3/29/2024
Today from Hiiraan Online:  _
Wararka Maanta- Khamiis, Sept 27, 2018
Jaamacadda GOLIS oo arday dhamaysatay loo soo xiray, xaalada nabada Gobolkana lagaga hadlay


Khamiis, September, 27, 2018 (HOL)– Munaasabad loo sameeyey arday gaadhaysa 130 dhamaysatay Jaamacada GOLIS ayaa ka dhacday magaalada Laascaanood xarunta gobolka Sool.

Xafladan oo ay ka soo qayb-galeen mas’uuliyiin xukuumada Somaliland ka socda, bahda waxbarashada, waxgarad iyo dadweyneba ayaa xooga lagu saaray xaalada amaanka gobolka iyo horumarinta gobolka.

Gudoomiyaha Jaamacada GOLIS faraceeda Laascaanood Prof. Yuusuf Aflahaar oo halkaasi ka hadlay ayaa si aad ah ugu dheeraaday heerarkii ay soo martay iyo waxqabadka ay ka geysteen gobolka mudadii ay furayd, waxaana intaas ku daray in arday dhamaysatay heerka labaad ay bilaha soo socda iyana diyaar yihiin.

"Waxaa muhiim ah in aqoontu wax idinka bedesho oo ayaan ku milmin colaada sokeeye, waana idinka kuwa laga rabo in ay wax ka qabtaan dhibaatada jirta" sidaa waxaa yidhi Wasiirka arimaha Gudaha Somaliland Maxamed Kaahin.

Wasiirku waxa kale oo uu intaas ku daray in wixii awoodiisa iyo xukuumad ahaan aysan waxba kala hadhay, 5 qof oo uu isagu bixin doono kharashkoodana waa balan qaaday.

Sidoo kale Wasiirka Biyaha Saleebaan Cali Koore ayaa hanbalyo uu u diray ardayda ka sokow waxa uu sheegay inuu la socdey oo hawsheeda wax kaga jirey illaa furitaankii, waxaana qiray in guul laga gaadhey.

Waxyaabaha soo jiitey dad waxaa ka mid ahaa Hooyo umul ah oo sidatey ilmeheedii oo bilo jira iyo laba isdhalay oo maanta iyana nasiib u yeeshay in ay mar wada qalinjebiyaan, waxaana labada qoloba balan qaad u sameeyey Wasiirka arimaha gudaha.

Waxgarad, odayaal, arday iyo qaybaha kaladuwan ee Bulshada oo halkaasi ka hadlay ayaa dhamaantood soo dhoweeyey dufcadii u horeysey ee Jaamacada GOLIS dhamaysatay waxbarashada heerkeeda koowaad, waxaanay intooda badan xuseen qabyaalada sidii loogu bedeli lahaa qalin.

Sikasta ha ahaatee munaasibadan oo ku soo beegantay xili xiisad colaadeed oo xalkeeda lagu mashquulsan yahay sidii laysaga kaashan lahaa iyadoo ardayda jaamacadaha dhogtaana ay taas qaybtooda ka qaadanayeen.

Seynab Cabdi Warsame

[email protected].     

laascaanood G. Sool 
 













Click here
9/27/2018 1:55 PM EST
Khamiis, September, 27, 2018 (HOL)–Wasaaradda waxbarashada Soomaaliya ayaa shaacisay in ay la wareegtay 24 Iskuul oo ku yaalla Muqdisho laguna bixinayo waxbarasho lacag la’aan ah.

9/27/2018 1:47 PM EST
Khamiis, September, 27, 2018 (HOL)– Midowga Yurub ayaa ansixiyay howlgalkiisii ugu horeeyay ee taageerada miisaaniyadeed ee ku siinayo Jamhuuriyadda Federaalka Soomaaliya. Yaboohan ayaa wadar ahaan Marka la isku daro gaaraya 100 milyan oo euros oo laga dhigi doono sedexda bilood ee ugu dambaysa ee sanadka 2018 ilaa 2021, taageeradan miisaaniyadeed ayaa la marin doonaa Dowladda Federaalka iyadoo la adeegsanayo nidaamka dowliga ah.

9/27/2018 10:09 AM EST
Khamiis, September, 27, 2018 (HOL) –Madaxweynaha dowladda Soomaaliya Maxamed Cabdullaahi Farmaajo ayaa oo maanta khudbad ka jeedinayay munaasabad loo qabtay daah furka dib –u-habeynta waxbarashada, ayaa weerar Afka ah ku qaaday madaxda dowlad gobolleedyada iyo siyaasiyiinta ka soo horjeeda dowladda.

9/27/2018 9:31 AM EST
Khamiis, September, 27, 2018 (HOL) –Wasiirka maaliyadda xukuumadda federaalka ah ee Soomaaliya,Cabdiraxmaan Ducaale Bayle wuxuu sheegay dabal lugu sameeyay deymaha lugu leeyahay Soomaaliya inay ku ogaadeen hal bilyan oo doollar inaan la heyn ciddii saxiixday iyo sida ay ku timid.

9/27/2018 9:02 AM EST
Khamiis, September, 27, 2018 (HOL) –Madaxweynaha Soomaaliya,Maxamed Cabdullaahi Farmaajo oo ka qayb galay munaasabadda daahfurka barnaamijka dib u habaynta Waxbarashada Dadaweynaha ayaa sheegay in ay ka go’an tahay dowladda in dib loo xoojiyo nidaamkii waxbarasho ee lacag la’aanta ahaa ee ka jiray dalka.

9/27/2018 5:49 AM EST
Khamiis, September, 27, 2018 (HOL) –Wasaaradda gaadiidka iyo duulista hawada Soomaaliya ayaa soo saartay xeer heer wasiir ah oo wax ka badalaya shuruucda gaadiidka, kaas oo ka kooban 24 qodob ayaa waxaa ku dhaqmi doona gaadiidleeyda inta laga soo saarayo sharciyadii uu hore u lahaa gaadiidka dalka.

9/27/2018 4:51 AM EST
Khamiis, September, 27, 2018 (HOL) –Midowga Yurub ayaa dhawaan deeq ahaan u siinaya dowladda Soomaaliya 100 milyan oo Euro, waa lacagtii u horreeysay oo ururka uu siinayo dal deymo lugu leeyahay,sida u xaqiijiyay wasiirka maaliyadda Soomaaliya.

9/27/2018 3:55 AM EST
Khamiis, September, 27, 2018 (HOL) –Guddiga difaaca ee baarlamaanka Soomaaliya ayaa Khamiista maanta ah u yeeray wasiirka gaashaandhigga iyo taliyaha ciidamada militariga inay horyimaadaan golaha , si su’aalo looga waydiiyo dhacdooyinkii ugu dambeeyey ee dilal ee magaalada Muqdisho oo ay gaysteen ciidamadda dowladda.

9/27/2018 3:17 AM EST
Khamiis, September, 27, 2018 (HOL) –Madaxweynaha Marekanka, Donald Trump ayaa ku eedeyay dalka Shiinaha inuu dadaal ku bixinayo doorashada Congresska ee dhacaysa bisha November inuu ku guul-daraysto xisbiga uu ka tirsanyahay ee Jamhuurigu.

9/27/2018 2:44 AM EST
Khamiis, September, 27, 2018 (HOL) –Xukuumadda Kosovo ee Koonfur-bari Yurub ayaa sheegtay inay diyaar u tahay xiriir diblomaasiyadeed oo ay la yeelato Soomaaliya.

9/27/2018 2:17 AM EST
Khamiis, September, 27, 2018 (HOL) – Sida ay xaqiijinayaan goob joogayaal rag ku hubeysnaa bastoolado ayaa subaxnimadii hore ee saakay toogasho ku dilay wiil dhalinyaro ah oo xiligaa ku sugnaa goob laga qaxweeyo oo ku taala degmada Warta Nabada Ex Wardhiigley ee magaalada Muqdisho.

9/27/2018 2:08 AM EST
Khamiis, September, 27, 2018 (HOL)–Madaxweynaha dowlad degaanka Soomaalida Mustafa Maxamed Cumar Cagjar ayaa bartiisa facebooka ku qoray in xukuumadiisa ay u qorsheysan tahay inay soo celiso dhul ay sheegtay in si sharci daro ah loo qaatay.

9/27/2018 2:00 AM EST
Khamiis, September, 27, 2018 (HOL)–Dadka reer Muqdisho ayaa saakay ku soo toosay iyadoo ay gabi ahaanba xiran yihiin qeybo ka mid ah jidadka ugu muhiimsan isku socodka dadweynaha ee magaalada Muqdisho.

9/27/2018 1:57 AM EST
Khamiis, September, 27, 2018 (HOL) -Hoggaamiyayaasha waddamada Marekanka iyo Kuuriyada Waqooyi ayaa qorsheynaya kulan kale, oo dhaca ka hor dhammaadka sannadkan.

9/27/2018 1:30 AM EST
Khamiis, September, 27, 2018 (HOL) -Wasiirka amniga dowlad goboleedka Jubbaland Mudane C/rashiid Xasan C/nuur oo kulan la qaatay qaar kamid ah bulshada ku dhaqan degmada Baladxaawo..