9/19/2021
Today from Hiiraan Online:  _
Wararka Maanta- Talaado, Oct 2 , 2018
Daraasad muujineysa in kalsoonida shacabka ku qabeen madaxda Qaranka hoos u dhacday

 

Talaado, October, 02, 2018 (HOL) – Daraasadan oo ay wada jir u diyaariyeen hay'adaha Ipsos Limited iyo Farsight Africa Research ayaa lagu sheegay in uu jiro hoos u dhac weyn oo ku yimid kalsoonida Shacabka ay ku qabeen madaxada Qaranka marka la bar bar dhiggo sanadkii 2017da.,

Aragtiyo kala duwan oo laga soo ururiyay dadka ku dhaqan gobollada ayaa isku khilaafsan jihada uu ku socdo, Tusaale ahaa shacabka ku dhaqan gobolka Banaadir oo ku yaal magaalada caasimadda ah ee Muqdisho, halkaasi oo 34% muwaadiniinta ku nool ay rumeysan yihiin in waddanka uu ku socdo jiha khaldan.

Arag-tidooda ayaa ayeey ku saleynayaan dadka fikiradahan la weydiiyay amni darrada, musuq-maasuqa, si xun u isticmaalka dhaqaalaha iyo weliba gaabiska ku yimid kobaca dhaqaalaha dalka.

Dhinaca kale mar la eego heerka kalsoonida ay ku qabeen shacabka madaxweynaha dowladda Soomaaliya ayaa hoos u dhacday marka loo eego sanadkii 2017da oo ah waqtigii loo doortay xilka madaxweynaha.

kalsoonidii madaxweynaha ay ku qabeen shacabkiisa, iyadoo sanadkii 2017-kii, heerka kalsoonida madaxweynaha ay mareysay 86%, balse haatan ay tahay 67%, tan oo weli ah tiro aad u sarreysa marka la barbardhigo inta badan madaxda dunida.

Kalsoonida ra’iisal wasaare Kheyre ayaa laftirkiisa la leeyahay siweyn ayeey hoos ugu dhacday 62% halka sanadkii 2017 ay aheyd 83%.

Kalsoonida ay shacabku ku qabaan golaha wasiirada ee ra'iisalwasaare Kheyre ayaa sidoo kale hoos u dhacday marka loo eego sanad ka hor oo ay ahayd 86% halka haatan ay ka tahay 49%.

"Hoggaamiyeyaasha dowladda ayaa si dhakhso ah u luminaya kalsoonida shacabka. Waa muhiim ah in wax laga qabto meelaha aan shaacinnay in dowladdu ku lumisay kalsoonida shacabkeeda, si dadka looga qanciyo waxyaabaha ay tabanayaan," ayuu yiri Anthony Ndirangu oo ah madaxa Cilmi-baarista ee IPSOS /Farsight.

Kalsoonida ay dadweynahu ku qabaan ciidanka booliska iyo kuwa milatariga ayaa si siman hoos ugu dhacday, ilaa iyo ay gaartay heer ay shacabku aaminaan in ay ku guuldareysteen waajibaadkooda ah sugidda amniga dalka.

Dhinaca maamul gobolleedyada :

Shacbiyadda madaxda maamul-goboleedyada ayaa guud ahaan aad ugu hooseeysa gobollada. Laba ka mid ah madaxda maamul-goboleedyada oo kaliya ayay shacbiyaddooda ka badan tahay 50%, taa oo ka dhigan in afarta kale ay ka hooseeyaan 50%.

  • Madaxweynaha Koondur Galbeed Soomaaliya 55%.
  • Madaxweynaha Jubbaland 52%.
  • Madaxweyneyaasha Hirshabeelle iyo Galmudug 43%
  • Madaxweynaha Puntland 31%.

Guud ahaan marka la eego cilmi-baaristan waxaa ay siweyn u saameysay hay'addaha dowladda oo dhan, sida fulinta, baarlamaanka, garsoorka, iyo waliba hay'addaha amniga, dhamaantood-na waxaa ay sheegtay daraasadu in uu ka jiro hoos dhac iyo kalsooni darro ay shacabka ka muujinayaan.

Daraasadan ayaa imanaya xili dalka uu ku jiro jahwareer siyaasadeed, gaar ahaan marka la eego khilaafka dowlad dhexe iyo dowlad gobolleedyada iyo waliba doorashooyin xasaasi ah oo ku soo fool leh qaar ka mid ah maamul gobolleedyada dalka ka jira, oo madaxweynayaasha hadda tallada haya doonayaa in ay kursiga baaqi ku sii ahaadaan.

C/raxmaan Diini, Hiiraan Online
[email protected]













Click here
10/2/2018 1:43 PM EST
Talaado, October, 02, 2018 (HOL) – Toddobaadkan labo qof oo Soomaali ah ayaa ku geeryooday dalka Switzerland,sida ay xaqiijiyeen jaaliyadda Soomaalida.

10/2/2018 1:28 PM EST
Talaado, October. 02, 2018 (HOL)-Waxaa maanta lagu soo gabagabeeyey magaalada Muqdisho aqoon-isweydaarsi socday dhowr maalmood, kaas oo looga hadlaayey doorka ay dhallinyaradu ka qaadan karaan sidii magaalada Muqdisho loogu heli lahaa biyo nadiif ah.

10/2/2018 12:51 PM EST
Talaado, October, 02, 2018 (HOL) – Guddiga joogtada ah ee golaha Aqalka sare ayaa ugu baaqay mas'uuliyiinta Galmudug in la ilaaliyo midnimada iyo wadatashaqeynta hay'adaha dastuuriga ah, waxaa kalo u guddiga ku baaqay in dib loo soo celiyo wadashaqeyntii hay'adahaas ay lahaayeen ka hor khilaadka haatan jira.

10/2/2018 9:29 AM EST
Talaado, October, 02, 2018 (HOL) – Kooxda Daacish ayaa sheegatay mas'uuliyada dilkii loo gaystay xalay 4 qof oo Itoobiyaan ah,sida lugu baahiyay bog taageerrada kooxda.

10/2/2018 8:04 AM EST
Talaado, October, 02, 2018 (HOL) – Xildhibaan Maxamuud Axmed Ciise oo ka tirsan golaha aqalka hoose ee Soomaaliya ayaa sheegay dib u habeyn inay u baahanyihiin golaha,isagoo marka ku baaqay Wasiirrada xildhibaannada ah inay isaga tanaasulaan xubinimada Baarlamaanka.

10/2/2018 7:35 AM EST
Talaado, October, 02, 2018 (HOL)–Midowga Yurub ayaa ballan-qaaday inay sii wadi doonan taageerrada ay siiyaan shacabka Soomaaliyeed iyo dowladda,kaddib markii Isniintii la weerarray mid ka mid ah gaadiidkooda oo marayay agagaarka wasaaradda Gaashaandhigga ee magaalada Muqdisho

10/2/2018 7:05 AM EST
Talaado, October, 02, 2018 (HOL) – Militariga Mareykanka ayaa sheegay inay ugu yaraan sagaal dagaalyahan oo ka tirsan ururka al-Shabaab ay ku dileen duqeyn diyaaradeed oo ka dhacday koonfurta Soomaaliya, taasi oo la fuliyey kaddib markii Shabaabka ay weerarreen ciidamadda dowladda Soomaaliya.

10/2/2018 4:27 AM EST
Talaado, October, 02, 2018 (HOL) – Madaxweynaha Puntland,Cabdiweli Maxamed Cali Gaas ayaa guddoomiyihii hore ee gobolka Nugaal ,G/Sare Cumar Cabdullaahi Maxamed (Cumar Fara-weyne ) u magacaabay taliyaha ciidanka kaydka Puntland.

10/2/2018 3:50 AM EST
Talaado, October, 02, 2018 (HOL)–Ugu yaraan 4 ruux ayaa geeryooday tiro kalana waa ay dhaawacmeen,kaddib markii Gaari nooca xamuulka qaada ah uu ku rogmaday deegaanka Gawaan ee koonfurta gobolka Mudug, sida ay sheegeen mas'uuliyiinta deegaanka.

10/2/2018 3:24 AM EST
Talaado, October, 02, 2018 (HOL) – Dowladda Soomaaliya ayaa sheeegtay in guud ahaan-ba dalka ka mamnuuceyso ka ganacsiga iyo adeegsiga gaadiidka laga kaxeeyo dhinaca midigta [right-hand drive] iyadoo marka la eego 80% gaadiidka laga isticmaalo Soomaaliya yihiin kuwo dhinaca midiga laga kaxeeyo.

10/2/2018 3:05 AM EST
Talaado, October, 02, 2018 (HOL) – Ra'iisul wasaaraha Soomaaliya, Xasan Cali Khayre ayaa u sheegay wasiir kasta oo xukuumadda ka tirsan inuu wasaaraddiisa ka billaabo isla xisaabtanka, hufnaanta iyo daah-furnaanta.

10/2/2018 2:10 AM EST
Talaado October, 02 2018(HOL)Wasiirka Caafimaadka Dowladda Soomaaliya Dr.Fowsiya Abiikar Nuur ayaa kulan soo dhaweyn ah loogu qabtay magaaladda Minneapolis ee gobolka Minnesota,dadwayne isagu jiray dhaqaatiir,aqoonyahano, odayaal ,ururada haweenka, ardayda barata caafimaadka ayaa soo buuxiyey xaruntii lagu soo dhaweeynaayey Wasiir Fowzia.

10/2/2018 1:09 AM EST
Talaado, October, 02, 2018 (HOL)–Qoraal ka soo baxay wasaaradda arrimaha dibadda dalka Sacuudiga ayaa lagu cambaareeyay weerarkii ismiidaaminta ahaa ee shalay lala eegtay ciidan ka tirsan Midowga Yurub oo u dhashay dalka Talyaaniga.

10/2/2018 12:53 AM EST
Talaado, October, 02, 2018 (HOL)–Dowladda Soomaaliya ayaa sheegtay isticmaalka iyo ka ganacisga dawada loo qaato cudurka TP ama qaaxada ay uga sii dartay sii faafitaanka cudurkan oo siweyn ugu fidaya guud ahaanba dalka.