Axad, September, 23, 2018 (HOL)–Taliyaha
waaxda caafimaadka ee hay’addaha nabad sugida iyo sirdoonka Qaranka Dr Xassan
Axmed Maxamed Gacal ayaa xabsiga la dhigay sida ay warbaahinta u xaqiijiyeen
ehelladiisa.
Taliyaha la xiray kaddib markii
sida la sheegay uu qarax ka dhashay gaari uu isaga lahaa oo xiligaa hor yaalay
hoyga uu ka degan yahay magaalada Muqdisho, balse ma uusan saarneyn
Dr Gacal gaariga qarxay.
Eheladiisa ayaa sheegay in
ciidamada xiray ay si xun ula dhaqmeen, iyaga oo xitaa in oo diiday ayeey
yiraaheen halka la geynayo.
Laamaha amniga dowladda
Soomaaliya wali kama aysan hadal xariga sarkaalkan sare ee ka tirsanaa hay’adda
nabadsugida, hasse ahaatee waxaa loo maleynayaa in su’aalo laga weydiin doono
qaraxa ka dhashay gaarigaiisa.
Shalay oo kaliya magaalada
Muqdisho waxaa ka dhacay qaraxa labo gaari loogu soo xiray miinada nooca
gaadiidka lagu dhajiyo, waxaana mid ka mid ah qaraxyadaa ku geeriyooday nin ay
walaalo ahaayeen Prof Yaxye Sheekh Caamir oo lagu magacaabi jiray Cumar Sheekh
Caamir.
C/raxmaan Diini, Hiiraan
Online
[email protected]