Tababar ku saabsanaa ilaalinta Xuquuqda Aadanaha oo loo qabtay qeybaha bulshada Beledweyne
Jicmo, October, 05, 2018 (HOL)
–Tababarkan oo ay ka qeybgaleen dad laga soo kala xulay qeybaha kala duwan ee
bulshada lagu-na baranayay Xuquuqda Aadanaha ayaa lagu soo gabaga-beeyay
magaalada Beledweyne ee xarunta gobolka Hiiraan.
Tababarkan ama
Aqoon-isweydaarsigan oo socday muddo labo cisho ayaa waxaa casharo iyo la
xiriira muhiimada ilaalada Xuquuqda Aadan ka soo jeediyay qaar ka mid ah
Aqoon-yahannadii ka qeybgalay, iyaga oo dhinaca kalana ka dhageys-tay ka
qeybgalayaasha aragtiyo iyo waliba su’aalo ku saabsanaa qodobka tababarku
saabsanaa ee ilaalinta Xuquuqda Aadanaha.
Eng Cabdcasiis Mayow Maxamed
oo ka socday hay’adda Bani’aadam oo hadal ka jeediyay tababarka ayaa ka qeybgalayaan ah u jeediyay muhiimada tababarkan u leeyahay bulshada, gaar ahaan
dadka aan codkooda gaarin meesha sare, waxaana uu kula dardaaray dhinac-yadii
ka qeybgalay in ay qeyb-weyn ka qaataan u dhaqdhaqaaqa xuquuqda dadka aan codka
laheyn.
Dr Cabdullaahi Cilmi oo
dhankiisa u hadlay hay’adda SIRC oo tababarkan maalgalisay ayaa sheegay in gaar
ahaan dhalinyarada looga baahan yahay in ay kaalinta ugu weyn ka geys-taan
ilaalinta Xuquuqda Bani’daamka, madaama dhalinyaraddu yihiin kuwo saameyn weyn
ku dhax leh bulshada.
Waa tababarkii ugu horeeyay ee
noociisa ah oo lagu qabto magaalada Beledweyne waxaa maalgalintiisa iska kaashaday labada
hay’addood ee kala ah Bani’aadam iyo SIRC, waxaana qabashada tababarkan
fududeeyay Ururka dhalinyarada gobolka Hiiraan.
C/raxmaan Diini, Hiiraan
Online
[email protected]