3/29/2024
Today from Hiiraan Online:  _
Wararka Maanta- Jimco, Sept 21, 2018
Gabar lagu dhax toogtay gudaha fasalka Jaamacaddii ay wax ka baraneysay magaalada Muqdisho

Jimco, September, 21, 2018 (HOL) –Kooxo hubeysan ayaa duhur-nimadii maanta gudaha Jaamacada UNISO ku dhax toogtay gabar Ardey aheyd oo lagu magacaabi jiray Aamina Xusseen Xassan gudaha fasalkii ay wax ka baraneysay.

Maamulka Jaamacadda ayaa sheegay in dableyda toogashada u geysatay gabadha oo u muuqdeen kuwo hayay xog dhameystiran si toos u abaareen fasalkeeda  iyaga markii ay toogeen kaddib si nabad ah uga tagay goobta.

Lama oga sababta rasmiga ah ee loo toog-tay gabadhan oo la sheegay in ay Jaamacadda ka baran jirtay Kuliyada Shareecadda, waxeyna aheyd gabadha labaad ee fasalka oo ay ku dhiggan jireen  labo gabar oo kaliya halka inta kale ay ahaayeen wiilal.

Ardeyda oo siweyn uga xumaaday falkan iyo toogashada loo geystay gabadhihii  ay wax ka wada baran jireen Jaamacada ayaa dowladda federaalka ka dalbaday in sida ugu dhaqsiyaha badan loo soo qabto kooxdii dilka geysatay.

Dhawaan ayeey aheyd markii gabar 9 sano jir ah uu toogasho u geysatay askari ka tirsan ciidamada dowladda Soomaaliya xili ay la soctay Bas-ka dugsigii ay wax ka baran jirtay ee Hoyga Xamar.

Magaalada Muqdisho maalmihii ugu danbeeyay-ba waxaa ku badnayay dilal dadka siweyn uga fajiciyay habka loo fulinayo iyo dadka lagu beegsanayo intaba, waana arin naxdan ku ah guud ahaanba ardeyda wax ka barata Jaamacada Muqdisho falkan maanta gudaha fasalkeeda loogu dhax-toogtay marxuumad Aamina.

C/raxmaan Diini, Hiiraan Online
[email protected]













Click here
9/21/2018 6:09 PM EST
Jimco , September, 21, 2018 (HOL) –Madaxweynaha Soomaaliya,Maxamed Cabdullaahi Farmaajo ayaa isugu yeeray madaxda dowlad-goboleedka Galmudug si loo soo afjaro xaaladaha siyaasadeed iyo amni ee kasoo cusboonaaday deegaannadaas.

9/21/2018 5:36 PM EST
Jimco , September, 21, 2018 (HOL) –Madaxweynaha Puntland, Cabdiweli Maxamed Cali Gaas oo habeenkii saddexaad ku sugan magaalada Badhan ayaa galinkii dambe ee maanta dhagax-dhigay terminal garoonka diyaaradaha magaalada Badhan.

9/21/2018 5:09 PM EST
Jimco , September, 21, 2018 (HOL) –Booliska Soomaaliya ayaa xiray ugu yaraan siddeed ruux oo ku eedeysan dilal kala duwan oo caasimadda Muqdisho ka dhacay 24 saac ee u dambeysay, sida ay sheegeen saraakiisha.

9/21/2018 1:12 PM EST
Jimco , September, 21, 2018 (HOL) –Madaxweynaha dalka Vietnam,Tran Dai Quang ayaa geeryooday isagoo oo ay da’diisu aheyd 91 sano,sida ay baahisay wakaaladda wararka ee ee dalka Vietnam.

9/21/2018 12:21 PM EST
Jimco , September, 21, 2018 (HOL) –Madaxweynaha dalka Kenya,Uhuru Kenyatta ayaa maanta qalinka ku duugay sharciga cusub ee maaliyadda, kaaso oo dooddisa ay tagneyd toddobadyadii u dambeeyay.

9/21/2018 11:39 AM EST
Jimco , September, 21, 2018 (HOL) –Suldaan Xasan Cali Jibriil oo ka mid ahaa duubabka dhaqanka Puntland ayaa u geeriyooday rasaas uu furay askari ka tirsan ciidammada booliska degmada Badhan ,xilli uu ka yimid deegaanka Hadaaftimo.

9/21/2018 9:30 AM EST
Jimco, September, 21, 2018 (HOL)–Ciidamo ka tirsan dowladda Soomaaliya ayaa goor dhaw oo maanta ah ku toogtay xaafadda Seybiyaano ee magaalada Muqdisho wiil dhalinyaro ah oo watay gaari yar oo ku raaxda ah.

9/21/2018 5:04 AM EST
Jimco, September, 21, 2018 (HOL)–Shacabka ku dhaqan gobolka Waqooyi Bari Kenya ayaa loogu baaqay in ay meel uga soo wada jeestaan dagaalka ka dhanka Ururka saldhiggiisu yahay Soomaaliya ee Al-shabaab.

9/21/2018 2:52 AM EST
Jimco, September, 21, 2018 (HOL)-Warar dheeraad ah ayaa ka soo baxaya dil koox hubeysan magaalada Muqdisho ugu geysteen subaxnimadii hore ee saakay askari ka tirsanaa ciidamada dowladda Soomaaliya.

9/21/2018 2:11 AM EST
Jimco , September, 21, 2018 (HOL) –Wasiirka maaliyadda Soomaaliya, Cabdiraxmaan Ducaale Bayle oo magaalada Nairobi kulamo kula qaatay madaxda hay'adda IMF ayaa sheegay in dowladda loo xaqiijiyay inaysan dhinac uga dhicin shuruudaha ay ku gaari karaan in deymaha laga cafiyo.

9/21/2018 12:27 AM EST
Jimco , September, 21, 2018 (HOL) –Ugu yaraan 42 ruux ayaa ku dhintey Doon sidey boqollaal ruux oo ku degtay harada Victoria ee waqooyiga Tanzania.

9/20/2018 11:52 PM EST
Jimco , September, 21, 2018 (HOL) –Guddiga joogtada ah ee Baarlamaanka Puntland oo markii ugu horreeysay ku shiray magaalada Badhan ee gobolka Sanaag ayaa ugu baaqay dowladda federaalka ah ee Soomaaliya inay fuliso ballan-qaadkii ahaa ka qaybqaadashada dhismaha waddada Ceeldaahir iyo Ceerigaabo.