Jicmo, October, 05, 2018 (HOL)–Dalka Mozambique 189 qof oo looga shakiyay in ay ka tirsan yihiin kooxaha xagjirka ayeey bilaawday maxkamad dhageysiga dacwadda ka dhanka ah.
Maxkamadda ayaa ugu billaabaneysa
eedeysanayaashan khaymad ku taalla xabsigii ay ku jireen dhexdiisa, iyadoo
xubnahani lagu soo eedeeyay inay ku lug lahaayeen weerarro ka dhan ah ciidamada
booliiska iyo dad rayid ah oo ka dhacay gobolka Cabo Delgado.
Eedeysanyaashan ayaa ka soo kala jeeda waddamada,
Mozambique, Tanzaniya, Congo,
Soomaaliya iyo Burundi, waxaana ka mid ah 189-ka Qof ee ay maxkamaddu ugu billaabatay
dalka Mozambique 42 Haween ah.
Waxaa lagu eedeeyay dadkan dambiyo ay ka mid
yihiin dilka, isticmaalka Hubka la mamnuucay, falal ka dhan ah amniga Qaranka
iyo qal-qal gelinta dad weynaha.
Sanad ka hor ayay ahayd markii ay Kooxo ku
Hubeysan Garnaylo iyo Mindiyo ku dileen gudaha Dalka Mosambiik in ka badan 50
Qof, kuwaasoo oo ku doodaya inay Shareecada Islaamka ka hirgelinayaan
degaannada ay muslimiintu ku badan yihiin ee dalkaasi.
C/raxmaan Diini, Hiiraan
Online
[email protected]