9/19/2018
Today from Hiiraan Online:  _
Wararka Maanta- Jimco, Sept 7 , 2018
Ciidamo weerar-ray guriga madaxweynihii hore ee Soomaaliya Aadan Cadde


 

Jimco, September, 07, 2018 (HOL)– Ciidamo ka tirsan dowladda Sooamaaliya ayaa lagu waramayaa subaxnimadii Arbacada ee todobaadka weerar ku qaadeen guriga iyo beerta madaxweynihii hore ee Soomaaliya Aadan Cabdulle Cismaan uu ku leeyahay degmada Janaale ee gobolka Shabeellaha Hoose.

Warkan waxaa warbaahinta u sheegay Dr Siciid Aadan Cadde oo ka mid ah qoyska madaxweynihii ugu horreeyey ee Soomaaliya, Aadan Cabdulle Cismaan (Aadan Cadde), "

Sidoo kale qaar ka mid ah ehellada madaxweynihii hore ee waqtiga uu weerarku dhacayay guriga ku sugnaa ayaa sheegay in ciidamada soo weeraray horey u kaxeysteen dhalinyaro guriga joogtay oo ka mid ah hellada Aadan Cadde.

"Ciidamadan waxaa ay wateen labo diyaaradood oo kuwa qumaatiga u kaca ah, beerta Aadan cadde meel u dhow ayeey ku soo degeen, laakin markii dambe ayey beerta u soo gudbeen, waxayna u sii dhaafeen guri beerta ku dhex yaallay oo uu ku noolaa madaxweynihii hore, Aadan Cabdulle" sidaa waxaa laanta afka Soomaaliga ee BBC u sheegay Dr Saciid Aadan Cadde.

 

Askarta ayaa lagu wargaliyay ka hor inta aysan guriga jabin in ay gurigan uu leeyahay madaxweynihii hore ee Soomaaliya laaakiin aysan dhag jalaq u siin, iyaga oo xoog ku galay kana qaatay allaabo guriga yaalay.

Ilaa iyo hadda dowladda Soomaaliya wax war ah kama aysan soo saarin weerarka guriga madaxweynihii hore ee Soomaaliya Aadan Cadde.

C/raxmaan Diini, Hiiraan Online
[email protected]







Click here
9/7/2018 1:43 PM EST
Jimco, September, 07, 2018 (HOL)– Hal qof ayaa ku geeryooday shan ruux oo kalana waa ay ku dhaawacmeen qarax aan la sheegin nuuciisa balse la yiri waxa uu ahaa bir ay garaacayeen shaqaale ka tirsan geerish ku yaalla magaalada Qardho.

9/7/2018 12:19 PM EST
Jimco, September, 07, 2018 (HOL)–Dowladda Soomaaliya ayaa markii ugu horreeysay ka hadashay mowqifkeeda ku aaddan shirka hoggaamiyayaasha dowlad-gobolleedyada uga socda magaalada Kismaayo ee gobolka Jubbada hoose.

9/7/2018 11:50 AM EST
Jimco, September, 07, 2018 (HOL)– Taliska ciidanka xoogga Soomaaliya ayaa shaaciyay inay socdaan dadaallo lugu raadinnayo sidii ay xorriyaddooda u heli lahaayeen ku dhawaad 70 qof oo u badan odayaal, kuwaas oo ay al-Shabaab maalmo ka hor ka af-duubteen deegaanka Gal-qoryaale oo ka tirsan gobolka Galgaduud.

9/7/2018 11:24 AM EST
Jimco, September, 07, 2018 (HOL)– Madaxweynaha dalka Jabuutii,Ismaaciil Cumar Geelle ayaa ka mahadceliyay dadaallada lugu raadinayo in xal-waara laga gaaro xiisada kala dhaxeysa Jabuuti dalka Eritrea, kaddib markii labada dal gaareen heshiis horudhac ah oo u gogol-xaaraya in lasoo af-jaro colaaddii muddo taagnayd.

9/7/2018 11:00 AM EST
Jimco, September, 07, 2018 (HOL)–Soomaaliya ayaa la wareegaysa shir-guddoonka golaha wasiirrada Jaamacadda Carabta,kaltankiisa 151,aad, sida ay baahisay wasaaradda arrimaha dibadda xukuumadda federaalka ah ee Soomaaliya.

9/7/2018 10:28 AM EST
Jimco, September, 07, 2018 (HOL)–Dowladda Soomaaliya ayaa ka codsatay madaxda dowlad gobolleedyada xisaab celin ku aadan lacagaha dowladda dhexe ay siiso dowlad gobolleedyada, xili madaxda maamulada dalka shir ka dhan ah dowladda dhexe ku leeyihiin Kismaayo

9/7/2018 8:02 AM EST
Jimco, September, 07, 2018 (HOL)-Madaxweyne ku xigeenka Somaliland C/raxmaan C/laahi Ismaaciil Saylici iyo wefti uu hogaaminayo ayaa dalka dib ugu soo laabtay kadib socdaal shaqo iyo acmaasha xajka isugu jira oo uu ugu maqnaa dalka boqortooyada Sucuudiga.

9/7/2018 7:14 AM EST
Jimco, September, 07, 2018 (HOL)– Baarlamaanka dowlad deegaanka Ismaamulka Soomaalida oo fadhi ku yeeshay magaalada Jigjiga ayaa qaatay go’aamo masiir ah, iyaga oo isku raacay in la badalo calanka iyo magaca ismaamulka Soomaalida.

9/7/2018 4:55 AM EST
Jimco, September, 07, 2018 (HOL)– Dowladda Kenya ayaa is hortaagtay Talaadadii todobaadkan diyaar ka anbabaxday magaalada Muqdisho in ay ka digto garoonka diyaaradaha Jomo Kenyatta.

9/7/2018 4:11 AM EST
Jimco, September, 07, 2018 (HOL)–Kaddib kulan magaalada Jabuuti ay ku yeesheen wasiirro arrimo arrimo dibeddeedka wadamada Soomaaliya, Jabuuti, Eritrea iyo Itoobiya ayaa waxaa laga soo saaray war-murtiyeed kooban.

9/7/2018 3:46 AM EST
Jimco, September, 07, 2018 (HOL)– Taliyaha ciidamada xoogga dalka Soomaaliya S/gaas Daahir Aadan Cilmi (Indhaqarshe) ayaa xafiiskiisa ku qaabilay saraakiil ka socotay dawladda Mareykanka, waxaana ay ka wada hadleen dib u dhiska ciidanka iyo arrimo kale.

9/7/2018 12:04 AM EST
Jimco, September, 07, 2018 (HOL)– Qaramada Midoobay ayaa soo saartay warbixin ay ugaga hadlayso xoriyada hadalka ee dalka Soomaaliya iyadoo warbixinta lagu sheegay in horumar laga sameeyay xoriyaa hadalka balse weli loo baahan yahay in la sii hormariyo.