3/29/2024
Today from Hiiraan Online:  _
Wararka Maanta- Isniin, Sept 18, 2018
Madaxweynaha Puntland oo socdaal ku maraya deegaanno ka tirsan Karkaar iyo Sanaag


Talaado, September, 18, 2018 (HOL) –Madaxweynaha Puntland, Cabdiweli Maxamed Cali Gaas ayaa maanta gaaray magaalada Qardho, halka oo  uu ugu bilowday socdaal uu ku tagayo deegaanno ka tirsan gobolka Sanaag.

Cabdiweli ayaa markii uu gaaray Qardho, waxaa halka ku soo dhaweeyay mas'uuliyiin ka tirsan degmada iyo qaybaha bulshada, isagoo markiiba kormeer ku tagay goobaha bulshada loogu adeego oo isbitaalka guud ee degmada uu ugu horreeyo.

Madaxweynaha Puntland, wuxuu ballan-qaaday dowladda inay gacan ka geysan doonta qalabayntiisa iyo tayayntiisa isbitaalka guud ee Qardho oo dhisme uu ku socdo, si ay shacabku uga helaan adeeg wanaagsan.

Docda kale, madaxweynaha Puntland wuxuu socdaalkiisii ugu horreeyay tan iyo inta uu xilkan qabtay  ku tagi doonaa degmada Badhan ee xarunta gobolka Sanaag. Inta uu joogo Badhan wuxuu madaxweyne Gaas xarig-jari doonaa Jaamacadda Maakhir oo sannadkii hore laga hirgeliyey magaalada Badhan.

Jaamcaddan oo ay ku deeqday dowladda Kuwait ,waxa dhismeheeda hirgeliyey shirkad laga leeyahay dalka Masar oo mageceeda loo soo gaabsho CEC, mushracan fulintiisu waxa uu qaatay muddo labo sanno ah , waxana ku kacay lacag ku dhow 4 malyan oo doollar ,iyadoo hadda la dhameeystiray wajigii koowaad, sida u xaqiijiyay sarkaal ka tirsan shirakadda mashruuca gacanta ku haysa.

Iman Mohamed Jama, Hiiraan Online
[email protected]












Click here
9/18/2018 2:26 PM EST
Talaado, September,18, 2018 (HOL)–Koox hubeysan ayaa caawa magaalada Beledweyne gaar ahaan xaafadda Xaawo Taako waxaa ay ku toogteen sarkaal ka tirsanaa ciidamada dowladda Soomaaliya oo lagu magacaabi jiray Muumin Xassan Garaad.

9/18/2018 1:26 PM EST
Talaado, September, 18, 2018 (HOL) – Xidhibaannada baarlamaanka federaalka ayaa maalintii labaad si adag uga dooday amniga caasimadda Muqdisho iyo guud ahaan dalka, iyadoo xildhibaannada hadal jeedinta lahaa ay mar kale walaac ka muujiyay xaaladda amni ee dalka.

9/18/2018 12:22 PM EST
Talaado, September, 18, 2018 (HOL) –Ciidanka milateriga Soomaaliya ayaa weerar ku dilay 13 saraakiil iyo dagaalyahanno al-Shabaab ah, inta lagu jiray weerar ay ciidammada ku qaadeen inta u dhaxeysa deegaanka Jaziira illaa degmada Marka ee gobolka Shabeellaha hoose.

9/18/2018 6:43 AM EST
Talaado, September, 18, 2018 (HOL) – Xildhibaanno maanta ku shiray magaalada Dhuusa-Mareeb ayaa sheegay in ay kalsoonidii kala noqdeen madaxweyne ku-xigeenka maamulka Galmudug Maxamed Cabdi Xaanshi Carabey oo ku sugan degmada Cadaado.

9/18/2018 4:31 AM EST
Talaado, September, 18, 2018 (HOL) –Golaha iskaashiga dowlad-gobolleedyada dalka ayaa walaac ka muujiyay xaaladda qasan ee ka taagan dowlad-gobolleedka Galmudug,iyagoo muujiyay xaaladda ka taagan gobolka si dhow inay ula socdaan.

9/18/2018 2:27 AM EST
Talaado, September, 18, 2018 (HOL) – Xafiiska Xeer ilaalinta guud ee Puntland ayaa soo bandhigay kiisaska kufsiga ee la diiwangaliyay Puntland siddeedii bilood ee u dambeysay.

9/18/2018 2:12 AM EST
Talaado, September, 18, 2018 (HOL)–Guddoomiye ku-xigeenka koowaad ee baarlamaanka Galmudug Xareed Cali Xareed ayaa waxba kama jiraan ku tilmaamay in xildhibaanno fadhi ku yeeshay degmada Cadaado ka qaadeen xilkii ku-xigeenka koowaad ee guddoonka baarlamaanka.

9/18/2018 1:55 AM EST
Talaado, September, 18, 2018 (HOL) –Wasiirka Gaadiidka iyo Duulista Hawada ee Soomaaliya,Maxamed Cabdullaahi Salaad (Oomaar) ayaa sheegay in diyaarad ogolaansho ka haysata dowladda federaalka ah ee Soomaaliya oo kaliya ka soo dagi karto, isla markaana ka duuli karto garoomada Soomaaliya.

9/18/2018 1:11 AM EST
Talaado, September, 18, 2018 (HOL) –Madaxweynaha Marekanka,Donald Trump ayaa hoos u dhigay tirada qaxootiga ee dalkiisu qaabilayo sannadka 2019 , wuxuu qorsheeyay tiro 30,000 qaxooti ah taas oo ka dhigeysa tiradii ugu yareyd ee Marekanka uu qaabilo.

9/18/2018 12:36 AM EST
Talaado, September, 18, 2018 (HOL)–War qoraal ah oo ka soo baxay Urur gobolleedka IGAD ayaa lagu sheegay in dalalka Jabuuti iyo Soomaaliya ciidamo nabad ilaalin ah u dirayaan dalka Koonfurta Sudan si loo ilaaliyo hergalinta heshiiskii dhawaan dowladda iyo mucaaradka ay ku kala saxiixdeen magaalada Addis Ababa.

9/18/2018 12:32 AM EST
Talaado, September, 18, 2018 (HOL) –Taliyaha ciidanka Daraawiishta Jubbaland ee gobolka Gedo,Jen Jamaal Xasan Farey ayaa sheegay ciidammada amniga Jubbaland inay la wareegeen galinkii dambe ee Isniintii saldhig ay al-Shabaab ku diyaarinayeen weerarro ka dhan ah ciidanka Daraawiishta Jubbaland.

9/18/2018 12:01 AM EST
Talaado, September, 18, 2018 (HOL) –Suheyr Qarane Faarax oo 11 jir ah ayaa u geeryootay qaliinka gudniinka Fircooniga ah degmada Galdogob ee gobolka Mudug ,waa gabadhii saddexaad oo muddo toddobaad ah qaliinka ugu geeryooneysa gudaha Puntland.