3/29/2024
Today from Hiiraan Online:  _
Wararka Maanta- Sabti, Oct 20, 2018
Madaxweyne Biixi oo ka jawaabay eeddo xisbiyada mucaaradka ah uga yimid

 

Sabti, October, 20, 2018 (HOL) - Madaxweynaha Somaliland Muuse Biixi ayaa maanta ka jawaabay eeddo uga yimid labada xisbi mucaarad ee WADDANI iyo UCID, kuwaas oo ku dhaliilay khilaafka ka taagan in kala diro komishanka doorashooyinka oo ay ku dusha ka saareen madaxweynaha.

Madaxweynuhu wuxuu sheegay in aanay xisbiyadu is hayn balse xisbiga WADANI iyo Komishanka doorashooyinku is hayaan, waxaanu soo jeediyey in xisbiga WADANI maxkamada u gudbiyo wixii uu ka tabanayo komishanka, isagoo xusay in aanu awood u lahayn inuu kala diro komishanka doorashooyinka oo xisbiga WADANI isagu soo jeediyey in la kala diro.

“Hadii xisbiga WADANI ay komishanka doorashooyinka wax ka sheegteen maxkamada u banaan, hadii ay yidhaahdaan la shaqayn maayo dee anigu kaligay tartan gali maayo, xisbiga boqolkiiba afartan codka dadweynaha helay baanu ixtiraamaynaa ee ha isku noqdaan taageerayaasha xisbiga iyo madaxda xisbigu, anigu Komishanka ma kala eryi karo oo wakhti buu leeyahay waa wadadda ugu adag in la kala eryo komishanka doorashoyinka, marka la kala dirayo horta shakhsi shakhsi baa loo soo eedeynayaa oo qof qof baa loo eryi kara sida uu sharcigoodu dhigayo, haseyeeshee aniga waa iga diyaar doorashaddi”ayuu yidhi Biixi.

Sidoo kale waxa uu ka hadlay labada xisbi mucaarad oo ku baaqay shir beelood haddii doorashaddii baarlamaanka iyo golaha deegaanku dib u dhacan, waxaanu arrintaasi kaga jawaabay sidan “Shir beeleed saddexda gudoomiye ee aan ka midka ahay kii ku dhawaaqa waxa ka dhallan kara dambi sharci, xisbi qaran ee ku dhawaaqa waa khalad iyo dambi sharci jabin ah waayo waanu ka soo gudubnay marxaladaasi dadkuna saddexda xisbi ayey kaga baxeen qabyaaladda,”

Mar kale isago ka hadlay hadal ka dhashay deeq waxbarasho oo laga helay Itoobiya oo labada xisbi mucaarad ka hadleen waxa uu yidhi “Deeqdii waxbarasho ee gobolada loo qaybiyey waxa ka hadlay labada gudoomiye xisbi awal hore arday uun baa ka hadli jirtay hadii aanay xumaan u jeedin waxyaalaha nacda iyo xumaanta keenaya inay ka wareegaystaan bay ahayd, laakiin maaha inay iyagu ballada farta ugu fiiqaan marka wasiirka iyo sida wax loo qaybiyey intaad baadhaan wax ka waydiiya”

Sidoo kale waxa uu ka hadlay kalmad shacabku ku xantaan oo loo bixiyey oo ah Handaraab, taas oo dadku ku eedeeyeen inuu dhaqaalihii iyo dalkiiba handaraab ku xidhay, waxaanu sheegay in handaraabku fiican yahay oo bahal walba guriga laga handaraabo, waxaanu tilmaamay inuu joojiyey dadkii uu la kulmi jirey ee xafiiska ku soo booqan jirey oo uu sheegay in wakhti badan kaga lumayo, taasina ay keentay magacan loo bixiyey ee handaraab.

Barkhad-ladiif M. Cumar, Hiiraan Onlin

[email protected]

Hargeysa, Somaliland.













Click here
10/20/2018 1:46 PM EST
Dadka ku nool magaalada Toronto ee dalka Canada ayaa maalinta Isniinta ah u dareeri doona codbinta duqa magaalada iyo golaha deegaanka ee degmooyinka magaalaas, waxaa musharraxiinta ka mid ah Deeqa Maxamed Barre Shabeel uu u tartameysa degmada 5-aad ee Ward 5 York South –Weston.

10/20/2018 12:21 PM EST
Sabti, October, 20, 2018 (HOL)-Golaha Aqalka sare ayaa ka dalbaday madaxweynaha dowladda Soomaaliya in muddo saddex cisho uu jawaab uga bixiyo khilaafka kala dhaxeeya dowlad gobolleedyada oo bishii September ee sanadkan Kismaayo uga dhawaaqay in xiriirka u jareen dowladda dhexe.

10/20/2018 12:00 PM EST
Sabti, October, 20, 2018 (HOL)– Madaxweynaha Puntland, Cabdiweli Maxamed Cali Gaas oo maanta Garoowe ku soo dhaweeyay hoggaamiyayaasha dowlad-gobolleedyada,Jubbaland, Koonfurgalbeed iyo Galmudug ayaa sharraxaad ka bixiyay sababta uusan Garoowe u tagin madaxweynaha Hirshabeelle.

10/20/2018 11:38 AM EST
Sabti, October, 20, 2018 (HOL)– Madaxweynaha Galmudug, Axmed Ducaale Geelle Xaaf oo maanta socdaal dhinaca lugta ah ku gaaray magaalada Garoowe, ayaa sheegay shirka hoggaamiyayaasha uga furmaya Garoowe inay ka soo bixi doonan qodobbo dan u ah Soomaaliya.

10/20/2018 9:43 AM EST
Sabti, October, 20, 2018 (HOL)– Madaxda dowlad-gobolleedyada ayaa maanta gaaray magaalada Garoowe ee xarunta Puntland, halkaas oo markii ugu horreysay uu ka furmayo shirka madasha wada-tashiga dowlad-gobolleedyada.

10/20/2018 9:41 AM EST
Sabti, October, 20, 2018 (HOL) - Wararka naga soo gaaraya degmada Cadaado ee gobolka Galguduud ayaa sheegaya in maanta halkaa looga dhawaaqay madaxweyne cusub oo uu yeelanayo maamulka Galmudug oo loo doortay Axmed Maxamuud Xassan [Baasto]

10/20/2018 9:15 AM EST
Sabti, October, 20, 2018 (HOL)- Waxbarasho soo soctay muddo Lix sano ah kaddib ayeey 238 Ardey ugu danbeyntii waxaa dhameysteen cilmiga Dhakhtar-nimada Kuliyada caafimaadka Jaamacada Banaadir ee magaalada Muqdisho.

10/20/2018 5:50 AM EST
Sabti, October, 20, 2018 (HOL)– Shirka madasha wadatashiga dowlad-gobolleedyada Soomaaliya ayaa lagu wadaa inuu ka furmo Axadda berri ah magaalada Garoowe ee xarunta Puntland, halkaas oo ay ka socoto qaban qaabada lagu soo dhaweynayo hoggaamiyayaasha dowlad-gobolleedyada.

10/20/2018 4:13 AM EST
Sabti, October, 20, 2018 (HOL)–Haweenka Somaliland ayaa sheegay inay saluug weyn ka qabaan xilalka uu magacaabo madaxweyne Muuse Biixi, kuwaas oo usoo jeediyey in haweenka lagu daro.

10/20/2018 3:28 AM EST
Sabti, October, 20, 2018 (HOL)– Ciidan gadoodsan oo saakay xiray waddada aada xarunta madaxtooyada iyo dhismayaasha wasaaradaha Puntland ee duleedka magaalada Garoowe ayaa dib u furay.

10/20/2018 3:13 AM EST
Sabti, October, 20, 2018 (HOL)– Xukuumadda Britain ayaa markii ugu horreeysay beenisay inay taageerro siiso ciidamadda gaarka ah ee deegaanka Soomaalida Itoobiya oo loogu yeero Liyuu booliska,sida lagu sheegay war ay baahisay safaaradda Britain ee magaalada Addis Ababa.

10/20/2018 3:07 AM EST
Sabti, October, 20, 2018 (HOL)– Wasiirka wasaarrada Waxbarashada Hidaha iyo Tacliinta sare ee Soomaaliya Cabdullaahi Goodax Barre ayaa sheegay in ku dhawaad 400 oo ardey Soomaaliyeed ah ku xanniban yihiin dalka Turkiga.

10/20/2018 2:42 AM EST
Sabti, October, 20, 2018 (HOL)– Jaamacadda caalamiga ah ee University for Peace (UPEACE) oo hoos tagta Q/Midoobay oo kaashaneysa Machadka daraasaadka & Maareynta Masiibooyinka Soomaaliyeed (SDRI) ayaa magaalada Muqdisho si rasmi ah uga furay barnaamij Waxbarasho sare oo loogu talo galay in ay ka faa’ideystaan ardayda dhameysata waxbarashada heerka koowaad ee Jaamacadaha dalka.

10/20/2018 2:39 AM EST
Sabti, October, 20, 2018 (HOL)– Ciidan gadoodsan ayaa xiray waddada aada xarunta madaxtooyada Puntland iyo xarumaha wasaaradaha ee duleedka magaalada Garoowe, sida ay ku warrantay warbaahinta gudaha saacadihii hore ee Sabtida.

10/20/2018 2:00 AM EST
Sabti, October, 20, 2018 (HOL)– Burcad baddeed Soomaali ah ayaa weeraray Markab laga leeyahay Hong Hong ,kaa soo mareeyay xeebaha Bari ee Soomaaliya toddobaadkaan, waana qeyb ka mid ah khataraha wali taagan oo ay burcad baddeedu ku hayaan Maraakiibta iyo Doomaha ganacsi.

10/20/2018 12:01 AM EST
Sabti, October, 20, 2018 (HOL)–Dowladda Saudi Arabia ayaa ugu danbeyntii shaacisay dilka wariye Jamaal Khashoggi, hasse ahaatee Boqortooyada ayaa sheegtay in uu ku dhintay dagaal dhaxmaray isaga iyo dad ku sugnaa gudaha Qusuliyadooda magaalada Istanbul, laakiin dowladda Saudi Arabia ma aysan sheegin halka uu ku danbeeyay meydkiisa.