Arbaco, October, 03,
2018 (HOL) – Bishii tagtay ee September ee sanadkan 2017da waxaa xoogeystay khilaafka u dhaxeeyay
madaxda dowlad gobolleedka Galmudug oo u kala qeysamay degmooyinka
Dhuusa-Mareeb iyo Cadaado oo ka wada tirsan gobolka Galguduud.
Khilaafka ayaa
sababay in dhamaan-ba mas’uuliyiintii ugu sareysa maamulka dhinacba kan kale uu
ku eedeeyo xil gudasho la’aan iyo in kalsoonidii lagala noday, taasoo cuuryaa-misay
howlihii hay’addaha kala duwan ee maamulka Galmudug.
Haddaba guddiga aqalka sare uu u saaray wax ka qabashada
khilaafka soo kala dhax-galay mas’uuliyiinta Galmudug ayaa sheegay in aysan
aqoosaneyn dhamaan xilka qaadistii hore u dhacday, loona baahan yahay in mar
kale wadajir u shaqeeyaan mas’uuliyiinta Galmudug ee hadda kala fadhiya
magaalooyinka Dhuuusa-Mareeb iyo Cadaado.
Guddiga ayaa intaa ku daray in aan la aqbali
karin in ay sii socdaan waxa ay ugu
yeereen dhaq-dhaqaaqyada lagu burburinayo hoggaanka ha’yadaha dastuuriga ee
Galmudug.
Xubnaha guddigan waxay sidoo kale sheegeen inay
garwadeyn ka yihiin dadaallo lagu dhexdhexaadinayo dhinacyada isku khilaafsan
siyaasadda maamulka Galmudug.
Madaxweynaha dowladda Soomaaliya Maxamed
Cabudllaahi Farmaajo oo ku guuldareystay qabashada kulan lagu xalin lahaa
khilaafka soo kala dhaxgalay madaxda ugu sareysa maamulka, kaddib markii uu
arinkaa ku gacan-sareysay madaxweyne Xaaf.
Lama oga sida ay ku aqbali karaan xildhibaannada
baarlamaanka Galmudug ee fadhigoodu
yahay Dhuusa-Mareeb baaqa Aqalka sare ee ah in wadajir loo wada shaqeeyo, iyaga
oo dhawaan guddi u saaray dooorashada guddoomiye cusub oo uu yeesho
baarlamaanka Galmudug.
C/raxmaan Diini, Hiiraan
Online
[email protected]
