Sabti, September, 29, 2018, (HOL)–Wararka ka
imanaya degmada Balcad ee gobolka Shabeellaha dhexe ayaa sheegaya in xoogag ka
tirsan Al-shabaab la wareegeen deegaanno ka tirsan degmada.
Goobjoogayaal sheegay in xoogag ka tirsan
Al-shabaab gudaha u soo galeen deegaanada Yaaqle, Mukey Dheere, iyo Dhagax oo
hoos-taga degmada Balcad.
Al-Shabaab ayaa dadka deegaanka isugu keenay goob
fagaare ah, waxaana ay uga digeen inay la shaqeeyaan ciidamada dowladda ama
xogo ay siiyaan.
Al-shabaab ayaa la wareegay deegannnadan kaddib
markii ay halkaa isaga baxeen maleeeshiyaad taageersanaa maamulka ka dhisan degmada Balcad.
Deegaanada Al-Shabaab la wareegeen ayaa la
sheegay inay illaa 15KM u jirto degmada Balcad.
Dhaq-dhaqaaqyo ciidan ayaa ka jira degmada
Balcad, ciidamada dowladda ayaa la sheegay inay difaacyo ka galeen duleedka
degmadaas.
C/raxmaan Diini, Hiiraan
Online
[email protected]