3/28/2024
Today from Hiiraan Online:  _
Wararka Maanta- Jimco, Sept 28, 2018
Xassan Daahir Aweys oo fariin uu soo diray uga hadlay Kiiska dilkii Axmed Dowlo

 

Jimco, September, 28, 2018 (HOL)–Sheekh Xassan Daahir Aweys oo horay u soo noqday hoggaamiyihii ururka Xisbul Islaam, laakiin markii danbe ku biiray Ururka Al-shabaab, islamarkaan dhowrkii sano ee ugu danbeeyay ku jira gacanta dowladda Soomaaliya, ayaa fariin uu soo diray uga hadlay kiiska dilkii Axmed Muktaar Saalax.

Xassan Daahir ayaa sheegay in markii uu maqlay warka arintan ku saabsan ee la xiriira qof loo dilay heybta uu ka soo jeedo uu siweyn ula yaabay, isaga oo codsaday in sharciga la mariyo sida uu hadalka u dhigay dhamaan dadkii ka danbeeyay dilka marxuumka.

‘’Shareecada Islaamku waxey qabtaan in cid kasta oo ku lug-laheyd dilkaas sharciga la marayo lana qisqaaso, Anniga ma ogi sida hay’addaha Garsoorka iyo Cadaallada dalka ka jira u fulin karaa xukunka noocaas, laakiin haddii ay meesha cadaallad jirto waxaa ay mudan yihiin dadkaas in loo qisqaaso danbigii ay galeen iyo dilkaa foosha xun’’ ayu yiri Xassan Daahir Aweys.

Dhinaca kale dowladda Soomaaliya iyo xildhibaannada Qaranka ayuu ku dhaliilay habka ay umaamalayaan Guurka Laamaha, gaar ahaan in lagu dhawaaqo Aroos Qaran oo loo dhiggayo laamaha.

‘’Anniga shaqsiyan ma qabo in wiilkaa iyo gabadhaa wada dhaqmi doonaan, gabar hooyadeed iyo Abtiyaasheed qisqaas u xiran yihiin iyo wiil adeerkii la dilay ma wada dhaqmayaan, waa wax iska caadi ah in hadda uu rabitaan nafsi ah jiro, laakiin maalmo markii la wada joogo oo rabitaanka nafsiga ah uu dhamaado waa hubaal in aysan wada joogi doonin labadaas dhalinyarada ah ee carruurta ah ee aan waxba kala garaneynin’’ ayuu yiri Xasssan Daahir Aweys.

Dowladda Soomaaliya ayaa wali si toos uga hadlay kiiska ku saabsan dilka Axmed Mukhtaar Saalax oo la sheegay in marka la dilay kaddib meydkiisa dab la qabadsiiyay.

C/raxmaan Diini, Hiiraan Online
[email protected]

 

 













Click here
9/28/2018 3:00 PM EST
Jimco, September, 28, 2018 (HOL) -Kulan doceed khamiistii shalay ka dhacay magaalada New York oo uu ka socdo shirka Golaha Guud ee Qaramada Midoobay ayaa looga hadlay xaaladda Soomaaliya.

9/28/2018 2:33 PM EST
Jimco, September, 28, 2018 (HOL) -Howlgalka ciidanka Marekanka Afrika ayaa sheegay inay duqeyn ku dileen ugu yaraan saddex dagaalyahan oo ka tirsan kooxda al-Shabaab,kuwaasi oo bartilmaameedkoodi ahaa.

9/28/2018 2:18 PM EST
Jimco, September, 28, 2018 (HOL) -Shan qof oo loo heysto iney isku dayeen dilka Ra'iisul wasaaraha dalka Itoobiya,Abiy Axmed ayaa maanta la soo taagay maxkamad, kaddib markii bishii Juun ay bam gacmeed ku tureen fagaare uu ku sugnaa.

9/28/2018 1:45 PM EST
Jimco, September, 28, 2018 (HOL) -Safiirka dowladda Talyaaniga u fadhiya Soomaaliya,Carlo Campanile ayaa sheegay dowladiisa inay ka go'antahay xoojinta taageerrada iyo dib u dhiska Booliska Soomaaliya,kaddib markii uu xafiiskiisa ku booqday taliyaha booliska Soomaaliya.

9/28/2018 1:18 PM EST
Jimco, September, 28, 2018 (HOL) -Hay'adaha ammaanka waqooyiga gobalka Galgaduud ayaa loo sameeyay hal talis oo leh taliye iyo taliye ku-xigeen,kaddib munaasabad lugu qabtay saldhigga degmada Caabudwaaq.

9/28/2018 12:47 PM EST
Jimco, September, 28, 2018 (HOL) -Toddobo nin ayaa lagu xiray Nederland iyadoo lagu tuhunsan yahay in ay qorsheynayeen weerarro argagixiso ,booliska ayaana sheegay in la fashiliyay kaddib baaritaan muddo bilo ah socday.

9/28/2018 11:52 AM EST
Jimco, September, 28, 2018 (HOL) -Xaalad dagaanasho ah ayaa dib ugu soo laabatay xabsiga dhexe ee magaalada Boosaaso, kaddib markii shalay ay ku dagaallameen halkaasi ciidamo gadoodsan oo ka tirsan kuwa asluubta ee xabsiga gacanta ku hayay iyo ciidamo uu maamulka u diray xabsiga.

9/28/2018 11:27 AM EST
Jimco, September, 28, 2018 (HOL) -Wasiirka arrimaha dibadda Sacuudi Carabiya,Adel bin Ahmed Al-Jubeir ayaa sheegay dalkiisa inuu wali raalligelin ka sugayo dalka Canada,markii labada dal ay xiisad ka dhex aloosantay horaantii sanadkan.

9/28/2018 11:11 AM EST
Dadka Soomaaliyeed ee u soo haajiray Maraykanka qaasatan gobola Minnesota magaalooyinka ay dageen waxaa ka mida magaalo lagu magacaabo East Grand Forks Minnesota oo dacalka ku haysa gobola Norh Dakota

9/28/2018 8:59 AM EST
Jimco, September, 28, 2018 (HOL) - Madaxweynihii hore ee Dawlad Deegaanka Soomaalida, Cabdi Maxamuud Cumar, ayaa waxa uu ra'iisul Wasaaraha Itoobiya ka codsaday inuu cafiyo isaga iyo dadka la eedaysan.

9/28/2018 7:45 AM EST
Jimco, September, 28, 2018 (HOL) - Hay’adda Istanbul-based Humanitarian Relief Foundation (IHH) oo uu fadhigeedu yahay magaalada Istambuul ee dalka Turkiga ayaa soo gaba-gabeysay dhismaha xarun lagu xannaaneeyo agoonta oo laga hir-geliyay magaalada Muqdisho.

9/28/2018 5:05 AM EST
Jimco, September, 28, 2018 (HOL)– Ciidamada Nabadsugida iyo Sirdoonka Qaranka ayaa howl gal qorsheysan oo xalay ka dhacay magaalada Muqdisho waxaa ay ku soo qabteen xubin ka tirsan Al-Shabaab.

9/28/2018 3:42 AM EST
Jimco, September, 28, 2018 (HOL) - Canada ayaa jinsiyada kala noqotay hoggaamiyaha dalka Myanmar Aung San Suu Kyi, kaddib markii Xildhibaannada labada aqal ee dalkaas ay isku raaceen in ay muwaadinimo sharafeedka kala laabtaan haweeneyda.

9/28/2018 3:22 AM EST
Jimco, September, 28, 2018 (HOL) - Ciidanka xoogga Soomaaliya ayaa sheegay howlgal ay ka fuliyeen gobolka Shabeellaha hoose in lugu dilay 12 dagaallame oo u ku jiro sarkaal ajanabi ah oo ka soo jeeda dalka Afghanistan,sida ay baahisay warbaahinta afka dowladda ku hadasha.

9/28/2018 2:36 AM EST
Jimco, September, 28, 2018 (HOL) - Ciidamadda amniga Puntland ayaa howlgallo ka wada inta badan magaalooyinka waa weyn ee maamulka,sida laga soo xigtay saraakiisha.

9/28/2018 2:12 AM EST
Jimco, September, 28, 2018 (HOL)-Dood cilmiyeed looga hadlay faa'iidooyinka iyo dhibaatada Geedka ay Soomaalida qaarkood u taqaano (Cali Garoobka) ayaa lagu qabtay Xarunta Jaamacadda Benaadir ee Magaalada Muqdisho.

9/28/2018 2:02 AM EST
Jimco, September, 28, 2018 (HOL)-Diyaarad xamuul ayaa ku dhacday badda dalka Micronesia, sida ay sheegeen masuuliyiinta garoonka diyaaradaha ee Chuuk International Airport.