Jimco, October, 19, 2018 (HOL)-
Munaasabada lagu taageerayay Musharaxnimadad Mukhtaar Roobow Cali Abuu Mansuur
oo u taagan qabashada xilka madaxweynaha maamulka Koonfur Galbeed ayaa lagu
qabtay magaalada Muqdisho
Munaasabada oo ay ka
qeybgaleen Aqoonyahannno., Haween iyo Dhalinyaro ayaa lagu qabtey magaalalda
Muqdisho .
Waxaa munaasabada ugu horeyn ka hadlay Maxamed Cali Nuur oo ka mid ahaa Gudigii qabanqaabada
Munaasbadda lagu taageerqayey musharaxnimada Mukhtaar Roobow waxaana uu sheegey
in u jeedka loo qabtey xafladda ay tahay Codsi ka yimd Bulshada Koonfur
Galbbeed si ay u muujiyaan taageerada Mukhtaar Roobow Cali Abuu Mansuur.
Suldaan Abuukar Cabdi oo ku
hadlayey magaca Salaadiin Koonfur Galbeed ayaa waxaa uu sheegey in la joogo
xiligii la dooran lahaa Mukhtaar Roobow isagoo ugu baaqey Xildhibaanada Koonfur
Galbeed in ay doortaan Mukhtaar Roobow oo horey u balan qaadey in
deegaannada Koonfur Galbeed ku soo dabaali doono Amni iyo Cadaalad
Suldaan Iikow Cabdi Nuur ayaa
cod Dheer waxaa uu ku yiri “Waa waqtigii uu booska uu Baneyn
lahaa Shariif Xasan sidaa darteed Xildhibaanada Koonfur
Galbeed waxaa u soo jeedinayaa in Codkooda Siiyaan Mikhtaar Roobow
Cali oo ah Shaqsi Badbaadin kara Beelaha ku nool Deegaanada Koonfur Galbeed”
Caaqil Bilow Cabdiraxmaan,
Malaaq Mukhtaar Abiib Aadan, Ugaas Aadan Biid oo ka Hadley Munaasabada lagu
Taageerayey Musharax Mukhtaar Roobow ayaa waxay sheegeen in Dhibaatooyin badan
ay qabaan Bulshada ku nool Koonfur Galbeed sidaa darteed Mukhtaar waa Shaqsi si
weyn ula socda dhibaatooyinka iyo Xaaladaha ka taagan Deegaanada marka
waxaan u soo jeedineynaa xildhibaanada in ay doortaan Mukhtaar Roobow.
Xildhibaan Dubad Maxamed
Dhaqane kana mid ah Xildhibaannada Koonfur Galbeed ayaa waxaa uu sheegey in
Musharaxnimada Mukhtaar Roobow ay Timid Xiligii loo baahnaa marka waxaan kula
dardaarmayaa Xildhibaanada Koonfur Galbeed in ay Doortaan si loo badbaadiyo
bulshada ku nool deegaanada Koonfur Galbeed.
Siyaasi Ibraahim Aadan
Ibraahim iyo iyo Xasan Khaliif Xasan oo la taliye ka ah wasaarradda Owqaafta iyo
arrimaha Diinta oo goobta ka Hadley ayaa sheegay in Mulkhtaar Roobow uu yahay
shaqsi xiligaan hogaamin kara Bulshada Koonfur Galbeed islamarkaana
uu yahay mid isku keeni kara dadka ku nool Koonfur Galbeed oo ay sheegeen in
xilgaan ay heystaan Daruufo adag oo [sugu jira mid amni iyo dhaqaalaha.
Ruuneey Cali Gaduud oo ku
hadleysey Magaca Haweenka Koonfur Galbeed ayaa waxay sheegtey in Bulshada ay
waqtigaan u baahan yihiin Mukhtaar Roobow maadaama Siyaasiyiinta Xilgaan
Hogaamiya Koonfur Galbeed ay ku Fashilmeen in ay wax ka qabtaan
Dhibaatooyinka is biirsadey ee ka taagan deegaanada Koonfur Galbeed.
Gabagabadii
waxaa munaasabada ka hadlay Maxamed Cabdiraxmaan oo ka mid ahaa gudigii
qabanqaabada Munaasbada lagu taageerayey Musharax Mukhtaar Roobwo abuu Mansuur
waxana uu kula dardaarmey bulshada Koomnfur Galbeed in ay u Guntadaan sidii loo
dooran lahaa Mukhtaar Roobow iyadoo intii ay socotey Munaasbada waxaa Halkaas
lagu soo bandhigey Heeso lagu amaanayeey Mulkhtaar
Roobow
C/raxmaan Diini, Hiiraan
Online
[email protected]
