Khamiis, September, 13, 2018
(HOL)–Guddoomiyaha Baarlamaanka Galmudug Cali Gacal Casir oo warbaahinta la
hadlay wax yar uu kaddib markii uu soo baxay warku ku saabsan in xilka laga
qaaday ayaa arintaa ku gacanseyray, isaga oo sheegay in Dhuusa-Mareeb ay ku
shireen dhalinyaro iyo dad kale oo aan xildhibaanno aheyn.
‘’Waa isoo gaaray warka
arintan ku saabsan, xildhibaanno uma aqoonsani dadkaasi ku shiray Dhuus-Mareeb,
wax walba sharciga ayeey ku dhamaan doonaan’’ ayuu yiri guddoomiye Casir.
Waxaa uu sheegay in go’aanka
lagu gaaray Dhuusa-Mareeb ee la sheegay in isaga xilka looga qaaday loo baahan
sidii ay ku dhaqan –galin laheyd cidii gaartay, taasoo uu ula jeedo in wali uu
isagu yahay guddoomiyaha baarlamaanka Galmudug.
Hadalka ka soo yeeray Cali
Gacal Casir iyo go’aanka ka soo baxay kulankii Dhuusa-Mareeb ayaa sii hurinaya
khilaaka u dhaxeeya madaxda ugu sareysa Galmudug oo uu muuqda kuwo sii kala
furtay tan iyo wixii ka danbeeyay go’aankii hoggaamiyayaasha dowlad
gobolleedyada ku gaareen shirkii Kismaayo
C/raxmaan Diini, Hiiraan
Online
[email protected]