3/28/2024
Today from Hiiraan Online:  _
Wararka Maanta- Talaado, Oct 30, 2018
Baaqii madaxweyne Farmaajo oo bannaan soo dhigay Xaaf

Talaado, October, 30, 2018 (HOL) – Madaxa xakuumadda Galmudug,Sheekh Axmed Shakiir ayaa soo dhaweeyay baaqii madaxweynaha dowladda federaalka , Maxamed Cabdullaahi Farmaajo oo ku aaddanaa ka qaybgalka shir wada-tashi ah, taasina waxay dhibaato ku tahay madaxweynaha dowlad-gobolleedka ,Axmed Ducaale Xaaf.

Hoggaanka maamulka Galmudug ayaa horay labo ugu kala qaybsamay, madaxweyne ku-xigeenka Galmudug iyo guddoomiyaha Baarlamaanka oo ay waheliyaan qaar ka mid ah xildhibaannada maamulka ayaa muddooyinkii dambe ku sugnaa degmada Cadaado,iyagoo halka ku doortay madaxweyne cusub.

Madaxweynaha Galmudug, Axmed Ducaale Geelle Xaaf ayaa ku shaqeeya magaalada caasimadda u ah maamulka ee Dhuusamareeb,balse taageerrada madaxa xakuumadda oo isna ku sugan Dhuusamareeb ee baaqa madaxweyne Farmaajo ayaa kor u qaadaya cadaadiska uu la kulmayo madaxweynaha Galmudug.

Xaaf ayaa ka mid ah afar hoggaamiye gobolleed oo xiriirka u jaray dowladda federaalka, waxaana shirkii ugu dambeeyay ee madasha wada-tashiga dowlad-gobolleedyada ee toddobaadkii hore lagu soo gabagabeeyay Garoowe laga soo saaray qodobbo kale oo ka dhan ah dowladda federaalka.

War qoraal ah oo u baahiyay madaxa xukuumadda maamulka Galmudug, ayaa sidoo kale looga soo horjeestay dhammaan qodobbadii ka soo baxay shir maamul gobolleedyada ee Garoowe lagu soo gabagabeeyay.

Qodobbada ugu waa weyn ee shirka ayaa waxaa ka mid ahaa,in la dhiso ciidamo u gaar ah maamul-gobolleedyada, xisbi siyaasadeed cusub oo maamul-gobolleedyada ay ku mideeysanyihiin iyo in magaalada Dhuusamareeb lagu qabto shir -weyne iyo arrimo kale.

Madaxweyne Xaaf, oo shalay dib ugu laabtay magaalada Dhuusamareeb ayaa halka ka sheegay inay isku diyaarinayaan shirka ,waxa uu faray hay'adaha ammaanka inay sugaan ammaanka, marka uu hadalka sheegayay waxaa garab-taagnaa madaxa xakuumadda, Sheekh Shakiir kaas oo laga dheehanayay qanacsannaan,balse war-saxaafeedka uu soo saaray ayuu ku caddeeyay mowqifkiisa shirka Garoowe.

" Arrintan kama marnaan karto dowladda federaalka ,waana wax la filan karey in dowladda federaalka ay dadaal badan ku bixinayso sidii bannaanka loo dhigi lahaa Xaaf, haddana taas ayaa soo baxday." ayuu yiri Cismaan Cali oo ka mid ah siyaasiyiinta Galmudug ee arrimaha gobolka ka faalooda.

Khilaafka Galmudug ayaa hadda waxaa waji cusub u yeelaya war saxaafadeedka ka soo baxay madaxa xukuumadda Galmudug.

Iman Mohamed Jama, Hiiraan Online
[email protected]













Click here
10/30/2018 2:31 PM EST
Talaado, October, 30, 2018 (HOL)–Howlgalka midowga Africa AMISOM ayaa waxba kama jiraan ku tilmaamay hadal ka soo yeeray Ururka Al-shabaab oo sheegtay in ay qarax ku dileen 30 askari oo ka tirsan ciidamada Itoobiya ee qeybta ka ah howlgalka AMISOM.

10/30/2018 12:28 PM EST
Talaado, October, 30, 2018 (HOL)–Madaxweyne ku-xigeenka Puntland,Cabdixakiin Xaaji Cumar Camey ayaa ka hor yimid qodobbadii ka soo baxay shirkii madaxda maamul-gobolleedyada ee lagu soo gabagabeeyay magaalada Garoowe.

10/30/2018 11:31 AM EST
Talaado, October, 30, 2018 (HOL)–Kulamo iska soo horjeeda ayaa ka dhacay magaalada Laascaanood xarunta gobolka Sool, taas oo midba midka kale ku eedaynayo in ay khalad ku socdaan.

10/30/2018 9:09 AM EST
Talaado, October, 30, 2018 (HOL)-Faah faahinno dheeraad ah ayaa ka soo baxaya koox hubeysan oo dulleedka magaalada Muqdisho toogasho ku dishay Shan ruux oo la sheegay in ay la socdeen gaari marayay inta u dhaxeysa magaalada Muqdisho iyo deegaanka Ceelasha Biyaha.

10/30/2018 7:00 AM EST
Talaado, October, 30, 2018 (HOL) – Madaxweynaha dowlad-gobolleedka Koonfurgalbeed, Shariif Xasan Sheekh Aadan ayaa beddelay saraakiisha iyo ciidanka ilaalada madaxtooyadda maamulka, sida ay xaqiijiyeen saraakiil ku dhow madaxtooyadda.

10/30/2018 6:38 AM EST
Talaado, October, 30, 2018 (HOL) – Kooxda kubadda cagta Real Madrid ee dalka Spain ayaa shaqadii tabbabaranimo ka caydhisay Julen Lopetegui,kaas oo kooxda ka dhisan caasimadda Madrid maamullayay kaliya 14 kulan.

10/30/2018 5:42 AM EST
Talaado, October, 30, 2018 (HOL) – Dowladda Soomaaliya ciddi ugama qaybgalin mashruuca lagu dhagax dhigayay garroonka Istanbul oo qayb cusub lagu kordhiyay,iyadoona hoos u dhacay xiriirkii kala dhaxeeyey Turkiga kaddib markii dowladda Soomaaliya taageertay Sacuudi Carabiya xiisaddii ka dhalatay dilka wariyaha Jamaal Khashoggi.

10/30/2018 5:22 AM EST
Talaado, October, 30, 2018 (HOL) – Rag ku labisnaa dirayska ciidamadda ayaa xalay waxa ay ku dileen bartamaha magaalada Garoowe ee xarunta Puntland, nin dhallinyaro ah oo lagu magacaabo ,Yaxye Cabdirisaaq Xaaji oo ka mid ahaa ardayda wax ka barata jaamacadaha Garoowe.

10/30/2018 4:23 AM EST
Talaado, October, 30, 2018 (HOL) -Maraakiibta ilaalada Badda ee Midowga Yurub ayaa Doon ay wateen kooxaha burcad badeeda ku qarxiyay xeebaha dalka Soomaaliya.

10/30/2018 4:05 AM EST
Talaado, October, 30, 2018 (HOL) -Talaado, October, 30, 2018 (HOL) -Nin kalkaaliye caafimaad horay uga ahaan jirtay dalka Jarmalka oo lagu eedeeyay in uu dilay 100 ruux oo bukaan ah ayaa hortagi doona maxkamad ku taallamagaalada Oldenburg ee dhanka waqooyiga ku taalla.

10/30/2018 12:26 AM EST
Talaado, October, 30, 2018 (HOL) – Sheekh Maxamed Shaakir Cali Xassan oo ah madaxda xukuumadda dowlad gobolleedka Galmudug ee fadhiggiisu yahay degmada Dhuusa-Mareeb ayaa sheegay in Galmudug oo dhaweyneyso sida uu hadalka u dhigay baaqii madaxweynaha Soomaaliya Maxamed Cabdullaahi Farmaajo si xal loogu helo khilaafka jira.