibaatooyinka bani'aadamnimada ee sii kordhay iyo in laga hortago in ay sii xumaadaan’’ ayuu yiri madaxweyne Waare.

C/raxmaan Diini, Hiiraan Online
[email protected]













Click here
4/28/2018 9:58 AM EST
Sabti,, April, 28, 2018 (HOL)–Gudoomiyaha xisbiga mucaaradka ah ee WADDANI Md;C,/raxmaan Maxamed C/laahi Cirro ayaa xukuumadda ku eedeeyey inay ku fashilmeen inay wax ka qabtaan sicir bararka aafeeyey noloshii shacabka.

4/28/2018 9:03 AM EST
Sabti,, April, 28, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo goor dhaw shir jaraa’id ku qabtay magaalada Muqdisho ayaa sheegay in kulan deg deg ah oo ay yeesheen leysku afgartay in sida ugu dhaqsiyaha badan loogu gurmado dadka ay fatahaadu ku dhufatay, gaar ahaan magaalada Beledweyne.

4/28/2018 7:54 AM EST
Sabti,, April, 28, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa shir guddoominaya kulan goor dhaw ka furmay xarunta madaxtooyada Soomaaliya oo looga hadlayo xaalada Fatahaada Wabiga Shabeelle uu ka sameeyay qeybo ka mid ah gobollada dalka, gaar ahaan magaalada Beledweyne.

4/28/2018 5:18 AM EST
Sabti,, April, 28, 2018 (HOL)-Inta la xaqiijiyay Saddex ruux ayaa ku geeriyootay 6 kalana dhaawac ayaa soo gaaray kaddib markii Saakay Magaalada Gaalkacyo uu ka dhacay Qarax Ismiidaamin ah Sidda ay warbaahinta u xaqiijiyeen maamulka gobolka Mudug.

4/28/2018 2:10 AM EST
Sabti,, April, 28, 2018 (HOL)–Iyadoo dhawaan guddoomiye ku-xigeenka Golaha Shacabka Ibraahim Sheekh Muudeey xildhibaannada Baarlamaanka Soomaaliya u qeybiyay Nuqullo ka mid ah dastuurkii uu horay u sheegay in la xaday, ayaa hadda waxaa soo baxaya shaki arintan ay ka muujinayaan qaar ka mid ah xildhibaannada Golaha Shacabka.

4/28/2018 1:33 AM EST
Sabti,, April, 28, 2018 (HOL)-Dowlada Canada ayaa shaacisay in ay Soomaaliya ugu deeqday lacag dhan 18 milyan oo Dollar waxaana ku dhawaaqay warkaasi wasiirka socdaalka jansiyadaha iyo arrimaha Qaxootiga Canada Axmed Xuseen oo matalayay wasaarada Arrimaha Dibada ee dowlada Canada,

4/28/2018 1:19 AM EST
Sabti,, April, 28, 2018 (HOL)-Dowladda Soomaaliya ayaa lagu waddaa in ay kulan deg deg ah ka yeelato xaalada Fatahaada ku dhufatay qeybo ka mid ah gobollada, gaar ahaan magaalada Beledweyne oo ay ku soo rogmadeen biyihii ugu badnaa ee soo mara sanadihii ugu danbeeyayb.

4/28/2018 1:03 AM EST
Sabti, April, 28, 2018 (HOL)-Madaxweynaha Maamulka Hir-Shabeelle Maxamed Cabdi Waare oo warbaahinta ayaa sheegay in marka la eego xadiga xaalada bani’aadannimo ee magaalada Beledweyne tahay mid ka baxsan awooda maamulka una baahan gurmad xeer caalami ah.

4/28/2018 12:49 AM EST
Sabti, April, 28, 2018 (HOL)-Wasaaradda caafimaadka ee maamulka Xamaas ee Qasa ayaa sheegtay in ciidamada Israel toogasho ku dileen saddex Falastiiniyiin ah oo ka qayb qaadanayey mudaharaad ballaaran oo lagaga soo horjeedo gidaarka Israel.

4/28/2018 12:42 AM EST
Sabti, April, 28, 2018 (HOL)-Dowladda Mareykanka ayaa ku baaqday in dowladda Soomaaliya laga taageero dhanka amniga si ay uga adkaato dagaalyahanada Al-Shabaab oo ay kula jirto dagaal xooggan.

4/28/2018 12:06 AM EST
Sabti,April, 28, 2018 (HOL)-Roobab culus oo xalay ka da’ay magaalada Beledweyne ayaa u muuqda kuwo uga sii darey xaalada Fatahaada iyo daadadka ka dhashay dhibicda biyaha roobka oo marba marka ka danbeysa sare u sii kacaya.