Talaado, October, 09, 2018 (HOL)-Ra’iisul
Wasaaraha xukuumadda Federaalka ah ee Soomaaliya Xasan Cali Khayre iyo wafdi
ballaaran oo uu hoggaaminayo ayaa gaaray magaalada Riyaadh ee dalka
Boqortooyada Sucuudiga, kadib casuumaad rasmi ah oo uu ka helay.
Ra’iisul wasaaraha iyo wafdigiisa ayaa waxaa soo
dhoweeyay mas’uuliyiin sar sare oo ka tirsan Boqortooyada, iyadoo booqasho laba
maalmood ah ay halkaas uga bilaabatay.
Ra’iisul wasaaraha iyo wafdigiisa ayaa waxaa soo
dhoweeyay mas’uuliyiin sar sare oo ka tirsan Boqortooyada, iyadoo booqasho laba
maalmood ah ay halkaas uga bilaabatay.
Kheyre ayaa kulamo la yeelan doono mas’uuliyiinta ugu
sarsareysa dowladda aan walaalaha nahay ee boqortooyada Sucuudi Carabiya, si ay
uga wada hadlaan xoojinta xiriirka labada dal iyo iskaashiga dhinacyada
dhaqaalaha iyo amniga.
Ra’iisul wasaaraha xukuumadda federaalka
Soomaaliya ayaa sidoo kale kulamo la yeelan doona madaxda Bangiga horumarinta
Islaamka iyadoo wadahadaladaana diirada lagu saarayo horumarka dhaqaalaha
Soomaaliya, maal-gelinta iyo dib-u-habaynta ballaaran ee lagu sameeyay
hannaanka maamulka maaliyadda dalka.
C/raxmaan Diini, Hiiraan
Online
[email protected]
