Sabti, October, 27, 2018 (HOL)- Guddoomiyaha maamulka gobolka Hiiraan Yuusuf
Axmed Hagar Dabageed oo khudbad ka jeedinayay munaasabad ay xilalka kula wareegayeen mas’uuliyiin
loo soo magacaabay maamulka degmada Beledweyne ayaa fariin u diray
wasiirka arrimaha gudaha maamulka Hirshabeelle.
Yuusuf Dabageed ayaa khudbadiisa ku sheegay in
Wasiirka arrimaha gudaha iyo dowladdaha hoose ee maamulka Hirshabeelle Maxamed Cali Caadlle in mar danbe gobolka u soo magacaabi karin sida uu hadalka
u dhigay qof uusan la tashi kala sameynin maamulka gobolka Hiiraan.
‘’Hiiraan ma’aha meel dowladnimada lagu bar-barto, waxaan leeyahay Wasiirka arrimaha Gudaha Hirshabeelle haddii uu mar kale
soo magacaabo qof uusan annaga latashi nagala sameynin in aan dib ugu celin
doono qofkaa uu soo magacaabay waa in uu sidaa ogaadaa Wasiirka ayuu yiri ‘’
Yuusuf Dabageed.
Guddoomiye Dabageed ayaa horay hadal kan aan
waxbadan ka duwaneyn ka jeediyay munaasabadii uu xilka kala wareegayay
guddoomiyihii isaga ka horeeyay xili uu goob joog ahaa Wasiirka arrimaha gudaha
Hirshabeelle.
Khudbadiisa maanta ayaa muujineysa in
guddoomiyaha aan wax wadatashi ah lagala sameynin mas’uuliyiinta cusub ee loo
soo magacaabay maamulka heer gobol iyo degmo oo lagu magacaabay wareegto ka soo
baxday Wasiir Caadlle.
C/raxmaan Diini, Hiiraan
Online
[email protected]