3/28/2024
Today from Hiiraan Online:  _
Wararka Maanta- Talaado, Oct 30, 2018
Kalkaaliye caafimaad oo ku eedeysan in uu dilay 100 bukaan ah

 

Talaado, October, 30, 2018 (HOL) -Nin kalkaaliye caafimaad horay uga ahaan jirtay dalka Jarmalka oo lagu eedeeyay in uu dilay 100 ruux oo bukaan ah ayaa hortagi doona maxkamad ku taallamagaalada Oldenburg ee dhanka waqooyiga ku taalla.

Baareyaasha ayaa sheegay in Niels Hoegel oo 41 jir ah uu dawooyin ka badan qiyaastii dadka loo qoray uu siin jiray bukaannada oo ku jiray isbitaallada Jarmalka.

Waxay sheegeen in ujeedadiisu ay ahayd in uu ka cajibiyo shaqaalihii ay isla shaqaynayeen uuna iska dhigo in uu badbaadinayo bukaannada uu laayay.

Hoegel ayaa haddaba xabsi ugu jira in uu dilay bukaanno ay ahayd in uu baxnaaniyo.

Dacwadan u dambaysay ayaa la filayaa in ay socoto ilaa bisha May, waxayna daba socotaa maydad la soo qufay oo laga helay in ay ku sumoobeen dawooyin laga tan badiyay.

Hoegel ayaa hadda la sheegay in uu dilay 36 bukaan ah oo ku sugnaa Oldenburg iyo 64 kale oo ku sugnaa Delmenhorst oo aan ka fogayn, arrintaasina ay dhacday intii u dhaxaysay 1999 ilaa 2005.

Wariyaha BBC Jenny Hill ku sugan Berlin ayaa shegaysa in arrintan ay xasaasi ka dhex tahay masuuliyiinta caafimaadka ee Jarmalka, kuwaas oo qaraabada dadka dhintay ay ku eedaynayaan in ay indhaha ka daboosheen dilalka uu gaysanayay Hoegel.

Haddii lagu helo in dadkaas oo dhan uu laayay, wuxuu noqon doonaa ninkii dilkii ugu badnaa ka gaysta jarmalka dagaalladii ka dib.

Baareyaashu waxay sheegayaan in ay macquul tahay in uu dilay dad intaas ka badan, balse dadka ay u badan tahay in ay arrintaas u dhinteen ayaa diiradda la saarayaa.

"Waxaan rajaynayaa in dambi kaste lagu helo, si dadkii ay eheladoodu dhinteen hawshu uga soo afjaranto,” ayuu yiri Petra Klein oo isku duba rida koox caawisa dhibaneyaasha.

Qaraabada dadkii la sheegay in la laayay ayaa la filayaa in ay yimaadaan maxkamadda.

Hoegel ayaa markii u horraysay la qabtay 2005 isaga oo bukaan ku duray irbad aan dakhtar qorin. Sannadkii 2008 ayaana lagu xukumay toddobo sano oo uu ku mutaystay isku day dil.

Maxkamad labaad oo la saaray 2014-2015 ayaa ku heshay in uu labo ruux dilay labo kalana isku dayay in uu dilo, waxaana lagu xukumay xabsi daa’in.

Wuxuu sheegay “in run ahaantii uu ka xun yahay” uuna rajaynayo in qoysaska uu qalbigu u qaboobo. Wuxuu sheegay in go’aanka uu dambiyadaas ku galay ay ahaayeen “kuwo aan sii qorshaysnayn”. Intii maxkamadayntu socotay ayuuna qirtay in uu soddon bukaan dilay.

Baareyaasha ayaa markaas ballaariyay baaritaannadooda waxayna soo qufeen maydadka 130 bukaan oo uu horay u daaweeyay, iyaga oo eegaya in uu adeegsaday dawooyin keeni kara in wadnuhu istaago. Waxay sidoo kale baaritaan dib ugu sameeyeen diiwaannadii isbitaalka.

Xigasho BBC












Click here
10/30/2018 2:31 PM EST
Talaado, October, 30, 2018 (HOL)–Howlgalka midowga Africa AMISOM ayaa waxba kama jiraan ku tilmaamay hadal ka soo yeeray Ururka Al-shabaab oo sheegtay in ay qarax ku dileen 30 askari oo ka tirsan ciidamada Itoobiya ee qeybta ka ah howlgalka AMISOM.

10/30/2018 12:28 PM EST
Talaado, October, 30, 2018 (HOL)–Madaxweyne ku-xigeenka Puntland,Cabdixakiin Xaaji Cumar Camey ayaa ka hor yimid qodobbadii ka soo baxay shirkii madaxda maamul-gobolleedyada ee lagu soo gabagabeeyay magaalada Garoowe.

10/30/2018 11:31 AM EST
Talaado, October, 30, 2018 (HOL)–Kulamo iska soo horjeeda ayaa ka dhacay magaalada Laascaanood xarunta gobolka Sool, taas oo midba midka kale ku eedaynayo in ay khalad ku socdaan.

10/30/2018 9:09 AM EST
Talaado, October, 30, 2018 (HOL)-Faah faahinno dheeraad ah ayaa ka soo baxaya koox hubeysan oo dulleedka magaalada Muqdisho toogasho ku dishay Shan ruux oo la sheegay in ay la socdeen gaari marayay inta u dhaxeysa magaalada Muqdisho iyo deegaanka Ceelasha Biyaha.

10/30/2018 7:00 AM EST
Talaado, October, 30, 2018 (HOL) – Madaxweynaha dowlad-gobolleedka Koonfurgalbeed, Shariif Xasan Sheekh Aadan ayaa beddelay saraakiisha iyo ciidanka ilaalada madaxtooyadda maamulka, sida ay xaqiijiyeen saraakiil ku dhow madaxtooyadda.

10/30/2018 6:38 AM EST
Talaado, October, 30, 2018 (HOL) – Kooxda kubadda cagta Real Madrid ee dalka Spain ayaa shaqadii tabbabaranimo ka caydhisay Julen Lopetegui,kaas oo kooxda ka dhisan caasimadda Madrid maamullayay kaliya 14 kulan.

10/30/2018 6:06 AM EST
Talaado, October, 30, 2018 (HOL) – Madaxa xakuumadda Galmudug,Sheekh Axmed Shakiir ayaa soo dhaweeyay baaqii madaxweynaha dowladda federaalka , Maxamed Cabdullaahi Farmaajo oo ku aaddanaa ka qaybgalka shir wada-tashi ah, taasina waxay dhibaato ku tahay madaxweynaha dowlad-gobolleedka ,Axmed Ducaale Xaaf.

10/30/2018 5:42 AM EST
Talaado, October, 30, 2018 (HOL) – Dowladda Soomaaliya ciddi ugama qaybgalin mashruuca lagu dhagax dhigayay garroonka Istanbul oo qayb cusub lagu kordhiyay,iyadoona hoos u dhacay xiriirkii kala dhaxeeyey Turkiga kaddib markii dowladda Soomaaliya taageertay Sacuudi Carabiya xiisaddii ka dhalatay dilka wariyaha Jamaal Khashoggi.

10/30/2018 5:22 AM EST
Talaado, October, 30, 2018 (HOL) – Rag ku labisnaa dirayska ciidamadda ayaa xalay waxa ay ku dileen bartamaha magaalada Garoowe ee xarunta Puntland, nin dhallinyaro ah oo lagu magacaabo ,Yaxye Cabdirisaaq Xaaji oo ka mid ahaa ardayda wax ka barata jaamacadaha Garoowe.

10/30/2018 4:23 AM EST
Talaado, October, 30, 2018 (HOL) -Maraakiibta ilaalada Badda ee Midowga Yurub ayaa Doon ay wateen kooxaha burcad badeeda ku qarxiyay xeebaha dalka Soomaaliya.

10/30/2018 12:26 AM EST
Talaado, October, 30, 2018 (HOL) – Sheekh Maxamed Shaakir Cali Xassan oo ah madaxda xukuumadda dowlad gobolleedka Galmudug ee fadhiggiisu yahay degmada Dhuusa-Mareeb ayaa sheegay in Galmudug oo dhaweyneyso sida uu hadalka u dhigay baaqii madaxweynaha Soomaaliya Maxamed Cabdullaahi Farmaajo si xal loogu helo khilaafka jira.