9/23/2018
Today from Hiiraan Online:  _
Wararka Maanta- Sabti, Sept 1 , 2018
Madaxweyne kuxigeenka 1-aad ee Jubbaland oo ka hadlay arimo ay kamid yihiin xiriirka dowladda dhexe iyo Jubbaland





Sabti, September, 01, 2018 (HOL)– Mudane Max’uud Sayid Aadan, madaxweyne kuxigeenka 1-aad ee Jubbaland oo mudooyinkii u danbeeyay safar shaqo ugu maqnaa dalka Kenya ayaa shir jaraa’id oo uu qabtay kadib kusoo laabashadiisa Kismaayo waxa uu uga hadlay arimo kala duwan.

Madaxweyne ku xigeenka ayaa xusay in dowladda Kenya ay kala hadleen dhibaatooyin mudooyinkii u danbeeyay ka jiray deegaanada ku yaal soohdinta ay Kenya la wadaagto Soomaaliya ee dhanka degmooyinka Jubbaland, halkaa oo marar badan lagu burburiyay hanti ay lahayd shirkadda Hormuud ayadoo sidoo kale ay jireen dad la dilay, kuwaa oo lagu eedeeyay in ay geysteen askarta Kenya.
Waxa uu xusay in madaxdii ay la kulmeen ay isku afgarteen in arimahaasi baaritaan lagu sameeyo, si degdeg ahna wax looga qabto.

Dhinaca kale, Madaxweyne kuxigeenka oo ka hadlay xiriirka dowladda Soomaaliya iyo dowlad goboleedka Jubbaland ayaa sheegay in dowladda dhexe ay qeybo ka tirsan degmooyinka Jubbaland ay ka abuurtay xaalado uu xusay in aysan shacabka u wanaagsanayn, isagoo sheegay in loo baahanyahay in dowladdu ay hormuud u noqoto nabadgelyada iyo horumarka dalka.

Madaxweyne kuxigeenka oo soo hadal qaaday siyaasiyiinta doonaya in ay u tartamaan hogaanka Jubbaland ayaa sheegay in looga baahanyahay in ay la shaqeeyaan madaxda xilka haysa, islamarkaana ay qeyb ka noqdaan dadaallada la doonayo in Shabaab looga saaro Jubooyinka.

Hadalka Madaxweyne kuxigeenka ayaa kusoo beegmaya ayadoo mudooyinkii u danbeeyay degmooyin ka tirsan Jubbaland ay ka dhacayeen dibadbaxyo isugu jiray kuwa Jubbaland looga soo horjeedo iyo qaar kale oo looga soo horjeeday dowladda, oo shacabkii dibadbaxayay ay ku eedeeynayeen faragelin in ay ku heeyso Jubbaland.

Xasan Nuur, Hiiraan Online
[email protected]
Kismaayo-Soomaaliya.







Click here
9/1/2018 2:13 PM EST
Sabti, September, 01, 2018 (HOL)–Ciidamada dowladda Soomaaliya ayaa maanta warbaahinta u soo bandhigay labo dhalinyaro ah oo lagu soo qabtay iyaga oo dhac iyo baarasho u geysanayay dadka rayidka iyo hubkii ay adeegsanayeen intaba.

9/1/2018 10:56 AM EST
Sabti, September, 01, 2018 (HOL)– Xeerka Kufsiga ee golaha Wakiiladdu u gudbiyey madaxtooyada ayaa muran ka dhashay ka dib markii Guurtiddu ku dooday in xeerkaasi ahayd in uu iyaga soo maro si ay ugu gudbiyaan madaxweynaha.

9/1/2018 8:47 AM EST
Sabti, September, 01, 2018 (HOL)– Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) ayaa la kulmay Wakiilka Gaarka ah ee Midowga Afrika u fadhiya Soomaaliya Danjire Francisco Medara.

9/1/2018 4:39 AM EST
Sabti, September, 01, 2018 (HOL)– Qoraal lagu daabacay Bogga Twitter –ka ee hay’adda nabad-sugida iyo sirdoonka Qaranka Soomaaliya NISA ayaa lagu sheegay in xubinnimadii hay’adda sirdoonka laga saaray Gen Cabdalla Cabdalla oo horay u soo noqday taliye ku-xigeenka, hasse ahaatee xilka looga qaaday wareegto uu soo saaray madaxweyne Farmaajo.

9/1/2018 4:23 AM EST
Sabti, September, 01, 2018 (HOL)– Madaxweynaha Soomaaliya Mudane Maxamed Cabdullaahi Farmaajo ayaa la kulmay madaxda shirkadaha ganacsi iyo kuwa dhaqaale ee dalka Shiinaha, kuwaas oo daneynaya in maalgashi ay ku sameystaan Soomaaliya.

9/1/2018 2:09 AM EST
Sabti, September,01, 2018 (HOL)–Maanta ayaa lagu wadaa in magaalada Kismaayo ee xarunta ku –meel-gaar u ah Jubbaland tagaan qaar ka mid ah madaxda dowlad gobolleed-yada dalka oo halkaa shir uga furmayo.

9/1/2018 1:13 AM EST
Sabti, September, 01, 2018 (HOL)–Mareykanka ayaa hakinaya dhammaan dhaqaalihii uu siin jiray hay'adda Qaramada Midoobey u qaabilsan qaxootiga Falastiyiniinta.

9/1/2018 1:07 AM EST
Sabti, September, 01, 2018 (HOL)–Dowladda Britain ayaa ugu baaqaday in la taageero howlgalka midowga Africa ee Soomaaliya si loo soo celiyo xasiloonimadii iyo kala danbeyntii Soomaaliya loogu-na guuleysto dagaalka ka dhanka ah Al-shabaab.

9/1/2018 12:48 AM EST
Sabti, September, 01, 2018 (HOL)-Degmada Afgooye oo ay ku soo noqdeen weerarrada qaraxyada loo adeegsado ku kuwa toos ah oo ay soo qaadeen xoogagga Al-shabaab, ayaa saacadihii ugu danbeeyay howlgallo ka sameeyay ciidamada dowladda Soomaaliya.