9/25/2018
Today from Hiiraan Online:  _
Wararka Maanta- Jimco, Sept 7 , 2018
Wararkii ugu danbeeyay Wasiirro arrimo dibeddeedka ku shirsan Jabuuti


 

Jimco, September, 07, 2018 (HOL)– Kaddib kulan magaalada Jabuuti ay ku yeesheen wasiirro arrimo arrimo dibeddeedka wadamada Soomaaliya, Jabuuti, Eritrea iyo Itoobiya ayaa waxaa laga soo saaray war-murtiyeed kooban.

War-murtiyeedka ayaa lagu sheegay in ay tallaabadani tahay mid weyn oo loo qaaday dhanka adkaynta nabadda iyo deggenaanshaha gobolka, iyadoo lagu taageerayo is-dhexgalka dhaqaale iyo bulsho dalalka Geeska Africa.

Sidoo kale war-murtiyeedka ayaa lagu sheegay in socdaalka wasiirro arrimo dibeddeedka wadamada Geeska Africa ay ku tageen Jabuuti uu noqonayo mid ka dhashay dadallada guud ahaanba ka socda dalalka gobolka ee la doonayo in lagu soo celiyo wadajirka.

 

Socdaalka wasiirro arrimo dibeddeedka dalalka Itoobya, Soomaaliya iyo Eritrea ay ku tageen dalka Jabuuti ayaa ka dhashay kulan madaxdeedkii madaxda saddexda dal ee ka dhacay magaalada Asmara.

Waxaa muuqata in uu soconayo dadaal xoog leh oo la doonayo in lagu dhameeyo khilaafka labada dowladdood ee Jabuuti iyo Eritrea oo uu ka dhaxeeyo muran la xiriira dhulka ama xuddduuda.

C/raxmaan Diini, Hiiraan Online
[email protected]







Click here
9/7/2018 1:43 PM EST
Jimco, September, 07, 2018 (HOL)– Hal qof ayaa ku geeryooday shan ruux oo kalana waa ay ku dhaawacmeen qarax aan la sheegin nuuciisa balse la yiri waxa uu ahaa bir ay garaacayeen shaqaale ka tirsan geerish ku yaalla magaalada Qardho.

9/7/2018 12:19 PM EST
Jimco, September, 07, 2018 (HOL)–Dowladda Soomaaliya ayaa markii ugu horreeysay ka hadashay mowqifkeeda ku aaddan shirka hoggaamiyayaasha dowlad-gobolleedyada uga socda magaalada Kismaayo ee gobolka Jubbada hoose.

9/7/2018 11:50 AM EST
Jimco, September, 07, 2018 (HOL)– Taliska ciidanka xoogga Soomaaliya ayaa shaaciyay inay socdaan dadaallo lugu raadinnayo sidii ay xorriyaddooda u heli lahaayeen ku dhawaad 70 qof oo u badan odayaal, kuwaas oo ay al-Shabaab maalmo ka hor ka af-duubteen deegaanka Gal-qoryaale oo ka tirsan gobolka Galgaduud.

9/7/2018 11:24 AM EST
Jimco, September, 07, 2018 (HOL)– Madaxweynaha dalka Jabuutii,Ismaaciil Cumar Geelle ayaa ka mahadceliyay dadaallada lugu raadinayo in xal-waara laga gaaro xiisada kala dhaxeysa Jabuuti dalka Eritrea, kaddib markii labada dal gaareen heshiis horudhac ah oo u gogol-xaaraya in lasoo af-jaro colaaddii muddo taagnayd.

9/7/2018 11:00 AM EST
Jimco, September, 07, 2018 (HOL)–Soomaaliya ayaa la wareegaysa shir-guddoonka golaha wasiirrada Jaamacadda Carabta,kaltankiisa 151,aad, sida ay baahisay wasaaradda arrimaha dibadda xukuumadda federaalka ah ee Soomaaliya.

9/7/2018 10:28 AM EST
Jimco, September, 07, 2018 (HOL)–Dowladda Soomaaliya ayaa ka codsatay madaxda dowlad gobolleedyada xisaab celin ku aadan lacagaha dowladda dhexe ay siiso dowlad gobolleedyada, xili madaxda maamulada dalka shir ka dhan ah dowladda dhexe ku leeyihiin Kismaayo

9/7/2018 8:02 AM EST
Jimco, September, 07, 2018 (HOL)-Madaxweyne ku xigeenka Somaliland C/raxmaan C/laahi Ismaaciil Saylici iyo wefti uu hogaaminayo ayaa dalka dib ugu soo laabtay kadib socdaal shaqo iyo acmaasha xajka isugu jira oo uu ugu maqnaa dalka boqortooyada Sucuudiga.

9/7/2018 7:14 AM EST
Jimco, September, 07, 2018 (HOL)– Baarlamaanka dowlad deegaanka Ismaamulka Soomaalida oo fadhi ku yeeshay magaalada Jigjiga ayaa qaatay go’aamo masiir ah, iyaga oo isku raacay in la badalo calanka iyo magaca ismaamulka Soomaalida.

9/7/2018 4:55 AM EST
Jimco, September, 07, 2018 (HOL)– Dowladda Kenya ayaa is hortaagtay Talaadadii todobaadkan diyaar ka anbabaxday magaalada Muqdisho in ay ka digto garoonka diyaaradaha Jomo Kenyatta.

9/7/2018 3:46 AM EST
Jimco, September, 07, 2018 (HOL)– Taliyaha ciidamada xoogga dalka Soomaaliya S/gaas Daahir Aadan Cilmi (Indhaqarshe) ayaa xafiiskiisa ku qaabilay saraakiil ka socotay dawladda Mareykanka, waxaana ay ka wada hadleen dib u dhiska ciidanka iyo arrimo kale.

9/7/2018 12:16 AM EST
Jimco, September, 07, 2018 (HOL)– Ciidamo ka tirsan dowladda Sooamaaliya ayaa lagu waramayaa subaxnimadii Arbacada ee todobaadka weerar ku qaadeen guriga iyo beerta madaxweynihii hore ee Soomaaliya Aadan Cabdulle Cismaan uu ku leeyahay degmada Janaale ee gobolka Shabeellaha Hoose.

9/7/2018 12:04 AM EST
Jimco, September, 07, 2018 (HOL)– Qaramada Midoobay ayaa soo saartay warbixin ay ugaga hadlayso xoriyada hadalka ee dalka Soomaaliya iyadoo warbixinta lagu sheegay in horumar laga sameeyay xoriyaa hadalka balse weli loo baahan yahay in la sii hormariyo.