Ciidamada dowladda oo gacanta ku dhiggay xubin Al-shabaab u qaabilsanaa qaraxyada
Arbaco, October, 24, 2018 (HOL) – Ciidamada
Nabad-sugida Qaranka ayaa sheegay in howlgal qorsheysan ka dhacay Muqdisho ay
ku qabteen xubin Al-Shabaab ah oo khabiir ku ah dhanka Qaraxyada.
Qoraal lagu baahiyay barta Twitter-ka NISA
howlgalkan ayaa dhacay 23-kii bishan October oo shalay ku beegneyd.
Ma jirin faah faahin kale oo laga bixiyay
howlgalkan oo lagu tilmaamay inuu qeyb ka ahaa dadaalada lagu sugayo amniga,
loogana hortagayo maleegayaasha qaraxyada.
Ciidanka Amniga, ayaa maanta oo ku beegan 23-ka
Octoobar, kasoo qabtay X-koontarool xubin ee AS ah oo khabiir ku ah qaraxyada.
Holwgalkaan wuxuu qeyb ka yahay dadaalada lagu sugayo amniga. Aan si wadajir ah
uga hortagno qarax maleegayaasha.#NISA
— NISA (@HSNQ_NISA) October
23, 2018
Ma’aha markii ugu horeysay oo sidan oo kale barta
Twitter-ka NISA ka sii dhiggo qoraal ka hadlaya xubno ka tirsan Al-shabaab oo
gacanta lagu dhigay, hasse ahaatee Al-shabaab wali kama aysan hadlin
sheegashada NISA.
C/raxmaan Diini, Hiiraan
Online
[email protected]
