12/12/2018
Today from Hiiraan Online:  _
Wararka Maanta- Isniin, Oct 8 , 2018
Maxkamada ciidamada qalabka sida oo xukun ku riday askari dhac geystay


 

Isniin, October, 08, 2018 (HOL)– Dable Boliis Maxamed Cabdikariin Cabdullaahi ayaa laga soo qabtay agagaarka jaamacadaha degmada Hodan xilli uu dhac u geysanayay dadka ka soo baxay salaada subax iyo kuwa u sii socday masjidyada ku yaallo xaafadaha degmada Hodan.

Dadka degmada ayaa ku war geliyay gudoomiye waaxeedka xaafadda iyo taliyaha rugta Boliiska, waxa ayna si wada jir ah u sameeyeen howlgal lagu baadi doonayay eedeysanaha, waxa ayna soo qabteen 17-kii bishii Sagaalaad (9) ee sanadkan.

Isla maalintaas ayay u soo wareejiyeen xafiiska xeer ilaalinta ciidamada dambi baarista Amniga Dable Boliis Maxamed Cabdikariin Cabdullaahi, waxaana xafiiska xeer ilaalinta weydiistay Garsoorayasha Maxkamadda in loo gudbiyo xabsiga garsuge ahaan.

Xafiiska Xeer Ilaalinta Ciidamada ayaa 25-kii Bishii sagaalaad (9) ee sanadkan Baaritaan dheeraad kadib waxa ay soo dhameystireen galdacwadeedka eedeysane Dable Boliis Maxamed Cabdikariin Cabdullaahi waxa ayna codsadeen in la muddeeyo dacwad qaadistiisa.

Maxkamdda ayaa u fariisatay dacwadda ka dhanka ah eedeysanaha, waxa ayna dhageysatay dhinacyada xeer ilaalinta iyo qareenka u doodayay eedeysanaha, waxaa sidoo kale Maxkamadda lagu soo bandhigay dhibanayaashii dhacca loo geystay iyagoo laga dhageystay dhammaan cabashadooda.

Mid kamid ah dhibanayaasha ayaa u sheegay garsoorayaasha Maxkamadda in xilliga dhacca loo geysanayay uu u cararay Masjidka balse nasiib xumo uu eedeysanaha ka soo daba galay Masjidka sidaasna uu kaga qaatay Teleefoonkiisa.

Xeer ilaalinta ayaa sidoo kale soo bandhigtay Teleefanadii uu dhacay eedeysanaha, ku xigeenka xeer ilaaliyaha guud ee ciidamada qalabka sida Laba xiidigle Ismaaciil Salaad Maxamed ayaa ku dooday in eedeysanaha lagu xukumo xukun tusaala u noqon karo kuwa weli ku mashquulsan dhacca dadweynaha.

Qareenka u dooday eedeysanaha ayaa codsaday in laga qafiifiyo xukunka Maxkamadda maadaama uu qiraal u yahay dambiyada lagu soo oogay.

Ugu dambeyn Maxkamadda ayaa go’aan ku gaartay in lagu xukumo Maxamed Cabdikariin Cabdullaahi sideed (8)-sano oo xabsi ciidan ah, sida uu u sheegay dhamman dhinacyada ka qeyb galayay dacwadda Gaashaanle Dhexe Xasan Cabdiraxmaan Aadan Wabiyow.

Maalmahan dambe ayaa waxaa jiray cabashooyin badan oo ay soo gudbinayeen dadka ku dhaqan qaar ka mid xaafadaha magaalada, waxaana xukunka Maxkamadda riday uu u yahay fariin kuwa weli ku howlan dhaca dadweynaha, Xukunsaha ayaa heysta fursad kale oo uu ku dalbnan karo rafcaan.

C/raxmaan Diini, Hiiraan Online
[email protected]







Click here
10/8/2018 2:42 PM EST
Isniin, October, 08, 2018 (HOL) - Wasiirka warfaafinta Puntland,Cabdi Xirsi Cali Qarjab ayaa sheegay in wasiirrada Puntland aysan tagi karin Muqdisho, si la mid ahna aysan suragal u noqon doonin wasiirrada Federaalka inay kulamo ku qabtaan Puntland.

10/8/2018 2:16 PM EST
Isniin, October, 08, 2018 (HOL) - Guddiga dib u eegista dastuurka Soomaaliya ayaa maanta gaaray magaalada Garoowe ee xarunta Puntland.

10/8/2018 12:43 PM EST
Isniin, October, 08, 2018 (HOL)-Wasiirka arimaha gudaha Somaliland Maxamed Kaahin iyo wasiirka horumarinta ciyaaraha Somaliland Boos Mire Dacar iyo masuu'liin kale ayaa manta dhagax dhigay dhisme balaadhin ah oo lagu kordhin doono garoonka ciyaaraha Gobolka Sool ee Cabdi Bile Cabdi.

10/8/2018 12:09 PM EST
Isniin, October, 08, 2018 (HOL) -Lix boqol iyo todoba arday ayaa maanta ka qalinjabiyey jaamacada Admas ee magaalada Hargeysa, kuwaas oo munaasibad balaadhan loogu qabtay Hotel Maansoor ee Magaalada Hargeysa.

10/8/2018 9:47 AM EST
Isniin, October, 08, 2018 (HOL) - Guddiga joogtada ah ee Golaha Aqalka sare ayaa maanta kullan ay ku yeesheen magaalada Muqdisho waxay kaga hadleenn ka tashiga furitaanka kalafadhiga 4-aad ee Golaha Aqalka sare iyo waliba xogwareysi halka uu marayo dadaaladii ay wadeen Aqalka sare ee lagu xalinayay khilaafka Dowladda Federaalka iyo Maamul Gobolleedyada dalka.

10/8/2018 9:00 AM EST
Isniin, October, 08, 2018 (HOL) -Booliiska dalka Bulgaria ayaa baaritaan ku haya dilka loo gaystay Viktoria Marinova oo ah gabadh saxafiyad ah oo samayn jirtay barnaamijyo dabo gal ah.

10/8/2018 7:42 AM EST
Isniin, October, 08, 2018 (HOL)– Madaxweynaha dowlad-gobolleedka Galmudug, Axmed Ducaale Geelle (Xaaf) ayaa ku laabtay magaalada Dhuusamareeb ee xarunta maamul-gobolleedka , kaddib safar uu ku tagay magaalad Nairobi.

10/8/2018 7:19 AM EST
Isniin, October, 08, 2018 (HOL)– Madaxweynihii hore ee dowlad deegaanka Soomaalida ee dalka Itoobiya, Cabdi Maxamuud Cumar ayaa maanta ka soo muuqday markii saddexaad maxkamad ku taalla magaalada Addis Ababa ee xarunta dalka Itoobiya.

10/8/2018 6:42 AM EST
Isniin, October, 08, 2018 (HOL)– Dhallinyarada magaalada Gaalkacyo oo dalbanaya inuu cadaalad helo nin dhallinyaro ah oo xalay lugu dilay magaalada Gaalkacyo ayaa goor dhow shaaciyay inay cabashadooda ku soo bandhigi doonan Isu soo baxyo saddex maalin soconaya.

10/8/2018 5:39 AM EST
Isniin, October, 08, 2018 (HOL)– Madaxweynaha Turkiga, Recep Tayyip Erdogan ayaa sheegay haddii ay ku caddaato boqortooyada Sacudi Carabiya inay dileen saxafigii la waayey , xilli uu booqanayey qunsuliyadda Sucuudigu uu ku leeyahay magaalada Istanbuul inuu xuman doono xiriirka kala dhaxeeya.

10/8/2018 5:23 AM EST
Isniin, October, 08, 2018 (HOL)– Guddiga amniga gobolka Nugaal ayaa amar ku bixiyay inan magaalada Garoowe ee xarunta Puntland lugu qaban karin shir aan haysan fasaxa guddiga amniga.

10/8/2018 5:04 AM EST
Isniin, October, 08, 2018 (HOL)– Dowladda Shiinaha ayaa markii ugu horreeyay shaaca ka qaaday inay baaritaan ku hayaan madaxa hay'adda booliiska caalamiga ah ee Interpol oo la waayey ku dhawaad labo toddobaad kahor.

10/8/2018 2:21 AM EST
Isniin, October, 08, 2018 (HOL)–Wasiirka Ingiriiska ee arrimaha Afrika, Harriett Baldwin, oo booqasho ku timid Soomaaliya ayaa kulan ay magaalada Muqdisho kula yeelatay wakiilka Midowga Afrika ee Soomaliya Amb. Francisco Madeira waxa ay sheegtay bixitaan waqti hore oo ciidanka AMISOM ay ka baxaan Soomaaliya inay halis gelineyso ammaanka dalka,

10/8/2018 2:06 AM EST
Isniin, October, 08, 2018 (HOL)– Saddex ruux oo rayid ah ayaa ku geeriyootay tiro kalana waa ay ku dhaawacmeen kaddib markii koox dabley ah rasaas ku fureen gaari ay la socdeen dad shacab ah inta u dhaxeysa Gaalkacyo iyo Hobyo.

10/8/2018 1:52 AM EST
Isniin, October, 08, 2018 (HOL)– Hanti dhowrka guud ee Qaranka ayaa lagu wadaa maanta oo Isniin ah in uu hortago kulan magaalada Muqdisho ay ku yeelanayaan xildhibaannada Golaha Shacabka.