9/20/2018
Today from Hiiraan Online:  _
Wararka Maanta- Talaado, Sept 11, 2018
Somaliland oo shaacisay inay bedelayso taarikaddii gaadiidka



Talaado, September, 11, 2018 (HOL)– Wasaaradda Gaadiidka iyo Horumarinta Jidadka Soomaaliland ayaa daahfurtay Sumad cusub oo ay yeelan doonaan Baabuurta Somaliland, taas oo gobol walba astaan u gaar ah la raacin doono.

Xafladan lagu daahfurayey waxa ka soo qaybgallay Wasiirka Gaadiidka iyo Horumarinta Jidadka, Wasiirka Gaashaandhiga, Wasiir Ku xigeenka Caafimaadka, Maareeyaha Hay’adda Wadooyinka.

Agaasimaha Guud ee Amniga Arimaha Gudaha, Xubno ka socda Xafiiska Ingiriiska ee Hargaysa, Wakiilka Dawlada Jabuuti ee Soomaaliland, Saraakiil Ciidanka Booliska ah iyo Ciidanka Nabadgalyada Wadooyinka, Hawlwadeenada Wasaaradda Gaadiidka iyo marti sharaf kale.

“waxaan jeclahay inaan idiin soo bandhigno Sumadda gaadiidka, sida hore loo sheegay wax ka bedelka lagu sameeyey sumadda gaadiidka waxa jidaynayaa xeerka 35 ee 2018 ee la ansixiyey 2013-kii, kaasi oo qodobkiisa 48-aad farqadiisa 2-aad ayaa waajibinaysay in gobolo laga dhigo, taasi inaga oo dabaqayna xeerkaasi ayey waajib noqotay inaynu wax ka bedel ku samayno”ayuu yidhi wasiirka Gaadiidka C/laahi Abokor.

Waxaanu intaas ku daray “Waxay inagu soo kordhinaysa bedelkani maaha kaliya Sumaddan gaadiidka ee waxay gali doontaa Xog kaydsan (Data base), kaasi oo xogtii qofka laga heli doono, waxaana wada soconaya Data base kii iyo Plate Numberkii, markii hore si Manual ah ayaa loo diiwaan galin jiray, balse imika nambar walbaba waxa uu yeelanayaa xog u gaar ah, waxa kale oo muhiim ah nambarkani waxa uu yeelanayaa astaantii qaranka oo aan masaxmaynin oo markii hore waa ay inaga masaxmi jirtay, waxa kale oo aanu ka saarnay nambarkii Carabiga ahaa,”.

Waxa kale oo iyaguna munaasibaasi ka hadlay Wakiilka Dawlada Jabuuti u jooga Somaliland, Madaxa Xafiiska Dawlada Ingiriiska ee Soomaaliland, Agssimaha Guud ee Amniga Arimaha Gudaha, Guddoomiyaha Macdarada Baabuurta iibiya, Agaasimaha Waaxda Aqoosiga Wadida Gaadhiga , kuwaas oo dhamaantood ku dheeraaday faaiidada uu leeyahay adeegan ay soo bandhigtay Wasaaraddu.

Wax ka bedelka lagu sameeyey sumadii gaadiidka waxay waxtar weyn u tahay shacabka oo markii hore dhibaato dhaqaale ku ahayd maadaama oo numbarka gaadhiga ku xidhan lagu iibsan jirey, iyadoo numbarba numbarka ka dambeeyey uu ka qiimo badnaa,haseyeeshee imika lama kala garan karo kii cusbaa iyo ka kale waxaana gaadhiga lagu iibsan doona tayada gaadhiga.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
9/11/2018 4:39 PM EST
Talaado, September, 11, 2018 (HOL) – Waxaa soo ifbaxaya khilaaf xoogan oo mar kale soo kala dhax-galay mas’uuliyiinta ugu sareysa maamulka Galmudug kaddib markii mooshin xil ka qaadisa ah la sheegay in laga gudbiyay guddoomiyaha baarlamaanka Galmudug Cali Gacal Casir iyo madaxweyne ku-xigeenka maamulka Maxmed Xaanshi Carabey

9/11/2018 1:55 PM EST
Talaado, September, 11, 2018 (HOL)–Guddoomiye ku-xigeenka koowaad ee baarlamaanka dowlad gobolleedka Galmudug Xareed Cali Xareed ayaa aqbalay qabashada mooshin ka dhan ah guddoomiyaha baarlamaanka Galmudug Cali Gacal Casir.

9/11/2018 11:25 AM EST
Talaado, September, 11, 2018 (HOL)– Hanti-dhowrka guud ee Qaranka ayaa qoraal ka soo baxay waxaa leysaga fogeeyay eedeyn uga timid hoggaamiyayaasha dowlad gobolleedyada Soomaaliya ee dhawaantan ku shiray magaalada Kismaayo.

9/11/2018 9:51 AM EST
Talaado, September, 11, 2018 (HOL)– Ehelada iyo Qoyska madaxweynihii hore ee dowlad deegaanka Soomaalida ayaa ku eedeeyay ciidamo ka tirsan Booliiska federaalka Itoobiya in ay jir daran u geysteen madaxweynihii hore Ismaamulka Soomaalida Cabdi Maxamuud Cumar.

9/11/2018 9:08 AM EST
Talaado, September, 11, 2018 (HOL)– Golaha wasiirrada Puntland oo kulan deg deg ah maanta ku yeeshay xarunta madaxtooyada Puntland ee magaalada Garoowe ayaa soo dhaweeyay dhammaan go'aamadii ka soo baxay shirkii hoggaamiyayaasha dowlad-gobolleedyada ee Sabtidii lugu soo gabagabeeyay magaalada Kismaayo.

9/11/2018 7:13 AM EST
Talaado, September, 11, 2018 (HOL)– Rag bastoolado ku hubeysnaa ayaa toogasho ku dilay meel aan ka fogeyn hoygiisa magaalada Muqdisho subaxnimadii hore ee saakay xubin ka tirsanaa shaqaalaha wasaaradda Qorsheynta dowladda Soomaaliya.

9/11/2018 4:28 AM EST
Talaado, September, 11, 2018 (HOL)–Hogaamiyeyaasha Itoobiya iyo Eritrea ayaa dib u furaya xadkii dhulka la isaga tallaabi jiray ee la xiray labaatan sano ka hor markii ay dagaalka xun galeen labadan dal ee dariska ah sagaashameeyadii.

9/11/2018 4:04 AM EST
Talaado, September, 11, 2018 (HOL)– Golaha wasiirrada Puntland ayaa hadda ku shirsan xarunta madaxtooyada Puntland ee dulleedka magaalada Garoowe,kulankan oo saraakiisha ay ku tilmaameen mid aan 'caadi ahayn' waxaa guddoominaya madaxweynaha Puntland Cabdiweli Gaas.

9/11/2018 2:20 AM EST
Talaado, September, 11, 2018 (HOL)– Tan iyo intii madaxweynaha Somaliland Muuse Biixi uu go’aanka ka soo saaray in Kaydka haamaha shiidaalka ee Berbera ku soo celinayo gacanta dawladda waxay dhalisay is faham waa ku kala dhex dhacay iyaga iyo ganacsataddii maamuli jirtay oo ku doodaya in lacag badan kaga maqantahay maalgashi ay ku sameeyeen Haamaha.

9/11/2018 1:58 AM EST
Talaado, September, 11, 2018 (HOL)–Saraakiisha Booliiska Soomaaliya ayaa sheegay in ay toogasho ku dileen sarkaal ka tirsanaa Ururka Al-shabaab oo sida ay hadalka u dhigeen in mudo ahba laamaha amnigu ku raad joogeen.

9/11/2018 12:51 AM EST
Talaado, September, 11, 2018 (HOL)–Waxaa soo ifbaxaya khilaaf xoogan oo u dhaxeeya mas’uuliyiinta qaar ka mid ah maamuladdii ku shiray Kismaayo ee Sabtidii aynu soo dhaafnay ku dhawaaqay in ay xiriirka u jareen dowladda dhexe ee federaalka.