3/29/2024
Today from Hiiraan Online:  _
Wararka Maanta- Isniin, Oct 22, 2018
Maamul-gobolleedyada oo baaq u diray dowladda federaalka

Isniin, October, 22, 2018 (HOL) –  Hoggaamiyayaasha dowlad-gobolleedyada ee ku shirsan magaalada Garoowe ee xarunta Puntland ayaa dowladda federaalka usoo jeediyay eedeymo culus,iyagoo ugu baaqay inay joojiso faragelinta ay ku heyso.

Afhayeenka madasha wada-tashiga dowlad-gobolleedyada,Cabdullaahi Shiikh Xasan oo goor dhow wariyayaasha kula hadlay Garoowe ayaa sheegay dowladda inay si cad markan u dooneyso burburinta maamullada dalka, tallaabada oo u sheegay inay ka hor imaanayso nidaamka federaalka ee u dalku qaatay.

"Maalintii labaad waxaa si habsami ah uga socda shirka madasha Iskaashiga dowladdaha xubnaha ka ah dowladda federaalka Soomaaliya, intii uu socdey shirkaasi waxay dowladda federaalka wadey faragelin toos ah, iyadoona hore u go'aansatay duminta maamullada, Galmudug ayay khalalaaso siyaasadeed ka abuurtay." ayuu yiri  Cabdullaahi Shiikh  oo inta ku daray "Warqad ayay soo saartay dowladda federaalka oo  ay uga hadlayaan doorashooyinka, Puntland 5- doorasho ayaa ka dhacday waxbana lagama waydiin DFS, iminkana waxba laga waydiin maayo, sidoo kale maamullada kale, umana baahna doorashooyinkaasi in Muqdisho laga soo yeedhiyo xilliga ay dhacayaan."

Afhayeenka madasha wada-tashiga dowlad-gobolleedyada oo sidoo kale ah wasiirka  Dastuurka maamulka Koonfur-galbeed , waxa uu sheegay in dowladda federaalka ay magaalada Baydhabo ka dejisey baaburta aanay xabaddu karin iyo ku dhowaad 50 ciidan ah, "kuwaasi oo ay uga goleeyihiin khalkhalinta nidaamka dowladnimo ee ka jirta maamulkaasi iyo faragelinta doorashooyinka ee ay usoo tafaxaydatay". ayuu yiri.

Iman Mohamed Jama, Hiiraan Online
[email protected]
















Click here
10/22/2018 11:05 AM EST
Isniin, October, 22, 2018 (HOL) - Puntland ayaa ku eedeysay Soomaaliland abaabulka dagaallada ku soo noqnoqday gobolka Sool,kaddib dagaal ay dad badan ku dhinteen oo maanta ka dhacay deegaanka Dhumay ee koonfurta magaalada Laascaanood.

10/22/2018 9:54 AM EST
Isniin, October, 22, 2018 (HOL)-Dagaalkan oo soo bilaabmay saakay hiirtii ayaa weli la sheegayaa in uu degaano kaladuwan ku faafayo iyadoo aanay jirin wax dadaal nabadeed ah oo dagaalkan lagu joojinayo.

10/22/2018 7:02 AM EST
Isniin, October, 22, 2018 (HOL) – Madaxweynaha Puntland, Cabdiweli Maxamed Cali Gaas ayaa sheegay inay muhiimtahay in la beddelo qorshaha lagu raadinayo xasilloonida iyo nabadeynta Soomaaliya.

10/22/2018 6:41 AM EST
Isniin, October, 22, 2018 (HOL) – Wasiirka Tamarta iyo Biyaha Xukuumadda Soomaaliya,Cabdicasiis Xasan Maxamed (Lafta Gareen) ayaa goor dhow gaaray magaalada Baydhabo ,halkaas oo la filayo inuu kaga dhawaaqo musharraxnimada xilka madaxweynaha ee dowlad-gobolleedka Koonfurgalbeed.

10/22/2018 6:25 AM EST
Isniin, October, 22, 2018 (HOL) – Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) oo xarigga ka jaray xarunta Degmada Wadajir,kaddib markii qarax loo adeegsaday gaari uu burburiyay dhismaha xarunta bishii hore ee September.

10/22/2018 6:13 AM EST
Isniin, October, 22, 2018 (HOL) – Duqa magaalada Boosaaso ee xarunta gobolka Bari,Cabdisalaan Bashiir Cabdisalaan ayaa ku sugan magaalada caasimadda ee Muqdisho,halkaas oo u uga qaybgalay shir caalami ah.

10/22/2018 6:00 AM EST
Isniin, October, 22, 2018 (HOL) – Hoggaamiyayaasha madasha wada-tashiga dowlad-gobolleedyada Soomaaliya ayaa maalintii labaad ku sugan magaalada Garoowe ee xarunta Puntland, halkaas oo u shalay uga furmay kulanka afaraad ee madasha wada-tashiga.

10/22/2018 5:50 AM EST
Isniin, October, 22, 2018 (HOL) – Xildhibaan, Axmed Macalin Fiqi ayaa ku eedeyay dowladda federaalka inay dhaqaale ku bixineyso dhaq dhaqaaqyada ka socda Cadaado.

10/22/2018 4:07 AM EST
Isniin, October, 22, 2018 (HOL) – Ku dhowaan 20 ruux ayaa ku dhintay tuulada Dhumay oo magaalada Laascaanood ee xarunta gobolka Sool.

10/22/2018 12:53 AM EST
Isniin, October, 22, 2018 (HOL) – Dalalka Britain, Faransiiska iyo Jarmalka ayaa Sacuudi Carabiya ugu baaqay inuu sharraxaad degdeg ah uu ka bixiyo dhimashada Jamal Khashoggi.

10/22/2018 12:30 AM EST
Isniin, October, 22, 2018 (HOL) –Kaddib kulan ku dhaxmaray magaalada Asmara ee dalka Eretria mas’uuliyiin ka kala soctay Itoobiya iyo Ururka ONLF ayaa ugu danbeyntii lagu kala saxiixday heshiis ka koobnaa dhowr qodob.