Sabti, September, 15,
2018 (HOL)– Magaalada Jeddah ee dalka Saudi Arabia ayaa lagu wadaa in saacadaha
soo coda gaaraan madaxda dowladdaha Itoobiya iyo Eritrea oo martiqaad ka helay
Boqorka dalkaasi Sacuudiga.
Calamada Eritrea,
Itoobiya iyo kan Boqortooyada Sacuudi Carabiya ayaa la suray waddooyinka
magaalada Jeddah, kaasoo lagu muujinayo diyaar garowga shirka nabadda ee dhex
mari doono hoggaamiyeyaasha dalalkaas.
Ra’iisul Wasaaraha Itoobiya Abiy Ahmed iyo
Madaxweynaha Eritrea Isaias Afwerki ayaa saxiixi doona heshiis nabadeed oo lagu
xoojinayo xiriirka labada dal.
Labada hoggaamiye ayaa la filayaa in ay halkaa ku
kala saxiixdaan heshiiska ay goobjoog ka noqon doonaan madax heer caalami aah iyo
waliba iyo Boqortooyada Sacuudiga.
Doorka Sucuudi Carabiya ku lahaa is bedelada ka
socda Gobolka Geeska Afrika ayaa muddooyinkii u dambeeyay soo xoogeysanayay,
waxaana la sheegaa in Sucuudiga ahaa maskaxdii ka dambeysay heshiiska Eritrea iyo
Itoobiya.
Bishii July Madaxda Itoobiya iyo Eritrea ayaa
kala saxiixday heshiis lagu soo afjaray colaadii mudada labaatankan sano u
dhaxeysa labada dal, waxaana dib u soo laabtay xiriirkii diblomaasiyadeed ee
labada dal u dhaxeeyay.
C/raxmaan Diini,
Hiiraan Online
[email protected]