Madaafiic xalay lagu weeraray saldhig Al-shabaab ay ku leeyihiin gobolka Shabeellaha Dhexe
Arbaco, October, 03,
2018 (HOL) –Wararka ka imanaya deegaanka Basra ee gobolka Shabeellaha dhexe oo
ay ku xoogan yihiin dagaalamayaasha Ururka Al-shabaab ayaa sheegaya xalay
halkaa laga maqlay duqyn xoogan oo aan la ogeyn waxa loo adeegsaday.
Goobjoogayaal ku
sugan gobolka Shabeellaha dhexe oo saakay la hadlay warbaahinta ayaa sheegay in ay maqlayeen dhawaqa jug
xoogan oo lagu weeraray saldhigyo Al-shabaab ku leeyihiin deegaanka Basra oo u
dhaxeysa labada Shabeelle, waxaana ay
dadka qaar ku micneeyeen in duqeyntaasi ay geysteen diyaarado dagaal.
Laakiin dhinaca kale warar soo baxaya ayaa sheegaya in
duqeynta xalay maqlay loo adeegsaday qoriga BM-ka oo ay adeegsanayeen ciidamada
howlgalka midowga Africa AMISOM eefariisinka ku leh gobolka Shabeellaha dhexe.
Al-shabaab ayaa dhowr jeer oo hore weerar kala duwan ku
qaaday saldhigyada ciidamada dowladda iyo kuwa AMISOM ee gobolka, gaar ahaan
degmada Balcad oo ay dhawaan la wareegeen deegaanno hoostaga.
Sidoo kale xoogagga Al-shabaab ayaa caqabad weyn ku ah isku
socodka dadka iyo gadiidka waddada isku xirta magaalada Muqdisho iyo Jowhar oo
xarun u ah maamulka Hirshabeelle.
C/raxmaan Diini, Hiiraan
Online
[email protected]
