Sabti, October, 27, 2018 (HOL) – Ciidamada
Amaanka ayaa xiray dhamaanba isgoysyada magaalada Muqdisho, waxaana siweyn loo
adkeeyay guud ahaanba amniga caasimada oo uu maanta ka furmo shirka Ururka
Iskaashiga Islaamka.
Waxaa xiran Isgoysyada Banaadir, Zoobe, Taleex,
KM4, Shaqaalaha iyo kuwa kale, dhamaantood marka la eego muhiim u ah isku
socodka dadka iyo gadiidka.
Gaadiidka rayidka ayaa loo diidayaa dhamaan
isgoysyadan inay isaga kala gudbaan, kaliya waxaa loo ogol yahay kuwa ay wataan
ciidamada dowladda federaalka Soomaaliya.
Ma’aha wax ku cusub shacabka reer Muqdisho
xirnaashiyaha jidadka magaalada Muqdisho marka ay jiraan shirarka noocan oo kale
ah iyo munaasabadaha taariikhiga ah.
C/raxmaan Diini, Hiiraan
Online
[email protected]
