Talaado, October, 23, 2018 (HOL)
-Dagaalkan oo galaaftay in ka badan
lixdan ruux ayaa weli ka soconaya duleedka tuulada Dhumay oo galbeed kaga beegan
Laascaanood ilaa 40 Km
Dadaalo la doonayo in lagu soo afjaro
dagaalkan ayaa saacadihii u dambeeyey ka soconaya degaano kala duwan oo
Laascaanood ka mid tahay.
Garaad C/laahi Maxamed Guuleed ayaa
HOL u sheegay in aanay suuragal ahayn iyadoo ay xabadi socoto in ay aadaan,
balse ay diyaar u yihiin sidii ay markale isugu deyi lahaayeen, waxaanu baaq u
diray labada dhinaca.
Sidoo kale gudoomiyaha gobolka Sool
ayaa noo sheegay in ay talaabo qaadayaan soo afjarta, waxaanu xusay in aan loo
dulqaadan karin.
Dagaalkan ayaa barakiciyey kumanaan
qoys oo degaano kaladuwan deganaa oo ay ka mid tahay Dhumay, Dharkayn, Sabataag
iyo degaano kale oo maalmihii nabadaynta ka dib isu soo dhowaansho iyo wada
degitaan ka bilaabmeen.
Isbitaalada Laascaanood ayaa
dhamaantood la dalaa dhacaaya badbaadinta dhaawaca oo haatan tiradiisu gesmatey,
iyadoo qaad badana haatan ay jidka ugu sii jiraan magaalada Hargeysa.
Lama saadaalin karo dagaalkan isagoo
ah dagaalkii ugu qasaaraha badnaa ee abid soo mara, waxaase su'aalo badan ka
imanayaan waxa lagu kala xukumi doono maadaama uu noqon doono xiligii lixaad ee
arintan guurti u fadhiisato.
Seynab Cabdi Warsame
[email protected]
Laascaanood
