3/29/2024
Today from Hiiraan Online:  _
Wararka Maanta- Arbaco, Oct 31, 2018
Labada xisbi mucaarad ee Somaliland oo eeddo usoo jeediyey madaxweyne Biixi

 

Arbaco, October, 31, 2018 (HOL) – Xisbiyada mucaaradka ah ee WADANI iyo UCID oo gaargaar ula hadlay warbaahinta, ayaa madaxweynaha ku eedeeyeen inuu masuuliyadeeda qaadayo hadii doorashaddu dib uga dhacdo wakhtigeedii.

Musharaxii madaxweyne ku xigeenka xisbiga WADANIku Maxamed Cali ayaa sheegay in lix bilood ka hor xisbigoodu qaadacay guddida doorashooyinka inay doorasho dambe qabtaan, haseyeeshee uu madaxweynuhu ka warwareegayo inuu go’aan ka gaadho kala dirista guddidaasi.

Sidoo kale, waxay sheegeen inay u muuqato in doorashadu dib u dhacayso, taas oo wixii ka yimaada ay dusha ka saareen madaxweynaha inuu masuuliyadeeda qaadayo.

“Bishii march ee sanadkan ayaanu u gudbinay qoraal 14 bog ah oo aan kaga hadlayo khaladaadkii gudida doorashooyinka oo ku sheegayno in aanay guddida doorashooyinku doorasho dambe qaban Karin ee madaxweynuhu kala diro”ayuu yidhi Maxamed Cali.

Waxanu intaas ku daray “Doorashadu inay qabsoonto madaxweynaha masuul ka ah haday dib u dhacday wixii ka yimaada isaga masuuliyadeeda leh, Hadii doorashadu qabsoomi waydo waxa lagama maarmaan noqon doonta in tallo qaran la iskugu yimaado oo wixii arrintaasi laga yeelo laga wada hadlo”

Dhinaca kale, waxa isaguna warbaahinta la hadlay ku xigeenka xisbiga UCID Cabdnaasir Buuni oo madaxweynaha ku eedeeyey inaanu diyaar u ahayn inuu doorasho qabto, waxaanu sheegay in hadii doorashadasi dib u dhacdo ay qabanayaan shirkii badbaado qaran oo waxgaradka Somaliland ka tashan doono sidii dalka loo badbaadin lahaaa.

“madaxweynaha waxaan leeyahay hadii aad cod shacab ku timid macnaheedu maaha dalka sidaan doonaan u galayaa, madaxweynuhu wuxuu diiday talladdii aan ku dhex dhexaadinay labada xisbi ee WADANI iyo KULMIYE ee ahayd in xubnahan sidooda u shaqeeyaan oo laba xubnood loogu kala daro labadda xisbi mucaarad”

Mar uu ka hadlayey hadii doorashadu dib u dhacdo waxay yeelayaan waxa uu yidhi “waxaa noo qorsho ah in aanu qabanqaabino oo aanu hirgalino shirkii wada tashi qaran oo aan u aragno badbaadina qaran ee lagu badbaadi karo”

Labada xisbi mucaarad iyo xukuumada ayaa aad u ugu kala fog qaabka loo gallayo doorashadda golaha Wakiilada iyo Golaha deegaanka, waxaanu madaxweynuhu ku doodayaa in aanu kala diri Karin komishanka balse xubintii khalad gasha uun laga saari karo, halka Xisbiga WADANI ku doodayo in la kala diro, xisbiga UCID na ku doodayo in xubnaha doorashooyinka la kordhiyo oo lagu daro laba xubnood oo ay qaataan labada xisbi mucaarad.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
10/31/2018 1:31 PM EST
Arbaco, October, 31, 2018 (HOL) – Dowladda Turkiya ayaa waxa ay furtay garoonka diyaaradaha ugu weyn adduunyada, kaas oo ah mashruuc aad u weyn oo muujinaaya riyada Madaxweyne Erdogan ee ah in dalka Turkiya uu ka dhigo dal door weyn ku leh caalamka. Laakiin dalka Soomaliya ayaanan ka soo qeyb galin xafladdaas ay isugu yimaadeen dalalka saaxiibada waaweyn la ah dalka Turkiya, sida ay HOL ka war heshay.

10/31/2018 1:21 PM EST
Arbaco, October, 31, 2018 (HOL)– Kalfadhigii Baarlamaanka Puntland oo ah midkii u dambeeyay ayaa la filayay inuu maanta furmo, balse sababo aan caddeyn ayuu fadhiga u baaqday.

10/31/2018 1:10 PM EST
Arbaco, October, 31, 2018 (HOL)– Golaha iskaashiga dowlad-gobolleedyada Soomaaliya ayaa ka jawaabay baaqii golaha Aqalka sare ee federaalka, kaas oo ku aaddanaa maamul-gobolleedyada inay soo magacaabaan xubno Wasiiro ah oo ka socda dowlad gobolleedyada, kuwaasoo wada-hadal la yeesha xubno wasiirro ah uu soo magacaabay Ra’iisul wasaaraha.

10/31/2018 9:42 AM EST
Arbaco, October, 31, 2018 (HOL)–Wakiillada Qaramada Midoobey iyo Midowga Afrika oo maalmihii ugu danbeeyayba waday kulamo ay la lahaayeen madaxda dowlad gobolleedyada ayaa magaalada Baydhabo kulan kula qaatay madaxweynaha maamulka Koonfur Galbeed Shariif Xassan Sheekh Aadan.

10/31/2018 9:31 AM EST
Arbaco, October, 31, 2018 (HOL) – Wasiirka Boostada, Isgaarsiinta & Teknolojiyada, Md. Eng Cabdi Cashuur Xasan, ayaa sheegay in Xukuumadda Federaalka Soomaaliya ay ka shaqeyneyso sidii isgaarsiinta iyo teknolojiyada loogu adeegsan lahaa horumarinta dhaqaalaha iyo maamul-wanaagga, si shacabka Soomaaliyeed ay uga faa’iideystaan fursadaha dhaqaale ee ay teknolojiyadu keeni karto.

10/31/2018 9:24 AM EST
Arbaco, October, 31, 2018 (HOL) – Ganacsatada gobolka Banaadir oo maanta kulan ku yeeshay magaalada Muqdisho ayaa mar kale ku celiyay in aysan bixineyn lacagihii loogu tala galay dib u dhiska Wadooyinka Muqdisho ilaa laga helo gacan aamin ah oo ay ganacsatu ku kalsoonaan karaan.

10/31/2018 8:46 AM EST
Arbaco, October, 31, 2018 (HOL)–Xukuumadda Soomaaliya iyo Bankiga Adduunka ayaa maanta ku kala saxiixday magaalada Muqdisho qeybtii u horeysay ee mashruuca $80 Milyan ee Bankiga Adduunka ugu deeqay Soomaaliya, kaasoo lagu fulinayo mashaariicda horumarineed.

10/31/2018 7:38 AM EST
Arbaco, October, 31, 2018 (HOL) –Guddoomiyaha maamulka gobolka Hiiraan Yuusuf Axmed Hagar Dabageed ayaa amray ciidamada nabad-galyada in xabsiga loo taxaabo Duqa degmada Beledweyne Cali Cabduqaadir Faarax Sandheere iyo labo mas’uul kale oo ka tirsan maamulka dowladda hoose.

10/31/2018 2:59 AM EST
Arbaco, October, 31, 2018 (HOL) – Ergayga gaarka ah ee geeska Afrika u qaabilsan hay'adda qaxootiga QM ee UNHCR ,Ambassador Maxamed Cabdi Afey oo booqasho ku jooga dalka Canada ayaa la kulmay wasiirka socdaalka, jinsiyadaha iyo arrimaha qaxootiga Canada, Axmed Xuseen.

10/31/2018 2:24 AM EST
Arbaco, October, 31, 2018 (HOL) – Madaxweynaha Soomaaliya, Maxamed Cabdullaahi Farmaajo iyo wafdi uu hoggaaminayo ayaa goor dhow ka dhoofay caasimadda Muqdisho, isagoo ku sii jeedda dalka Koonfurta Suudaan.

10/31/2018 1:12 AM EST
Arbaco, October, 31, 2018 (HOL) – Wafdi uu hoggaaminayo Wasiirka Boostada, Isgaarsiinta & Teknolojiyada, ayna xubno ka yihiin mas'uuliyiinta Hay'adda Isgaarsiinta Qaranka, ayaa ka qeyb galaya shirweynaha ugu sarreeya ee Midowga Isgaarsiinta Caalamiga ah (ITU) oo ka furmay magaalada Dubai ee dalka Imaaraadka Carabta.

10/31/2018 12:42 AM EST
Arbaco, October, 31, 2018 (HOL) –Iyadoo 17ka bisha November ee nagu soo foolka leh la filayo doorashada madaxweynaha maamulka Koonfur Galbeed waxaa soo baxaya digniinno loo jeedinayo ciidamada qalabka sida looga digayo in ay ku milmaan arrimaha siyaasada ama doorashada Koonfur Galbeed oo ay isku hayaan musharixiin dhowr ah.