Mashruuc Balaadhin Ah oo maanta lagu dhaxdhigay garoonka CabdiBile ee gobolka Sool
Isniin, October, 08,
2018 (HOL) - Wasiirka arimaha gudaha Somaliland
Maxamed Kaahin iyo wasiirka horumarinta ciyaaraha Somaliland Boos Mire Dacar
iyo masuu'liin kale ayaa manta dhagax dhigay dhisme balaadhin ah oo lagu
kordhin doono garoonka ciyaaraha Gobolka Sool ee Cabdi Bile Cabdi.
Wasiiraka horumarinta ciyaaraha
Somaliland Boos Mire Dacar ayaa madasha ka sheegay in tartanka ciyaarha ee
kubada cagta ee gobolda lagu qaban doono garoonka sanadka soo socda, isagoo
intaasi ku daray in horumarka ka socda gobolada Somaliland uu la tartami doono
gobolka Sool.
Baashe Maxamed Faarax gudoomiyaha
golaha wakiilada Somaliland ayaa ku dheeraaday ahamiyada ay ciyaaruhu u
leeyihiin dhalinta soo koraysa , waxuu intaasi ku daray in ay aad ugu
faraxsanyihiin ka qayb qaadashada dhagaxdhigan lagu balaadhin doono garoonk hab
casriyana loogu dhisi doono.
Cabdi Furre Kaarshe gudoomiyaha
shirkada fulin doonta dismaha garoonka Cabdi Bile ayaa sheegay in ay
shirkadiisu tahay mid gobolka ka soo jeeda ayna muwaadiniintu kala xisaabtami
karaan isagoo u mahad celiya xukuumada Somaliland.
Isku soo wada duuboo maamulka
Somaalilaand u qaabilsan gobolka Sool oo u horeeyo gudoomiyaha gobolka iyo duqa
dagmada ayaa si wayn u bogaadiyay talaabadan oo ka mid ahayd balan qaadyadii
uu madaxwayne Muuse Biixi Cabdi ku dhawaaqay xiligii uu ku jiray ololahii
doorashadii ina soo dhaaftay.
Seynab Cabdi Warsame.
[email protected]
Laascaanood, gobolka Sool.
