Dowladda Soomaaliya gudbisay jawaabtii ugu danbeysay dacwadda Badda ee kala dhaxeysa Kenya
Jicmo, September, 14, 2018 (HOL) – Xeer-ilaaliyaha
guud ee Soomaaliya Axmed Cali Daahir ayaa sheegay in dowladda Soomaaliya soo
dhameystirtay islamarkaana gudbisay dhammaan jawaabihii looga baahnaa dacwadda
Badda ee kala dhaxeysa dowladda Kenya oo taa oo hortaala maxkamada danbiyada
caalamig ah.
Xeer ilaaliyaha ayaa sheegay in uu bilaawday waji cusub oo ah in Soomaaliya iyo Kenya cid walba waxa ay ku
doodayso in ay keento cadeyntooda, maadaama
hadda loo gudbay sheegashada lahaansha.
Waxaa bilaabanaya wareeg
cusub oo dal weliba ku soo bandhigi-doono dacwadiisa iyo xujo waxa uu haayo,
si go’aan kama dambeys ah looga gaaro xariiqda xadka biyaha ee labada
dal.
Waxaa intaa ku daray in ilaa iyo hadda kaliya loo
xayirn yahay dowladda Kenya oo marka ay horgeyso maxkamada jawaabihii looga
baahnaa la guda gali doono qaadista dacwadda.
Soomaaliya waxay ku
eedeysay Kenya in marar badan ay ka baaqsatay in ay ka qeyb gasho wadahadallo
labo geesood ah oo looga xaajoon lahaa xallinta muranka labada dal.
Soomaaliya iyo Kenya ayaa isku haya lahaanshaha dhul badeed bedkiisu uu gaarayo 142 kun oo km oo labo
jibbaaran, waxayna sidaasi darteed Soomaaliya ka dalbatay maxkamadda inay
xadeyso xaduuda badda ee labada dal si waafaqsan xeerarka caalamiga ah.
C/raxmaan Diini, Hiiraan
Online
[email protected]