Khamiis, October, 04, 2018 (HOL)–Faah faahin dheeraad ah ayaa ka soo baxaya xalay duqeyn diyaarado ay ka geys-teen deegaanka Ceelcade ee gobolka Gedo sida ay warbaahinta u sheegeen saraakiil ka tirsan ciidamada dowladda.
Col Cabaas
Gurey oo ka mid ah saraakiisha dowladda
ee gobolka Gedo ayaa sheegay in duqeyntasi lala beegsaday saraakiil ka tirsan
xoogagga Al-shabaab, isaga oo beeniyay in duqeyntaasi wax-yeello ka soo gaartay
dad rayid ah.
“Duqeyntu waxay aheyd mid lala eegtay kooxaha
nabad-diidka Al Shabaab, waxaan ognahay inaanay dhib gaarin shacabka, balse
waxaa lala beegsaday kooxaha argagixisada, dhimasho iyo dhaawac ayaa ku gaaray,
goobta la bartilmaameedsaday waxaa ku sugnaa taliyaha amniga gobolka Gedo ee
Shabaab” ayuu yiri Korneel Cabaas Gurey.
Gobollada Jubbooyinka iyo Gedo waxaa bilihii ugu
danbeeyayba si is daba joog ah uga dhacayay duqeymo lagu beegsanayo saldhigyada
Al-shabaab, inkastoo haddana dhinaca kale marka la eego duqeymahaasi khasaare
baaxad leh soo gaarsiiyaan dadka rayidka ah ee ku dhaqan deegaannada la
bartilmaameedsado.
Duqeyntan ugu danbeysay lama sheegin cida geystay
iyo haddii ay jiraan xubno ka tirsan Al-shabaab oo ku dhintay.
C/raxmaan Diini, Hiiraan
Online
[email protected]
