Talaado, October,
23, 2018 (HOL) – Kaddib kulan maanta magaalada Muqdisho ku dhaxmaray guddiga
joogtada ah ee Golaha Aqalka Sare Soomaaliya ayaa lagu sheegay in xukuumaddu ka
soo jawaabtay baaqii golaha ee ahaa xal u helida khilaafka dowladda dhexe iyo
maamul gobolleedyada.
Guddoonka Aqalka
Sare ayaa sheegay in xukuumadda
federaalka Soomaaliya ay ka soo jawaabtay farrimaha ku aadan wax ka qabashada
tabashooyinka jira.
Ra’iisal wasaaraha
xukuumadda Soomaaliya Xassan Cali Kheyre ayaa maanta magacaabay guddi heer
wasiirro ah oo Aqalka sare kala shaqeyn doona xal u helida khilaafka kala
dhaxeeya dowladda maamul gobolleedyada dalka.
Guddoomiyha golaha Aqalka sare ayaa xukuumadda federaalka Soomaaliya uga
mahad celiyey Jawaabta ay ka siiyeen siddii xal loogu heli lahaa is afgaran
waaga u dhaxeeya dawladda federaalka Soomaaliya iyo dawlad goboleedyadda.
“Waxaan marka hore mahad u celineynaa xukuumadda federaalka Soomaaliya
oo na soo siisay jawaabtii aan ka sugeynay oo nasiineysa fursad aan ku
hawlgalno, waxaan rabnaa in aan ka shaqeyno siddii dalkeenu u gaari lahaa nabad,
wadashaqeyn iyo midnimo”. ayuu yiri guddoomiyaha golaha Aqalka sare.
Inkastoo Aqalka sare
uu soo dhaweeyay magacaabistan haddana lama oga dhinaca kale sida ay u soo
dhaweyn doonaan madaxda maamul gobolleedyada guddigan ay xukuumadu u soo
saartay xal u helida khilaafka labada dhinac.
C/raxmaan Diini, Hiiraan
Online
[email protected]
