Jimco, September, 07, 2018 (HOL)–
Soomaaliya ayaa la wareegaysa
shir-guddoonka golaha wasiirrada Jaamacadda Carabta,kaltankiisa 151,aad, sida
ay baahisay wasaaradda arrimaha dibadda xukuumadda federaalka ah ee Soomaaliya.
Xukuumadda Soomaaliya waxaa ay ku
sheegtay la-wareegida shir-guddoonka golaha wasiirrada jaamacadda Carabta,
tusaale muujinaya dadaallada lugu raadinnayo sidii ay Soomaaliya mar kale usoo
ceshan lahayd maqaamka ay ku lahayd dunidda, waxaana ay arrintan horseedi
karta shirar aan la-maleysan karin oo heer sarre ah inay martigaliso caasimadda
Muqdisho.
"Wasaaradda arrimaha dibadda
iyo Iskaashiga Caalamiga waxaa ay soo celinaysaa maqaamka Soomaaliya ay ku
lahayd dunidda si shirarka iyo shir madaxeedyada loogu qabto caasimadda
Muqdisho." wasaaradda arrimaha dibadda Soomaaliya ayaa ku sheegtay qoraal
kooban oo ay baahisay.
Soomaaliya ayaa ku biirtay ururka
jaamacadda Carabta sannadkii 1974, tan iyo wixii marka ka dambeeyay Soomaaliya
waxay door firfircoon ka qaadaneysay shirarka uu yeelanayay ururka.
Iman Mohamed Jama, Hiiraan Online
