Shacabka ku dhaqan gobolka Waqooyi Bari Kenya oo loogu baaqay in ay u midoobaan Al-shabaab
Jimco, September, 21, 2018 (HOL) – Shacabka ku
dhaqan gobolka Waqooyi Bari Kenya ayaa loogu baaqay in ay meel uga soo wada
jeestaan dagaalka ka dhanka Ururka saldhiggiisu yahay Soomaaliya ee Al-shabaab.
Sentatorka laga soo doorto Gaarisa ayaa Yuusuf
Xaaji ayaa dhalin-yarada ku guubaabiyay inay ka qeyb qaataan iska caabinta
ururka Al Shabaab, si degaanka uu nabad u noqdo.
Sentatorka laga soo doorto Gaarisa ayaa Yuusuf
Xaaji ayaa dhalinyarada ku guubaabiyay in ay ka qeyb qaataan iska caabinta
ururka Al Shabaab, si deegaanka uu nabad u noqdo.
Gudoomiye kuxigeenka Gaarisa Cabdi Dhaqane ayaa
dhalinyarada ka dalbaday in ay u midoobaan la dagaalanka Al Shabaab, wuxuuna
carabka ku adkeeyay in dowladda ay ka gaabisay ilaalinta muwaadiniinta ku sugan
gobolka waqooyi bari ee dalka Kenya.
Safiya Cabdi oo laga soo doorto Ijara ayaa sheegtay in ciidamada booliska Kenya halka ay la dagaalami lahaayeen Al Shabaab,
keliya ay hawlgal ku soo qabtaan dhalinyarada
“Ma ahan wax aan u dulqaadaneyno,
qofkii dambiile ah waa in la soo qabtaa oo maxkamad la soo taagaa, aniga oo
Safiya ah ayaa taageeraya” ayeey tiri xildhibaannada.
Xoogag ka tirsan Ururka Al-shabaab bilhii ugu
danbeeyay xoojiyay weerarrda ay ka geystan deegaannada kala duwan ee gobolka
Waqoyi Bari Kenya, iyaga oo dhinaca bilaabay in ay dad u kala soocaan Diimaha
ay aamisan yihiin, waxaana ay mar walba beegsadaan dadka aan muslimk aheyn,
taasoo loo arkay in ay tahay iska horkeen bulsho.
C/raxmaan Diini, Hiiraan
Online
[email protected]