Arbaco, September, 05, 2018 (HOL)
– Wararka ka imanaya gobollada dhexe Soomaaliya, gaar ahaan gobolka Galguduud
ayaa sheegaya in Al-shabaab qafaasheen in ka badan 60 odey dhaqameed.
Wararku waxaa ay sheegayaan in odayaashan ay
xireen Al-shabaab in loo heysto bixinta diyo loo heysto dad ehel yihiin, diyada
loo haystay odeyaasha ayaa gaaraysa 100 halaad islamarkaasna waxaa lagu
ballamay in sannad kasta ay bixiyaan diyada hal qof.
Wararku waxay sheegayaan in sannadkani ay odeyaasha ka cago jiideen
dhamaystirka bixinta diyadaasi.
Madaxweynaha Maamulka Galmudug Axmed Ducaale Geelle Xaaf ayaa sheegay in ku dhawaad 70 oday ay Shabaab
afduubteen islamarkaana ay la aadeen degmada Ceelbuur oo ay ku
sugan yihiin Shabaab.
Al-shabaab wali kama aysan hadal odayaashan la sheegay in ay ka qafaasheen
deegaannada gobollada dhexe, gaar ahaan gobolka Galguduud.
C/raxmaan Diini, Hiiraan
Online
[email protected]