11/21/2018
Today from Hiiraan Online:  _
Wararka Maanta- Arbaco, Sept 5 , 2018
Dil ka dhacay deegaan ka tirsan gobolka Sool


 

Arbaco, September, 05, 2018 (HOL)– Nin ayaa ku dhintay tuulada Dharkayn-Geenyo oo 70Km. ku dhawaad galbeed uga aadan magaalada Laascaanood Xarunta gobolka Sool.

Dilkan ayaa dhacay maqribkii ayaa warar ila kaladuwan aan ka helayno sheegayaan in ninkalena uu dhaawac soo gaadhay.

"Waxyar maqribkii ka dib ayaan maqalay in la diley oday ka caraabay magaalada iyo nin la socdey, taasina waxay kicisay xiisad" sidaa waxaa HOL u sheegay Aadan C/laahi oo intaas ku daray in la garanayo dadkii falkan geystey.

Waxgaradka beelaha degaankaas ayaa wada-dadaal ay ku doonayaan in ay ku xakameeyaan in aan waxdame ka dhicin, waxaana wararka qaar sheegayaan in laga cabsi qabo qax ka dhaca  degaankaas iyadoo colaad baahsan oo labaatan sano ku dhowaan soo socotey oo galaafatay 100 ruux dad ka badan taas oo dhowaan la soo afjaray.

Ma jiro weli wax talaabo ah oo maamulka gobolka ay hawshaas ka qaadeen

Seynab Cabdi Warsame
laascaanood G. Sool
.







Click here
9/5/2018 9:46 AM EST
Arbaco, September, 05, 2018 (HOL)– Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa hor-kacaya dadaallo lagu xoojinayo qodobbadii ka soo baxay Madasha Iskaashiga Shiinaha iyo Afrika, isaga oo ka shaqaynaya heshiis u dhexeeya dalalka Geeska Afrika oo ku saabsan isdhexgalka dhaqaale.

9/5/2018 8:41 AM EST
Arbaco, September, 05, 2018 (HOL)–Markabkii ugu horreeyey ee laga leeyahay dalka Itoobiya ayaa 20 sano kadib maanta ku xirtay dekedda Eritrea , sida ay Twitterka ku qortay warbaahin xiriir la leh dawladda.

9/5/2018 6:41 AM EST
Arbaco, September, 05, 2018 (HOL) – Xildhibaanka laga soo doorto deegaanka Kamukunji ee Islii ay katirsantahay ee magaalada Nairobi, Yuusuf Xasan Cabdi ayaa ka dalbaday bulshada Soomaalida ee ku nool Islii inay is dejiyaan, kaddib markii ay soo baxday warar ku saabsan howlgallo cusub oo ka billaabannaya xaafadda Soomaalida.

9/5/2018 4:20 AM EST
Arbaco, September, 05, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa lagu wadaa in maanta socdaalkiisii labaad uu ku tago magaalada Asmra ee dalka Eritrea.

9/5/2018 3:30 AM EST
Arbaco, September, 05, 2018 (HOL) – Iyadoo maalintii shalay magaalada Dhuusa-Mareeb ee xarunta u ah maamul gobolleedka Galmudug lagu soo doortay mid ka mid ah kuraasta ka bannaan golaha Shacabka ayuu guddiga doorashada sheegay in la qabanayo doorashada kuraasta kale ee ka banaan golaha shacabka ee degaan doorashadooda ay tahay magaalada Baydhabo.

9/5/2018 1:30 AM EST
Arbaco, September, 05, 2018 (HOL) – Brett Kavanaugh oo ah garyaqaan uu Madaxweynaha Maraykanka D. Trump u soo xulay inuu noqdo xaakimka 9aad ee Maxkamadda Sare ee Maraykanka ayaa sheegay in falfasaddiisu ay tahay mid aan laa-laab lahayn. Waxa uu sheegay in xaakim looga baahan yahay inuu sharciyo fasiro ee aan looga baahneyn inuu sharci dejiyo.

9/5/2018 1:04 AM EST
Arbaco, September, 05, 2018 (HOL)–Wararka ka imanaya gobollada dhexe Soomaaliya, gaar ahaan gobolka Galguduud ayaa sheegaya in Al-shabaab qafaasheen in ka badan 60 odey dhaqameed.

9/5/2018 12:51 AM EST
Arbaco, September, 05, 2018 (HOL)–Iyadoo uu dhamaaday muddo xileedkii danjiraha xoghayaha guud ee Qaramada Midoobey u qaabilsan arrimaha Soomaaliya Michael Keating ayaa lagu wadaa in uu shaqada la wareego Nicholas Haysom oo u dhashay dalka Koonfur Africa.