11/14/2018
Today from Hiiraan Online:  _
Wararka Maanta- Axad, Sept 9 , 2018
Muxuu eersaday taliye ku-xigeenkii hore ee NISA Cabdalla Cabdalla?


 

Axad, September, 09, 2018 (HOL) - Madaxweynaha Soomaaliya,Maxamed Cabdullaahi Farmaajo ayaa saacadihii dambe ee Sabtidii ka ruqseeyay hay'adda nabadsugidda iyo sirdoonka qaranka ee NISA, Sareeye Guuto Cabdalla Cabdalla Maxamed , wareegtada uu soo saarey madaxweynaha waxaa kalo lugu caddeeyay in laga dhigey dhammaan darajooyinkii ciidan,kaddib soojeedin ka timid agaasimaha guud ee NISA.

Cabdalla Cabdalla , ka hor inta aan laga saarin NISA - waxaa bishii Agoosto ee sannadkan laga qaaday xilkii uu hayay ee agaasime ku-xigeenka hay'adda, oo madaxweynaha Soomaaliya uu u magacaabay Fahad Yaasiin.

Sababta ay dowladda u fogeysay sarkaalka mudda dheer ka tirsanaa NISA ayaa su'aallo badan dhaliyay, balse warqad ay heshay Hiiraan Online oo Cabdalla uu u direy 02dii bishan September xeer ilaalinta ciidammada qalabka sida oo la ogeysiiyay maxkamadda ciidammada qalabka sida, wuxuu dacwad ka gudbiyay , Fahad Axmed Daahir (Fahad Yaasiin) oo ka mid ah shaqsiyaadka ugu saamaynta badan Soomaaliya iyo saaxibadda ugu dhow madaxweyne Farmaajo.

Wuxuu sarkaalka ku soo bandhigey dacwada uu gudbiyay eedeymo culus ,sida in horey muddada uu Fahad Yaasin , agaasime ku-xigeenka NISA uu hayay xilka agaasimaha madaxtooyada uu diiddey baaritaan lugu sameeyo xubin sare oo u sheegay inuu ka tirsanaa al-Shabaab gaar ahaana kooxda u fulisa dilalka qorsheysan ,kaas oo u ka shaqaaleysiiyay madaxtooyadda, waxaa inta dheer oo warqada uu ku caddeeyay wadashaqeyn ka dhaxeeysay al-Shabaab laga billaabo sannadkii 2015 illaa 2017 saraakiisha kala ah,Xuseen Cismaan Xuseen iyo Fahad Yaasiin , isagoo warqadda ku muujiyay inuu dhammaan eedeymaha caddeeymo u helayo.

Cabdalla , dacwada uu gudbiyay waxaa ka horeysay eedeymo uu usoo jeediyay taliska NISA, markii shaqa joojin lugu sameeyay intii uu xilka hayay,waqtiga wuxuu sheegay in la jabsaday xafiiskiisa oo lagala baxay maclumaad badan.

  

Iman Mohamed Jama, Hiiraan Online
[email protected]
 







Click here
9/9/2018 1:03 PM EST
Axad, September, 09, 2018 (HOL) – Gudiga nabadaynta isu xilqaamay daminta colaadii ka dhex qaraxday labada beelood ee Koonfurta G Sool wada daga ayaa maanta ka warbixiyey wixii u qabsoomey labadii maalmood ee ay ku sugnaayeen magaalooyinka Dhumay iyo kalabaydh.

9/9/2018 11:42 AM EST
Axad, September, 09, 2018 (HOL) –Kaddib qoraal wada jir ah oo ay soo saareen xibiyada mucaaradka dalka oo ay wehliso Kutlada baarlamaamniga ah ee Horusocod waxaa lagu taageeray go’aankii madaxda dowlad gobolleedyada dalka ay xiriirkii wada shaqeynta ugu jareen dowladda dhexe ee Soomaaliya.

9/9/2018 10:25 AM EST
Axad, September,09, 2018 (HOL)–Wejigii labaad ee mashruuc indho fiiqis bilaash ah loogu sameynayo dadka danyarta ah ayaa ayaa ka socda magaalada Kismaayo ee gobolka Jubada hoose.

9/9/2018 10:03 AM EST
Axad, September, 09, 2018 (HOL)–Ra’iisul wasaaraha xukuummadda federaalka Soomaaliya, mudane Xasan Cali Khayre, ayaa maanta dhagax-dhigay xarunta wasaaradda qorshaynta, maalgashiga iyo horumarinta dhaqaalaha oo lagu samaynayo dib-u-dhis ballaaran.

9/9/2018 8:19 AM EST
Axad, September, 09, 2018 (HOL)-Inta la xaqiijinayo 17 ruux ayaa ku dhimatay Axadii maanta kaddib markii ay bur burtay diyaarad ka anbabaxday Garoonka diyaaradaha magaalada Jubba ee dalka Koonfurta Sudan kuna sii jeeday magaalada lagu magacaabo Yirol.

9/9/2018 2:46 AM EST
Axad, September, 09, 2018 (HOL)-Eritrea ayaa dib ugu biireysa urur goboleedka IGAD iyadoo munaasabad loogu oggolaanayo lagu wado in lagu qabto magaalada Addis Ababa toddobadka dambe.

9/9/2018 1:50 AM EST
Axad, September, 09, 2018 (HOL)-Madaxweynaha Dowlad Deegaanka Soomaalida ee Itoobiya Mustafe Muxumed Cumar ayaa ciidammada Liyu booliska ugu baaqay inay ilaaliyaan xuquuqda aadanaha marka ay gudanayaan howlaha loo igmaday.

9/9/2018 1:32 AM EST
Axad, September, 09, 2018 (HOL)- Maamulka Gobolka Banaadir ayaa fuliyey qorshaha dib-u- soo celinta dhulka Danta Guud oo Jardiinka Number Afar la banneeyey oo dhismihii laga burburiyey si bilicdii Dar-jiinooyinka la soo celiyo.

9/9/2018 1:01 AM EST
Axad, September, 09, 2018 (HOL)-Madaxweyne ku-xigeenka Puntland,Cabdixakiim Cabdullaahi Cumar (Camey) oo ka hadlay shirka madasha wada-tashiga dowlad-gobolleedyada ee lugu soo gabagabeeyay magaalada Kismaayo, wuxuu sheegay inaysan maslaxad ugu jirin bulshadda Soomaaliyeed.