Talaado October, 02 2018(HOL)Wasiirka Caafimaadka Dowladda Soomaaliya Dr.Fowsiya Abiikar
Nuur ayaa kulan soo dhaweyn ah loogu qabtay magaaladda Minneapolis ee gobolka
Minnesota,dadwayne isagu jiray
dhaqaatiir,aqoonyahano, odayaal ,ururada haweenka, ardayda barata caafimaadka
ayaa soo buuxiyey xaruntii lagu soo dhaweeynaayey Wasiir Fowzia.
Wasiirada oo sheegtay in ay dalkaan Maraykanka u timi ka
qaybgalaka Shirkii Jimciyadda Qaruumaha ka dhaxaysa ee dhawaan ka dhacay
magaaladda NewYork,ay na ka mid aheed wafdigii mataalayey dowladda Soomaaliya,shirar
gooni ahna la yeesheen ha’adaha quseeya arimaha caafimaadka ee ku suganaa
xarunta Qaramada Midoobay.
Kulanka dadkii ka soo qaybgalay waxaa ka mid ahaa dhaqaatiir
Soomaaliyeed ku waas oo qiray in Dr.Fowziya ay shaqo wacan ka qabatay hawlaha Caafimaadka
ee dalkii ka jira, Dr. Fowzia Abraar oo ka mida dhaqaatiirta waawayn ee
Minnesota ayaa sheegtay in Wasiiradu ay tahay qabiir dhanka caafimaadka
bulshada ah taas oo baahi wayn dalka ka jirto xaga wacyi galinta iyo ka
warqabka ayna ku faraxsan tahay qof caafimaadka baratay hadana masuulkii ugu
sareeaya ka ah hay’ada caafimaadka,
Xubnaha ka tirsan Jaaliyadda Soomaaliyeed ayaa wasiirada ku
amaanay kaalintii muga lahayd ee ay ka qaadatay samabixintii dadkii ku
waxyooloobay qaraxii Soobe, waxayna ugu danabyntii hawsha ay dalka ka qabatay
labadii sano ee la soo dhaafay ku gudoonsiiyeen abaalmarin uu gudoonsiiyey Eng.
Jabril Afyare oo ah xubin firfircoon jaaliyadda Soomaalida Minnesota.
Dr. Fowzia Abiikar oo iyaduna la hadashay dadwaynaha
mahadcelin kadib waxay ka warbaxisay xaalada caafimaad ee dalka baahiyaha ka
jira, waxayna aad uga hadashay tayada dhaqaatiirta soo baxaya oo aad u
hoosayso,waxayna wax laga xumaado ku tilmaamtay wax soosaarka qaybo ka tirsan
jaamacadaha Soomaaliya ee qaybaha caafimaadka leh.
Wasiiradu waxay sheegtay in dhawaan dib u habayn wayn lagu
sameen doono Isbitaalada Banadir & Martini markaa kadibna ay ahaan doonaan
kuwo u shaqeeeya shacabka Soomaaliyeed waxayna aheed arin ay aad ugu farxeen
dadwaynahii dhagaysanaayey khudbada Wasiiradda.
Kulankii xalay ayaa ahaa mid ka duwan kulumada Minnesota
lagu qabto xaga dadka kala duwan ee ka soo qaybgalay kuwaas oo u badnaa kuwo
daneenaayey inay wax ka ogaadaan heerka caafimaadka dalka Soomaaliya marayo iyo
dhalinyaro badan oo baratay maadada caafimaadka daneenayeyna inay Soomaaliya ka
soo shaqeeyaan xiliyadda ay fasaxa ku jiraan,
Siyad Said Salah
[email protected]
Minneapolis,MN