Talaado, October, 30, 2018 (HOL)
– Kulamo iska soo horjeeda ayaa ka dhacay magaalada Laascaanood xarunta gobolka
Sool, taas oo midba midka kale ku eedaynayo in ay khalad ku socdaan.
Kulan ay saxaafada u qabteen
todoba xildhibaanimada golaha deegaanka ayaa waxa ay sheegeen in ay mooshin ka
dhan ah maayirka u gudbiyeen wasiirka arimaha gudaha Somaliland, Gudoomiyaha
gobolka iyo maayirka.
"Mooshin-kan waxaa saxeexay
sagaal xildhibaan halka xeerku ogol yahay in mooshinka todoba xildhibaan ka
keeni karaan" sidaa waxa yidhi ku Xigeenka maayirka oo intaas raaciyey in
ay maamul xumo baahsan ay sababtay arintan in ay ku talaabsadaan.
Dhinaca kale kulan ay yeesheen 13
xildhibaan oo shirgudoonkiisa daadijinayey Duqa degmada Laascaanood C/casiis
Xusseen Xassan oo ay ku sheegeen in aysan jirin wax dhib iyo musuqmaasuq ah oo
goluhu galay balse ay jiraan oo wada mooshin.
"Ma jirto waraaq isoo
gaadhey oo sharciya, waa taas warqada lay-keenay waxa ay ku socotaa Wasiirka
Arimaha Gudaha, Gudoomiyaha gobolkana ogasiin ayay siiyeen ana iguma socoto,
marka waad aragtaan dadka wax sheegaya aqoontoodu sida ay tahay.
Ololaha haatan bilawga ah ayaa
waxaa bilawday Fahiima Quuje oo ah xildhibaanada keliya ee dumar ku taraxda
golaha oo haatan iyadu j taagan in ay xilka Gudoomiyaha degmada Laascaanood
iyadu isu soo taagto.
Hadal haynta dadweynaha ayaa
si aad ah u mashquulisay sida ay suuragal u noqonayso riyada Fahiima oo si aad
ah uga dhexmuuqata golaha, inay dhiiranaan leedahayna waa loo qiray waxaase
isweydiin leh moojado culus oo hortaagan sidii ay isga banbaanin lahayd.
Seynab Cabdi Warsame, Hiiraan
Online.
[email protected]
Laascaanood, gobolka Sool.
