3/28/2024
Today from Hiiraan Online:  _
Wararka Maanta- Arbaco, Oct 31, 2018
Danjire Afey oo la kulmay wasiirka socdaalka dalka Canada

Arbaco, October, 31, 2018 (HOL) –  Ergayga gaarka ah ee geeska Afrika u qaabilsan  hay'adda qaxootiga QM ee UNHCR ,Ambassador Maxamed Cabdi Afey oo booqasho ku jooga dalka Canada ayaa la kulmay wasiirka socdaalka, jinsiyadaha iyo arrimaha qaxootiga Canada, Axmed Xuseen.

Kulanka ayaa inta uu socday looga hadlay arrimo ku saabsan sidii kor loogu qaadi lahaa taageerrada ay Canada siiso qaxootiga ku nool xeryaha ku yaalla geeska Afrika.

Danjire Afey , ayaa ka dalbaday xukuumadda Canada inay kordhiso tirada qaxootiga geeska Afrika ee daganaashaha ka hela Canada iyo in kor loo qaado deeqaha waxbarasho ee dowladda Canada ay uga faa'iideyso qaxootiga geeska Afrika oo u badan Soomaali.

"Dhallinyarada ku nool xeryaha qaxootiga haddii ay ku dhacdo waxbarasho la'aan, waxaa fudud inay qaadan waddada qaldan oo ay ku biiraan kooxaha argagixisada, waa muhiim inay helaan waxbarasho." ayuu yiri Ambassador Afey oo la hadlay Hiiraan Online.

Dowladda Canada ayaa u qoondeysay lacag gaareeysa illaa 3 bilyan oo doollar  waxbarashada gabdhaha adduunka. Danjire Afey ayaa wasiirka kala hadlay in ay qayb wanaagsan ka helaan gabdhaha ku jira xeryaha qaxootiga.

Ilaa hal milyan oo qaxooti Soomaali ah ayaa ku nool xeryaha ku yaalla dalalka geeska Afrika iyo waddanka Yemen.

Dhinaca kale, Ambassador Maxamed Cabdi Afey ayaa maanta warbixin siin doona guddiga Baarlamaanka Canada u qaabilsan arrimaha qaxootiga, waxa uu sidoo kale danjiraha maanta la kulmo doonaa jaaliyadda Soomaaliyeed ee ku nool magaalada Ottawa ee caasimadda dalka Canada.

Iman Mohamed Jama, Hiiraan Online
[email protected]












Click here
10/31/2018 1:31 PM EST
Arbaco, October, 31, 2018 (HOL) – Dowladda Turkiya ayaa waxa ay furtay garoonka diyaaradaha ugu weyn adduunyada, kaas oo ah mashruuc aad u weyn oo muujinaaya riyada Madaxweyne Erdogan ee ah in dalka Turkiya uu ka dhigo dal door weyn ku leh caalamka. Laakiin dalka Soomaliya ayaanan ka soo qeyb galin xafladdaas ay isugu yimaadeen dalalka saaxiibada waaweyn la ah dalka Turkiya, sida ay HOL ka war heshay.

10/31/2018 1:21 PM EST
Arbaco, October, 31, 2018 (HOL)– Kalfadhigii Baarlamaanka Puntland oo ah midkii u dambeeyay ayaa la filayay inuu maanta furmo, balse sababo aan caddeyn ayuu fadhiga u baaqday.

10/31/2018 1:10 PM EST
Arbaco, October, 31, 2018 (HOL)– Golaha iskaashiga dowlad-gobolleedyada Soomaaliya ayaa ka jawaabay baaqii golaha Aqalka sare ee federaalka, kaas oo ku aaddanaa maamul-gobolleedyada inay soo magacaabaan xubno Wasiiro ah oo ka socda dowlad gobolleedyada, kuwaasoo wada-hadal la yeesha xubno wasiirro ah uu soo magacaabay Ra’iisul wasaaraha.

10/31/2018 11:07 AM EST
Arbaco, October, 31, 2018 (HOL)–Xisbiyada mucaaradka ah ee WADANI iyo UCID oo gaargaar ula hadlay warbaahinta, ayaa madaxweynaha ku eedeeyeen inuu masuuliyadeeda qaadayo hadii doorashaddu dib uga dhacdo wakhtigeedii.

10/31/2018 9:42 AM EST
Arbaco, October, 31, 2018 (HOL)–Wakiillada Qaramada Midoobey iyo Midowga Afrika oo maalmihii ugu danbeeyayba waday kulamo ay la lahaayeen madaxda dowlad gobolleedyada ayaa magaalada Baydhabo kulan kula qaatay madaxweynaha maamulka Koonfur Galbeed Shariif Xassan Sheekh Aadan.

10/31/2018 9:31 AM EST
Arbaco, October, 31, 2018 (HOL) – Wasiirka Boostada, Isgaarsiinta & Teknolojiyada, Md. Eng Cabdi Cashuur Xasan, ayaa sheegay in Xukuumadda Federaalka Soomaaliya ay ka shaqeyneyso sidii isgaarsiinta iyo teknolojiyada loogu adeegsan lahaa horumarinta dhaqaalaha iyo maamul-wanaagga, si shacabka Soomaaliyeed ay uga faa’iideystaan fursadaha dhaqaale ee ay teknolojiyadu keeni karto.

10/31/2018 9:24 AM EST
Arbaco, October, 31, 2018 (HOL) – Ganacsatada gobolka Banaadir oo maanta kulan ku yeeshay magaalada Muqdisho ayaa mar kale ku celiyay in aysan bixineyn lacagihii loogu tala galay dib u dhiska Wadooyinka Muqdisho ilaa laga helo gacan aamin ah oo ay ganacsatu ku kalsoonaan karaan.

10/31/2018 8:46 AM EST
Arbaco, October, 31, 2018 (HOL)–Xukuumadda Soomaaliya iyo Bankiga Adduunka ayaa maanta ku kala saxiixday magaalada Muqdisho qeybtii u horeysay ee mashruuca $80 Milyan ee Bankiga Adduunka ugu deeqay Soomaaliya, kaasoo lagu fulinayo mashaariicda horumarineed.

10/31/2018 7:38 AM EST
Arbaco, October, 31, 2018 (HOL) –Guddoomiyaha maamulka gobolka Hiiraan Yuusuf Axmed Hagar Dabageed ayaa amray ciidamada nabad-galyada in xabsiga loo taxaabo Duqa degmada Beledweyne Cali Cabduqaadir Faarax Sandheere iyo labo mas’uul kale oo ka tirsan maamulka dowladda hoose.

10/31/2018 2:24 AM EST
Arbaco, October, 31, 2018 (HOL) – Madaxweynaha Soomaaliya, Maxamed Cabdullaahi Farmaajo iyo wafdi uu hoggaaminayo ayaa goor dhow ka dhoofay caasimadda Muqdisho, isagoo ku sii jeedda dalka Koonfurta Suudaan.

10/31/2018 1:12 AM EST
Arbaco, October, 31, 2018 (HOL) – Wafdi uu hoggaaminayo Wasiirka Boostada, Isgaarsiinta & Teknolojiyada, ayna xubno ka yihiin mas'uuliyiinta Hay'adda Isgaarsiinta Qaranka, ayaa ka qeyb galaya shirweynaha ugu sarreeya ee Midowga Isgaarsiinta Caalamiga ah (ITU) oo ka furmay magaalada Dubai ee dalka Imaaraadka Carabta.

10/31/2018 12:42 AM EST
Arbaco, October, 31, 2018 (HOL) –Iyadoo 17ka bisha November ee nagu soo foolka leh la filayo doorashada madaxweynaha maamulka Koonfur Galbeed waxaa soo baxaya digniinno loo jeedinayo ciidamada qalabka sida looga digayo in ay ku milmaan arrimaha siyaasada ama doorashada Koonfur Galbeed oo ay isku hayaan musharixiin dhowr ah.