Guddiga nabadaynta colaada Koonfurta Gobolka Sool oo ka war bixiyay wixii u qabsoomay
Axad, September, 09, 2018 (HOL) –
Gudiga nabadaynta isu xilqaamay
daminta colaadii ka dhex qaraxday labada beelood ee Koonfurta G Sool wada daga
ayaa maanta ka warbixiyey wixii u qabsoomey labadii maalmood ee ay ku
sugnaayeen magaalooyinka Dhumay iyo kalabaydh.
Gudiga oo ka koobnaa Culimo iyo
Odoyaal isamarkaana ay hogaaminayeen Sh C/Naasir Xaaji Axmed iyo Sh Dr Axmed
Jaamac Ismaaciil Mire ayaa sheegay in ay dhex tageen labada dhinac ,ayna
ku hor mareen magaalada Dhumay oo
dhibaatadii ugu badnayd ka dhacaday.
Sh C/naasir ayaa HOL u sheegay inay
Dhumay kula kulmeen qaar ka mid ah odoyaasha deegaankaasi iyo dadwaynihii
halkaasi ku sugnaa waxaan ay hor dhigeen qodobadan :
1:In xabad Joojin deg deg ah
oo bilaa shuruud ah la sameeyo .
2:In la Kala Qaado malleeshiyo
beeleedyada is horfadhiyo mid waliba lagu celiyo meelihii ay ka yimaadeen .
3:In la joojiyo guryaha la gubayo
iyo burburinta hantida ma guurtada ah iyo dhibaataynda loo gaysanayo
Biri-magaydada.
Dhamaan qodobadan waa ay ka
aqbaleen gudigan, waxaanuna ka codsadeen gudigani in mudo shan
maalmood ay isu soo urursadaan Odoyaasha iyo guurtida beeshan si looga
hadlo daminta colaada.
Sheekh C/naasir Xaaji Axmed ayaa
intaasi ku daray in gudigu ay u gudbeen magaalada Kalabaydh islana
qaateen Sadexdii qodob oo shuruud la'aan ah odayaasha beeshu,
loona qabtay mudo la mid ah beeshii hore .
Colaada u dhaxysa labada beelood ee
wada daga koonfurta gobolka Sool ayaa ah mid soo noqnoqonaysay mudo labaatan
sano ku dhawaad ah iyadoo khasaare naf iyo maalba leh ay kala dhacday.
Seynab Cabdi Warsame.
[email protected].
Laascaanood,G: Sool.