3/28/2024
Today from Hiiraan Online:  _
Wararka Maanta- Arbaco, Sept 12, 2018
Itoobiya oo ciidamaddeeda ka qaadaneysa xadka Eritrea

 

Arbaco, September, 12, 2018 (HOL) -Ra’iisal wasaaraha Itoobiya Abiy Ahmed ayaa markii ugu horeysay ka dhawaajiyay in uu ciidamada dalkiisa kala bixi doono xadka uu la wadaago Eritrea, kaddib markii maalintii shalay dib leysugu furay xadka labada dowladdood.

Kumanaan qof - oo ay ku jiraan askar ka kala socota labada dhinac - ayaa kala qayb galay hoggaamiyeyaasha Eritrea iyo Itoobiya dib u furitaanka xuduudda magaalooyinka Burre iyo Zalambessa kuwaas oo labaatankii sano ee lasoo dhaafay ahaa furin dagaal oo labada dal u dhaxaysa.

Wax yaabaha kale ee dhacay todobadkii hore ayaa waxaa ka mid ah ciidamo wada jir ah oo ka kala tirsan labada dowladdood ay wada jir uga qeyb qaateen howlgal miino baaris ah oo laga sameeyay xadka, taaa oo dhibaato weyn ku ahaa isku socodka labada dhinac, gaar ahaan dhinaca ganacsiga.

Heshiiskii ay qaramada midoobay garwadeenka ka ahayd ee la saxiixay sanadkii 2000 ayaan marna la dhaqan galin dalalkuna ay xaalad dagaal kusii jireen.

In ciidamada laga saaro deegaanada lagu muransan yahay ayaa markasta ahayd dalab ka imaanayey Eritrea- taas oo horay ugu eedaysay Itoobiya in ay jabisay heshiiskii sanadkii 2000 ee xuduudda.

Balse labada dal ayaa kala saxiixday heshiis nabadeed oo cusub bishii July - kaas oo aayar aayar u baddalayey xiriirka u dhexeeya Eritrea iyo itoobiya kuwaas oo aan lahayn xiriir ganacsi iyo mid diblumaasiyadeed toona tan iyo dabayaaqadii sagaashameeyadii.

C/raxmaan Diini, Hiiraan Online
[email protected]













Click here
9/12/2018 12:01 PM EST
Arbaco, September, 12, 2018 (HOL)-Madaxweynaha Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa gaaray magaalada Addis Ababa ee dalka Itoobiya, halkaas uga qeybgalayaan shir goor dhaw uga furmay madaxda urur gobolleedka IGAD.

9/12/2018 9:23 AM EST
Arbaco, September, 12, 2018 (HOL)-Qoraal laga soo saaray kulan maanta magaalada Muqdisho ay ku yeesheen xubnaha aqalka sare ee Soomaaliya ayaa sheegay in uu bilaabayo goluhu socdaal xal doon ah oo la doonayo in leysugu soo dhaweeyo maamul gobolleedyada iyo dowladda dhexe oo khilaaf xoogan uu soo kala dhax-galay.

9/12/2018 8:15 AM EST
Arbaco, September, 12, 2018 (HOL) - Tan iyo intii isbedelku ka dhacay deegaanka Soomaalidda Itoobiya waxa isku furmay isku socodkii shacabka Hargeysa iyo Jigjiga, taas oo keentay in dad faro badan oo aan awal hore u tagi jirin ay u xiisaan inay jigjiga booqdaan.

9/12/2018 7:13 AM EST
Arbaco, September, 12, 2018 (HOL) –Madaxweynaha dowladda Soomaaliya Maxamed Cabdullaahi Farmaajo iyo wafdi uu horkacayo ayaa goor dhaw oo maanta ah ka degay magaalada Addis Ababa ee dalka Itoobiya halkaa uu uga qeybgali doono shirka Urur gobolleedka IGAD.

9/12/2018 3:55 AM EST
Arbaco, September, 12, 2018 (HOL)–Ciidamada dowladda oo garab militari ciidamo kale oo ajnabi ah ayaa saqdii dhexe ee xalay 11kii bishan September, waxaa ay howlgal qorsheysan ka fuliyeen deegaanka Mubaarak ee gobolka Shabeellaha hoose.

9/12/2018 3:00 AM EST
Arbaco, September, 12, 2018 (HOL) –Eritrea ayaa hadda u muuqata in ay soo ceshaneyso xubin-nimadii Urur gobolleedka IGAD, iyadoo maanta madaxweyne Isaias Afwerki uu ka soo muuqan doono shirka Ururkan uga furmaya magaalada Addis Ababa ee dalka Itoobiya.

9/12/2018 2:37 AM EST
Arbaco, September, 12, 2018 (HOL)–Garoonkii diyaaradeed ee kali ahaa ee ka shaqaynayay caasimadda dalka Liibiya ee Tripoli ayaa duulimaadyadii meel kale u weeciyay ka dib markii gantaallo lagu weeraray.

9/12/2018 1:54 AM EST
Arbaco, September, 12, 2018 (HOL)–QM ayaa Talaadadii sheegtay in ay xoojinayaan Iskaashiga looga hortagayo khatarta ka timid waxyaabaha qaxa oo dhib ku haya xasiloonida Soomaaliya.

9/12/2018 12:50 AM EST
Arbaco, September, 12, 2018 (HOL)–Wararka naga soo gaaaraya degmada Marka ee xarunta u ah gobolka Shabeellaha hoose ayaa sheegaya in xoogag ka tirsan Al-shabaab xalay weerar culus ku qaadeen saldhigyada ciidamada dowladda ee bartamaha degmada.