Madaxweyne Farmaajo : Siyaasiyiinta xanaaqsan waxey dhahaan beesha caalamka hana dhaxdhaxadiso
Khamiis, September, 27, 2018 (HOL) –Madaxweynaha dowladda
Soomaaliya Maxamed Cabdullaahi Farmaajo ayaa oo maanta khudbad ka jeedinayay
munaasabad loo qabtay daah furka dib –u-habeynta waxbarashada, ayaa weerar Afka
ah ku qaaday madaxda dowlad gobolleedyada iyo siyaasiyiinta ka soo horjeeda
dowladda.
Madaxweynaha oo is ticmaalay Erag ah Siyaasiyiinta
xanaaqsan ayaa yiri’’ Siyaasiga xanaaqsan waxay ka hadlaan Beesha Caalamka
Hanoo timaado hana dhex dhexaadiso, waxaa ay ka hadlaan calaacal, waxay ka
hadlaan dalkaan waa burburay ma soo noqonayo, waxay ka hadlaan waa nalaga
adkaaday ciidamadeena tabar ma lahan, hadalkaasi dhaqankii Soomaali lagu
yaqaanay mahan waa hadal calaacal ah ”ayuu yiri Madaxweyne Farmaajo.
“Siyaasiga xanaaqsan waa kan dadka qalbi jabka
iyo niyad jabka ku riday, wuxuu sababay in ay is dhibaan, qofka bani’aadamkana
markaa rajadii ka qaado waa dishay , dhimashaa dhaanta,iyaasiga xanaaqsanow
shacabka ha naga qalbi jebinina , Siyaasiga xanaaqsanow dadka rajada ha ka
qaadina”
Hadalka madaxweynaha ayaa imanaya xili uu
qabsoomi waayay labo muddo todobaad gudihii ah oo uu ku baaqay, waxaana ugu
horeeyay shir uu isugu yeeray madaxda dowlad gobolleedyada maalin uun kaddib
markii ay ku dhawaaqeen in ay xiriirka u jareen dowladda, laakiin madaxda
maamul gobolleedyada ayaa ku kacseyray ka qeyb-galka shirkaas.
Sidoo kale madaxweynaha ayaa kulan isugu yeeray
xarunta madaxtooyada Soomaaliya madaxda Galmudug si loo xaliyo khilaafka
dhaxdooda ah, balse waxaa shirkaa ka hor yimid madaxweyne Xaaf oo sheegay in
khilaafka u dhaxeeya Galmudug markii hore-ba ahaa mid laga soo abaabulay sida
uu hadalka u dhigay madaxtooyada Soomaaliya.
C/raxmaan Diini, Hiiraan
Online
[email protected]