Puntland oo raaligalin ka bixisay hadal uu madaxweyne Gaas ka jeediyay magaalada Badhan
Arbaco, September, 26, 2018 (HOL)–War qoraal ah
oo ka soo baxay madaxtooyada dowlad gobolleedka Puntland ayaa raaligalin looga
bixiyay hadal uu dhawaan madaxweynaha Puntland Cabdiwali Maxamed Cali Gaas uu
ka jeediyay magaalada Bandhan.
Qoraalka ayaa lagu sheegay in madaxtooyada si
buuxda raalin galin uga siineyso shacabka iyo maamulka Koonfur Galbeed hadalkii
madaxweyne Gaas oo carro badan ku abuuray siyaasiyiinta ka soo jeeda Koonfur
Galbeed.
Hadalka madaxweyne Gaas ayaa isaga oo ka hadlay
Shabaabka ka dagaalama deegaannada Puntland waxaa uu yiri sidan ‘’ “Wiil ka yimid Xudur, Diinsoor
iyo Buurhakaba, oo kaba dacas ah qaba in uu inta idiin yimaado nagu xukumo
dalkayagii, suurtagal ma ahan, caqlina ma ahan, lamana yeeli karo.’’
Baraha bulshada ku wada xiriirto ayaa markii uu
soo baxay warkan waxaa dooddo adag isku weydaarsaday xildhibaanno iyo
siyaasiyiin ka soo jeeda labada dhinac Puntland iyo Koonfur Galbeed.
C/raxmaan Diini, Hiiraan
Online
[email protected]
