Talaado, September, 11, 2018
(HOL) – Guddoomiye ku-xigeenka koowaad ee baarlamaanka dowlad gobolleedka
Galmudug Xareed Cali Xareed ayaa aqbalay
qabashada mooshin ka dhan ah guddoomiyaha baarlamaanka Galmudug Cali Gacal
Casir.
Xildhibaannada mooshinka ka
keenay guddoomiyaha baarlamaanka Galmudug ayaa ku eedeynaya in uu gabi ahaanba
baalmaray kana soo bixi waayay howlihii loo idmaday sidaa daraadeed la gaaray
sida ay hadalka u dhigeen waqtigii lala xisaabtami lahaa.
Lama oga tirade rasmiga ah ee
mooshinkan soo gudbisay hadda ahaatee warar soo baxaya ayaa sheegaya in ay
saxiixeen tiro ka badan 80 xildhibaan .
Ma’aha markii ugu horeysay oo
baarlamaanka Galmudug sidan oo kale mooshin ka keeno guddoomiye Cali Gacal
Casir, waxaase marar badan oo hore fashilmay isku day la doonayay in xilka
looga qaado.
Mooshinkan ayaa loo maleynayaa in
uu soo dadajiyay hadalkii maalintii shalay guddomiye Casir uu ka jeediyay
furitaanka Kalfadhigga Afaraad ee golaha Shacabka Soomaaliya isaga oo siweyn u weeraray go’aankii
hoggaamiyayaasha dowlad gobolleed-yada ee ka soo baxay shirkii Kismaayo.
C/raxmaan Diini, Hiiraan
Online
[email protected]