11/16/2018
Today from Hiiraan Online:  _
Wararka Maanta- Sabti, Sept 1 , 2018
Britain oo caalamka ugu baaqday in la taageero howlgalka midowga Africa AMISOM


 

Sabti, September, 01, 2018 (HOL) – Dowladda Britain ayaa ugu baaqaday in la taageero howlgalka midowga Africa ee Soomaaliya si loo soo celiyo xasiloonimadii iyo kala danbeyntii Soomaaliya loogu-na guuleysto dagaalka ka dhanka ah Al-shabaab.

Ra’iisal wasaaraha Britain Theresa May oo booqatay dalal ka tirsan qaarrada Africa, gaar ahaan dalka Kenya ayaa sheegtay in UK bixineyso maal-galin dheeraad ah oo lagu caawinayo ciidamada nabad-ilaalinta midowga Africa, iyada oo ku amaantay Kenya doorkeeda la xiriira dagaalka ka dhanka ah kooxaha argagixisada.

‘’Soomaaliya waxaa ay ku jirtaa xaalad xaasaasi ah, waa muhiim in la kaalmeeyo ciidamada ku howlan nabad soo celinta iyo sidoo kale waqtiga kala guurka ee Soomaaliya, ‘’ ayaa lagu yiri qoraal ay soo saartay May intii lagu guda-jiray socdaalkeedii qaarrada.

Ra’iisal wasaaraha Britain ayaa ku dhawaaqday in ka badan $ 9 milyan oo dollar oo dheeraad ah oo UK ay ku caawineyso howlgalka midowga Africa AMISOM, waxaana ay dalalka deeq-bixiyayaasha ugu baaqday in ay gacan ka geystaan taageerada maaliyadeed ee la siinayo ciidamada nabad ilaalinta.

Sanadkii 2017, Britain waxay ku kordhisay 385 milyan oo pound dadaalka caalamiga ah si ay gacan uga geysto Soomaliya oo noqota ​​waddan amaan ah, xasilooni iyo barwaaqo leh.

C/raxmaan Diini, Hiiraan Online
[email protected]







Click here
9/1/2018 2:13 PM EST
Sabti, September, 01, 2018 (HOL)–Ciidamada dowladda Soomaaliya ayaa maanta warbaahinta u soo bandhigay labo dhalinyaro ah oo lagu soo qabtay iyaga oo dhac iyo baarasho u geysanayay dadka rayidka iyo hubkii ay adeegsanayeen intaba.

9/1/2018 10:56 AM EST
Sabti, September, 01, 2018 (HOL)– Xeerka Kufsiga ee golaha Wakiiladdu u gudbiyey madaxtooyada ayaa muran ka dhashay ka dib markii Guurtiddu ku dooday in xeerkaasi ahayd in uu iyaga soo maro si ay ugu gudbiyaan madaxweynaha.

9/1/2018 8:47 AM EST
Sabti, September, 01, 2018 (HOL)– Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) ayaa la kulmay Wakiilka Gaarka ah ee Midowga Afrika u fadhiya Soomaaliya Danjire Francisco Medara.

9/1/2018 8:30 AM EST
Sabti, September, 01, 2018 (HOL)– Mudane Max’uud Sayid Aadan, madaxweyne kuxigeenka 1-aad ee Jubbaland oo mudooyinkii u danbeeyay safar shaqo ugu maqnaa dalka Kenya ayaa shir jaraa’id oo uu qabtay kadib kusoo laabashadiisa Kismaayo waxa uu uga hadlay arimo kala duwan.

9/1/2018 4:39 AM EST
Sabti, September, 01, 2018 (HOL)– Qoraal lagu daabacay Bogga Twitter –ka ee hay’adda nabad-sugida iyo sirdoonka Qaranka Soomaaliya NISA ayaa lagu sheegay in xubinnimadii hay’adda sirdoonka laga saaray Gen Cabdalla Cabdalla oo horay u soo noqday taliye ku-xigeenka, hasse ahaatee xilka looga qaaday wareegto uu soo saaray madaxweyne Farmaajo.

9/1/2018 4:23 AM EST
Sabti, September, 01, 2018 (HOL)– Madaxweynaha Soomaaliya Mudane Maxamed Cabdullaahi Farmaajo ayaa la kulmay madaxda shirkadaha ganacsi iyo kuwa dhaqaale ee dalka Shiinaha, kuwaas oo daneynaya in maalgashi ay ku sameystaan Soomaaliya.

9/1/2018 2:09 AM EST
Sabti, September,01, 2018 (HOL)–Maanta ayaa lagu wadaa in magaalada Kismaayo ee xarunta ku –meel-gaar u ah Jubbaland tagaan qaar ka mid ah madaxda dowlad gobolleed-yada dalka oo halkaa shir uga furmayo.

9/1/2018 1:13 AM EST
Sabti, September, 01, 2018 (HOL)–Mareykanka ayaa hakinaya dhammaan dhaqaalihii uu siin jiray hay'adda Qaramada Midoobey u qaabilsan qaxootiga Falastiyiniinta.

9/1/2018 12:48 AM EST
Sabti, September, 01, 2018 (HOL)-Degmada Afgooye oo ay ku soo noqdeen weerarrada qaraxyada loo adeegsado ku kuwa toos ah oo ay soo qaadeen xoogagga Al-shabaab, ayaa saacadihii ugu danbeeyay howlgallo ka sameeyay ciidamada dowladda Soomaaliya.